|
رجال المرور في الجنوب
بسم الله الرحمن الرحيم
مع احترامي لرجال المرور المخلصين والذين يقومون بعملهم على اكمل وجه اقول عندكم اناس لايقومون بعملهم ابداً0 كنت قبل فتره مع احد الاخوان في سيارته على طريق ابها-- الديره وفي تنومه بالتحديد وعند اشارة المركز والدوار ( وحقيقة اول مره في حياتي اشوف اشاره ودوار ومطبات صناعيه في مكان واحد فقط في الجنوب تنومه ، ابها ، خميس مشيط ) ليش؟ ما ادري 0 المهم وقفنا الاشارة حمراء وكنا في اليسار ووقف بجنبنا من اليمين سيارة الدوريه وبيننا وبينها فراغ لمرور سياره جاء شاب ودخل من بيننا وقطع الاشاره ولاعنده في واحد 0 التفت على رجل الدوريه وسألته عن ما حدث ؟0000 اشر بيده يعني اتركه ناظرت في رفيقي وجلسنا نضحك على هذا الموقف المحزن لنا بقدر ما ضحكنا 0سالته نمشي ؟ اشر بيده امشوا 0 صنفت معي وجات هذه الرزفه المطوله ارجو ان تكون مناسبه قلت: يا سلام عليكم يا مرور الجنوب المحترم يا سلام عدد من يعكس السير او يقطع اشاره او عدد من صدمله في رصيف او فحط وانقلب يا المرور الذي طبق نظام المرور بكل دقه والله لو يعلم اللي حط هذا النظام ان يشطبه يا المرور الذي يرى المخالف ولا ينهى المخالف الاّ يزهم على اللي ما يخالف يقل خالف معه وان نصب نقطة التفتيش عود على الشعب السعودي ولجنبي مر من جنبه وكنه امير المنطقه علما انه غشيم ولامعه رخصة ولا استماره وموتره وارد السبعين ومهلهله بيبانها قلت هذا المخالف ليش ما تمسكونه يا ملازم قال انته ( هبل ) تبغاني امسكه واتورط معه قلت كيف انت تتورط معه ؟ عامل وايضا مخالف قال هذا واشكاله وراهم (هوامير ) كبار والله لو امسكه ذا اليوم بكره لحضر في الشمال قلت راح النظام ويالله انك تعوضنا بغيره ويالله تحفظ رجال مرورنا في الجنوب المحترم |
ابوفهد العمري
قهقه في قلب لا يفقه ... يا المرور الذي طبق نظام المرور بكل دقه والله لو يعلم اللي حط هذا النظام ان يشطبه يا المرور الذي يرى المخالف ولا ينهى المخالف الاّ يزهم على اللي ما يخالف يقل خالف معه وان نصب نقطة التفتيش عود على الشعب السعودي ولجنبي مر من جنبه وكنه امير المنطقه علما انه غشيم ولامعه رخصة ولا استماره وموتره وارد السبعين ومهلهله بيبانها صح الله لسانك والله يجيرنا ممّا ريته ... تــــــــقـــــديــــري |
من المؤلم أن نشاهد مثل تلك المناضر وتراها في كل ديره ماعدا المدن الكبار
اليوم قدام عيني خمسه قطعو الاشاره بينهم الدوريه الضحيه طبعاً اللى وقف له والباقي نفذو بجلودهم على ماقالم اشكر لك غيرتك الصادقه وإحساسك الرائع الجميل اخووك |
راح النظام ويالله انك تعوضنا بغيره
أبو فهد لا يغير الله ما بقوم حتى يغيروا ما بأنفسهم شكري لشخصك .. وتقديري لغيرتك وطرحك ودمت متألقا محبتي |
جبرني الوقت
شكرا لمرورك اسعدني ذلك تقبل تحياتي |
المسكت
بكل اسف عالم ما تفيد معهم العقوبات الموجوده ورجال المرور يعانون من الواسطه 0 قال لي احدهم ما عندي استعداد اتحمل الشرهه وغيري ياخذ الجميله ( كلام كبير )0 شكرا لمرورك وتعليقك اسعدني ذلك 0 |
صقر بني عمرو
كلامك عين العقل ولكن للاسف من جرف في دحديره 0 اشكر لك مرورك 0 |
ابوفهد العمري صح لسانك على هذه الابايات الجميلة والتي تصور رجل المرور في الجنوب وشكرا لك وتقبل مروري آل غيهب |
تسلم وصح الله لسانك يا الغالي وترى البلاء في كل محفل قبل الفطور بما يقرب من 45 دقيقة واحد قطع إلا شارة وكاد يحصل حادث شنيع لولا لطف الله والمرور واقف عند إلا شارة ولا حرك ساكن وإلا دهى من ذلك حاث حصل على الشارع العام قضيت مشواري ورجعت في ساعة ونصف والله إنهم باقين في الخدمة ينتظرون قال لهم واحد تصالحوا وامشوا قال نريد ورقة فقط من كثر ألانتظار تصالحنا قلت هذا المخالف ليش ما تمسكونه يا ملازم قال انته ( هبل ) تبغاني امسكه واتورط معه قلت كيف انت تتورط معه ؟ عامل وايضا مخالف قال هذا واشكاله وراهم (هوامير ) كبار والله لو امسكه ذا اليوم بكره لحضر في الشمال قلت راح النظام ويالله انك تعوضنا بغيره ويالله تحفظ رجال مرورنا في الجنوب المحترم |
ال غيهب
شكرا لمرورك ويعطيك العافيه |
بن ظافر
شكرا لمرورك 0 واقول صدقت للاسف قتلى الحوادث عندنا تفوق ضحايا الحروب سنويا والمرور مع عتبنا عليهم الا اننا نعذرهم احيانا لانه زاد الماء على الطحين 0 |
| الساعة الآن 08:53 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir