|
ويش اخلي من تناهيد الفراق وويـش أبـدي والحزن ماله بقلبـي كـم وحـدود ومساحـه
إنتثر دمع المحاجر شوق لوماهو بودَي .................... واحتفابه جفني اللي ما نوى يطلق سراحه الشقا خاوى ضلوعي والليالي ما تهدي .................... والهوا يجري بما لا تشتهي سفني رياااحه طاري الفرقا يلوع ويعمي القلب المقدي .................... وأنت مانت بمثل غيرك يا شقا القلب وفلاحه والله انك لا نويت البعد ضعت وباح سدي .................... والله إن غيرك يجي ويروح ماشحني مراحه ولا انا مهما نزحت ورحت لعيونك مردي .................... مثل طيرٍ مرجعه عشه ولو غرَه جناحه ليت لك قلبٍ مثل قلبي ليامن راح ردي .................... وليت لي قلبٍ مثل قلبك يشوف البعد راحه وليت لك عينٍ مثل عيني لغيرك ماتلدي .................... وفالنوى تذرف هماج الدمع لا وقف قراحه بين جزر أمواااج وصلك يا شقا حالي ومدي .................... ماعرفت ألا الظلام اللي غشا عيني وشاحه إن بغيتك مالقيتك وإن طلبتك ما تندي .................... وإن حصل مني خطاً مابحت خفاقي براحه وانت لاضاقت عليك أركيت لك زندي ويدي .................... وشلت همٍ فوق همي وزحت عن قلبك جراحه طال صبري والليالي والقدر والوقت ضدي .................... وانت عذرك عاذلٍ ترجي السلامه من رماحه ولا انا كم قلتلك ياهيه في مزحي وجدي .................... القوافل سايره والكلب ماسرَه نباحه عذرك أقبح من ذنوب البعد وآهات التعدي .................... ومايبيحك من مشاريه الحشا لأقبلت ناحه والخفوق اللي جروحه مالها حصر( ن) وعدي .................... ماتشرَه لين حلل خنجر طعونك وباحه والله إن مالي عن دروبك خيااار ولا مصدي .................... لو مشاويرك عذاب وخطوة الرجعه مباحه ماعرفت إن الغراام انقاض ليلٍ مستبدي .................... لين عشتك في ضلوعي ليل مايظهر صباحه وما نثر جفني دمع عينٍ توذَا منه خدي .................... لين شفت احلام عيني في عيونك مستباحه وماذخر قلبي هزيل خطاه بدروب التحدي .................... لين ملَ الكذبه البيضا وهدته الصراحه ويش اخلي من تناهيد الفراق وويش أبدي .................... والحزن ماله بقلبي كم وحدود ومساحه للشآعر/ضويحي آلعمآني http://www.wilah.com/vb/images/icons/ward.gif |
مؤثرة جداً والله ..
كلمات قوية ومعبرة وغاية في الجمااال .. أشكر لك هذا الإنتقاء الجميل وهذا الإختيار الرائع .. خالص تقديري .. |
شكراً لك
إختيار راقي ورائع بالفعل تمتلكين ذائقه شعريه راائعه وجميله شكراً لك ولاتحرمينا |
ماعرفت إن الغراام انقاض ليلٍ مستبدي
.................... لين عشتك في ضلوعي ليل مايظهر صباحه الله الله رووووووووووعه اشكرك على ذوقك الراقي |
يعافيك ربى على هذى الاختيار الجميل والاكثر من رائع
|
|
والله انك لا نويت البعد ضعت وباح سدي
.................... والله إن غيرك يجي ويروح ماشحني مراحه ولا انا مهما نزحت ورحت لعيونك مردي .................... مثل طيرٍ مرجعه عشه ولو غرَه جناحه سمو إنسانه اشكرك على هذه القصيدة الرائعة ... ذائقة شعرية مميّزة إحترامي |
مختارات من أبيات رائعة بكل كلماتها
جميلة بعباراتها ,, أعجبتني ذائقتكـ أختي دائماً الأجمل بين أسطركـ ... إحترامي لكــِ .... |
آلآروع توآجدكم آلعطر
http://www.wilah.com/vb/images/icons/ward.gif |
| الساعة الآن 07:37 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir