|
خبال سعودي 100%
بسم الله الرحمن الرحيم
اللهم صل على محمد وعلى آله وصحبه أجمعين في الحقيقة اني شايب ولا عدت احب النكت كثير ولكن اعرف انكم تحبون العجايب فحبيت اشارك معكم واعذروني على القصور 0 شركة الاتصالات اعطتنا شهر مكالمات مجانا ما وصلني الا مكالمات العيد واكثرها من حقين سوا 0 واعطتنا شهر رسائل مجانا في يوم واحد وصلني ( 142 ) رساله بعض الارقام ما اعرف اصحابها 0حتى انهم ازعجونا في الليل وفي الصلاة وفي كل وقت // خبال لايمكن ان يحصل الا عندنا في السعوديه 0 ويا ليتها مفيده ولكن شوفوا الخبال ///هذه بعض الرسائل علشان ما اطيل عليكم وبعضها والله اني استحي احطها وحذفتها : كما ارجو ان لايزعل مني احد فو الله اني حطيتها كما وصلتني : 1- رسالة تقول : معا يد بيد نقاطع الببسي + والكوكاكولا لمدة شهر 00 الرسائل مجانيه انشرها 0 2- واحد كان في غيبوبه خمس سنين ولما صحي قالوا له الحوثيين هجموا علينا فتاثر فقالوا له جده غرقت في السيول فزاد تاثره وبكى فقالوا الببسي عاد بريال ونصف 0000 اغمي عليه مره ثانيه0 5- حوطي اختاروه لعمليه فدائيه وقالوا السياره مفخخه واذا وصلت عند العدو 00 دق بوري تنفجر 00 قال : اوكي 000 ركب السياره وقال في امان الله ودق بوري وراحو وطي 0 0 6- اللهم في هذه الايام المباركه لاتدع خبل من اصدقائي الا نضجته ولا مزعج الا هديته ولا تنح الا فهمته ولا نص لفه الا اصلحته ولا عاقل الا كملته 0000 اللهم اسعدهم جميعا ولا تحرمني منهم لانه ما عندي وقت ادور غيرهم 0 7- مراحل نمو التكارنه : من الولاده الى 3 سنين على ظهر امه من 3سنين --7 في الحرم من 7-- 12 حرامي من 12 --35 لاعب من 35 وما فوق ساحر 8- حياة الموظف المدني والمعلم : يصحو فجرا مع الديك فينطلق للعمل نشيطا كا الغزال ويكرف هناك كا الحمار ويعود لبيته فيرعى الاطفال كا القطه وينبح عليهم كا الكلب وفي الليل ينام مع البقره فعلى اي شيء تحسدون هذا الثور 0 9- بمناسبة عرض الرسائل المجاني والذي للاسف لم يصادف اي مناسبة 0 اتقدم بخالص التهاني بشهر رمضان القادم وعيد الفطر وعيد الاضحى واي مناسبة خلال هذا العام تشملها التهنيئة0 10 - عمريه رومانسيه / سألت زوجها وش اكثر شيء تحبه قال : الرز قالت قصدي من الكائنات الحيه قال : خروف مفطح قالت لالالا قصدي من الناس قال خوي غرمان 0عصبت عليه وقالت يا خي من الحريم قال خالتي مسعده 0 11- زوج سال زوجته قال تدرين ان خلفاء بني العباس كان لهم القاب مثل ( الواثق بالله والمعتصم بالله والمتوكل على الله ) لو كنت معهم وش تتوقعين اللقب المناسب لي قالت : اما اعوذ بالله او الشكوى على الله 0 12- انواع الرجال عند الحريم : الفرنسي / مثل ماي باخ زين وغالي بس ما ينطال الامريكي / مثل الفلفو لك وللزمن ويمتص الصدمات 0 الصيني / مثل الددسن حق كرف 0 اللبناني / مثل السيكل خفيف ظل يمر ولا يضر 0 السعودي / مثل الدباب تسمع لجته وهو عند الباب 0 وسلامتكم0 |
ههههههههههههههههههه
ايذاك معك روايا دواا لعون يا شايبنا |
حــــــــــــــــــــــــــــــــــــللـــــــــــ ــــــــــــــــــــــــــــــــــــــــــــــــــ ـــــــــــــــــــــوهـــــــــــــ
|
ابو فهد
لك التحيه وصدقني الي ارسل الرسايل انه ثور مع الاحترام لوكان ارسل رسايل تفيده في الاخره مثل حملة الاستغفار0 استغفرالله0 استغفرالله0 استغفرالله اوالتسبيح سبحان الله والحمدلله والله اكبر سبحان الله وبحمده سبحان الله العضيم بارك الله فيك وكويس ما ارسلو( كولمي) |
هههههههههههههه
ألف شكر لك ياشايبنا.. كذا الشعب السعودي لاجديد.. |
حلوه كلها
وفعلا الرسايل اكثر من مطر جده بس عساها ماتتعقب بضرر وعلى فكره النكته الاخيره نسختها وارسلتها .. حلوه وما ورانا شي يعطيك العافيه |
0 - عمريه رومانسيه / سألت زوجها وش اكثر شيء تحبه قال : الرز قالت قصدي من الكائنات الحيه قال : خروف مفطح قالت لالالا قصدي من الناس قال خوي غرمان0عصبت عليه وقالت يا خي من الحريم قال خالتي مسعده 0
براءه منقطعة النظير ..قال خالتي مسعده الله يعوضها بس .. ذات الشأن لاتنسين تكتبين تحتها الرساله .مجاناً :) |
يوم الاربعاء واحد ارسللي رسالة يقوول..
اليوم الاربعاء. ارسلها الى 10 اشخاص وراح يصير.. بكره الخميس ناس جربوها وصارت معهم. هههههههههههههههههههههه |
الله يهديك يا جدابوفهد على اخرعمرك تكتب نكت ,,,
|
هههههههههههههه
الله يعطيك الف عافيه يابو فهد دايم تشرفنا بابداعك |
هههههههههههههههه وربي فله
وخصوصا نكتت العمريه ههههههههههه |
اقتباس:
|
[QUOTE=دب دوب;662642]الله يهديك يا جدابوفهد على اخرعمرك تكتب نكت ,,,
الله يوفقك يادب دوب لو عرفت مغزاها عذرتني وبعدين الشيبان ما ينكتون تراهم اهل النكت هههه كنت اتمنا ان ترد على اللي يرسلها وتعلمهم انهم غلطانين لانني اشكي عليكم لكن اظن انه (طمى العاري على ملتحف اليدين) مثل شعبي لاتفهمه كمان هوه غلط 0 |
هههههههههههههههه ابو فهد الله يوسع صدرك وسعت صدري من كثر ما ضحكت
|
اشكر كل من مر وعلق مهما كان التعليق ولكنني لم اضعه الا لنرى الخبال اللي وصلنا اليه وكنت اتمنى ان يكون هناك نصائح لهؤلاء وانتقاد بناء لهم لكن 00000 ؟
اكرر شكري للجميع ،،،،،،،،،، |
| الساعة الآن 05:45 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir