منتديات بني عمرو - <><>( لا غطوه ولا برقع )<><>

يا سعد عيني لو يجود الوقت وتعاد السنـين = ويعود عمري للوراء عشرين عام كامــــــــله
ويموت عذالي وأنا أبقى في عداد الآمنـــــين = في ديرة فيها شياطين النميمه خامــــــــــله
وأشوف خلاني بعيني من يسار ومن يمـــين = وأرمي بروحي بينهم وأنول حسن معامـــله
وأناظر أنواع الجمال اللي على الفطره يبــين = ما فيه لا غطوه ولا برقع ولا أيدي عامـــــله
ولا فيه في الديره يكون أصحابها المتوالفــين = اللي لهم في عالم العشاق شبه وســــــــام له
وأكيد فيهم من عشقني وأعشقه في كل حـين = لكنهم في المنتهى ما فيهم اللي هامــــــــــله
حبي لهم مثل الفروض وحبنا معهم متــين = والحب للقلب السليم أكيد صار إلـــــزام له
ما غير أنا معهم بوادي نشرب الماء المعـــين = وسوالفٍ ما تنتهي مني ومنهم زامــــــــــله
نطبخ غدانا فوق جمر الطلح في وادي العرين = متعاونين كلنا وفينا عضام صـــــامـــــــــــله
نركض ونلعب وسط روض فيه فل وياسمين = وتبقى صداقاتي مع من كان حولي شــــامــله
ولا نفكر في البعيد ولا نكثر كيــــف وين = وكلٍ يجامل صاحبه لكن صح مجــامـــــــله
والله ما أذكر يوم قلنا ليتنا متباعــــــــدين= ولا تطرقت الفراق ولا أمتهنت عــوامــــــــله
لكنه الحظ الردي فرّق يدينٍ عن يـــــــدين = والرابح اللي من البشر في يوم حظه قـــــام له
وأنا حقيقه مطلبي والله ماهو شئ شــــــين = أطلب يعود العمر لو عشرين عام كـــامـــــــله
وأشوف خلاني بعيني من يسار ومن يمـين = وأرمي بروحي بينهم وأنول حسن معــامـــله
لكنها في المنتهى أحلام يالقلب الحــــزين = واللي حزين مثل حالي صعبةٍ الأحــــــلام له