&&تفارقنا&&
 

السلام عليكم ورحمة الله وبركاته
أتمنى من الجميع أن يسمح لي بهذه القصيدة النبطية المتواضعة وقد عمدت فيها لتشابه صدر البيت مع العجز وكل شاعر له نظرته الخاصة.







انا شاعر ونظراتـي مـع الغيمـة تباريهـا
.
اعرف القافية واللـي تعلّـى فـي معاليهـا
.
وانا خايف من الأيام تكشف لـي مساريهـا
.
تفتّح عينهـا فيّـه وانـا سـاري واعاميهـا
.
وانا لو صحت مالفرقى فدمع العين يواريهـا
.
تفارقنا وفي لحظة عجزت النفـس اساهيهـا
.
فراق الزين يحزني فـراق احلـى عذاريهـا
.
وحرف اسمه ينسيني في هالدنيـا واساميهـا
.
اشوف الصبر يخدعني وحياتي صعب اداريها
.
سراب العشق والعشّاق مايـروي مضاميهـا
.
سراب ضيّع اعيوني وضيّع حـرف قاريهـا
.
سراب العشق حطّم دولة العشّـاق وحاميهـا
.
وانا اذكر يوم ترسم لي مدينة جيت شاريهـا
.
بشيك الصدق واماني تعلّـت فـوق امانيهـا
.
وسمتني تعيس الحظ وانا راضي وشاريهـا
.
ساري الهم بايديـه وآثـار الهـم يوافيهـا
.
مع هذا مع اللي صار أحب اسمع لطاريهـا
.
فدتها الروح لو تنهي حياتي جيـت افاديهـا

صح لسانك وطاب حالك وفالق البيرق ..
قصيدة وافية راقية جداً ..
منها وزود والله يعطيك ألف ألف عافية ..
خالص تقديري ..

يعيطك العافيه على القصيده الجزله والجميله والرائعه
تصح لسانك ولسان من كتبها ومن قالها
تقبلو خالص الموده والمحبه
هبووب الجنووب

الله يخشعني عنك
مشاركات جميلة ننتظر سيل ابداعاتك القادمة