منتديات بني عمرو - صالونة الدجاج الهندية.........

منتديات بني عمرو (https://forum.baniamro.co/index.php)

- قسم مطبخ نواعم (https://forum.baniamro.co/forumdisplay.php?f=93)

- - صالونة الدجاج الهندية......... (https://forum.baniamro.co/showthread.php?t=45538)

صالونة الدجاج الهندية.........

طلعنا يوم الخميس مخيم ووحده الله يعافيها جابت الصالونة ومعها رز ابيض

قد ماقول روعة قليل طعمها خيال وهاذي طريقتها

المقادير

-نصف دجاجة مقطعة قطع صغيرة وممكن تشترونها مقطعة اسهل لكم
- علبة معجون طماط
-علبتين زبادي
- زيت
- بهار ناعم
- ملح
-فلفل
-كزبرة خضراء مفرومة المقدار تقريبا ملعقة اكل (ممكن تستغني عنها اذا مو موجوده عندكم)
- ثوم مفروم او مقطع حسب الرغبة وحدة تكفي ( واللي مايحبونه مو لازم)
- نصف كاس ماء تقريبا

الطريقة

- نحضر القدر ونحط فيه شوي زيت تقريبا ملعقة اكل
- نضيف له الثوم ثم الدجاج ونحمسه شوي
-نخلط صلصة الطماط مع الزبادي ونضيفهم للدجاج
-نضع الملح والبهار والفلفل
-نضيف مقدار ربع الى نصف كاس مويه على الدجاج (ممكن اضافة حبة بطاطس مقطعة )
-واخيرا نضع الكزبرة الخضراء
- نغطيه و نتركه نصف ساعة على نار هادية
- وبعدين ناكله مع رز ابيض او مع خبز

ممكن نحط لحم بدل الدجاج لكن نسلقه قبل لأن اللحم يبيله وقت يستوي

ترى اللحم اطيب لكن الدجاج اسرع وقت

الطبخة لذيذة وسهلة

ومقاديرها كذلك شويه لابصل ولاطماط

وتصلح وقت الازمة سريعة

وكل من جربها اعجبته

----------------
طريقة الرز الابيض البسمتي

المقادير لشخص واحد

- كاس رز بسمتي ابيض ويفضل المهيدب
-ملعقة وسط ملح
-ملعقة كبيرة زيت
-كاس ونص الى كاسين ماء

الطريقة

-ينقع الرز بماء مغلي
-نضع الماء والملح والزيت على النار
-اذا غلى الماء نضع الرز ونتركه على نار عالية الى ان ينشف الماء
ويترك مده ربع ساعة تقريبا على نار هادية

وبالعافية