المـــشـــراف



انا لي بالشــــعر رايـه ولي في قاطــــراته دور

.... يــقوده حـسيالشامـخ من الارجام والارياف



انا شاعر تلاطم به وقـــوتـه مثل موج بحور

ولااروى جادب اوراقه سوى من سافكات شلاف



بدرب ٍ يوم ماشيته لقيته كل ابوه وعـــــــور

..... وجتني شامخات من القوافي سُجـــد ٍ وعكاف



انا شـــاعر رســى قلبه على مينا شبيه الحور

.....شبيه الحور من صده يكـسر قــوة الــمجداف



تـــراك بــداخلي حــــي ٍ وانا في داخلك مقبور

.....لحودي هجرك القاسي وصدك واللحود حفاف



شــــعوري واصــل ٍ حده ولا يحذاه أي شعور

...... يكذب طلسم الساحر ويطــمس كذبة العراف



ضويـــت الفكر واحتله جمالك واهتدي بالنور

..وذكرى شوفتك تروي العواطف والسنين جلاف



أنا المشراف أنا المشراف والدنيا عليه تدور

..... عقب ما كانت غيومك تجود بضمة المشراف



أكـــن بداخــلي عبرة توازي عـــبرة المقـــهور

......وأكـن بـــداخـلي حزن اليتامى بس ما ينشاف



وقالو النـــاس يالعمري علامك حاير ومحسور

...وأجسد كاذب الضحكه واردد:"ما علي خلاف"





تحياااتي


الشاعر : غارم العمـــــــري