منتديات بني عمرو - مواعيد الهوى

أغلى مواعيد الهوى دايـم ضحيـة للظـروف

حاولـت فيهـا تستـوي لكـن عيـت تستـوي
وانتي تحديني على الفرقا وأنا عينـي تشـوف

وأنا تعبت من الفراق اللي طوى عمري طـوي
ماعدت أميز في متاهات الغيـاب الا الوقـوف

وازبن عليك بضيق بال ودمعـة العيـن تهـوي
البال يضمى والتعب والجرح لاجيت مخلـوف

شاربك من قدر المحبـه بـس ماهـو مرتـوي
قل:وش جدا قلبن على ذكراك من عمر معسوف

لاما تولـع خاطـري وازوى مسافاتـي زوي
رحت آتحمل طعنة الخنجر على حد السيـوف

وإن مت ياحال الضعيف اللي على حكم القـوي
يا اللي علي تستكثر الامال واسـوق الحسـوف

الضيق خاواني كثر ماغبت مـا اريـده خـوي
ماكل حاجه بالجلاده والصبـر يمكـن تطـوف

ما يمدي الخافق محمـل فـوق مـالا يحتـوي
لا ماغدى حالي من التشتيت والوجد مخطـوف

والعزم فيني مـن بعـد فرقـاك كفـه ملتـوي