منتديات بني عمرو - إنسآن غآيب : عبدآلله البكر

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - إنسآن غآيب : عبدآلله البكر (https://forum.baniamro.co/showthread.php?t=48060)

إنسآن غآيب : عبدآلله البكر

ليت المحبـــة ( كاس ) !

وأقوى على كسره ..

وليت الكـــلام ( إحســـاس ) !

ماهو كذا حســـــــرة ..

يمكن بقى فينا ..

نقشة اسامينا .. وسط الغصن الأبكم ..

لكن !!

كل الطرق عسرة ..

.

غابت سماء زرقا .. وشمس .. وهبايب
ولا بقى لي غير .. ليل وبعض هَـمّ . !

يسألني العالـم عـن إنسـان غايـب
وعجزت من حزني عليـه .. آتكلـم !

إن كان باقـي لـي دعـاء وطلايـب
فالله .. يعيد شفاهـي اللـي تِبسّـم ..

مريت بـدروب ٍ قديمـة .. عجايـب ؟
حتى المكـان اللـي تركتـه .. تألّـم !

بيـت ٍ قديـم وبـاب مبلـي وذايــب
وجدار .. من خـوف الملامـة تهـدّم

وماضي وعشـق وذكريـات وحبايـب
وكلمات .. مكتوبة على غصن أبكَـم !

بس التـراب اللـي وفـا .. للخرايـب
وغطا شوارعها .. لأجل يحجـب الغَـم

كن داخلي طفل ٍ لـه إحسـاس شايـب
وإتركتـه الدنيـا .. إلـيـن إيتعـلّـم

وكن الشجر .. رجل ٍ يعـرف السبايـب
ومات .. وترك كل الحيـاة .. إتنـدّم !!

دام العشق خايب .. والإحساس خايـب
و ش لي .. أمر بصوب بيته وأسلـم ؟!

ذكرنـي ( ترابـه ) بإنسـان غـايـب
وعجزت .. من حزني عليـه آتكلـم !!

المُبدع :
عبدالله البكر

. .