منتديات بني عمرو - منقوله//قصيدة في زيادةالرواتب

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - منقوله//قصيدة في زيادةالرواتب (https://forum.baniamro.co/showthread.php?t=37321)

منقوله//قصيدة في زيادةالرواتب

قصيدة في زيادةالرواتب

الراس صاير فيـه ورشـة حـداده = قام يتحلل فيه مسمـار ...مسمـار

قلت الركـاده ميـر ويـن الركـاده = كنّي مع الحجاج في رمي الاجمـار

من عقـب ماجانـا قـرار الزيـاده = من مجلس اهل الجود وافين الاشبار

كـلٍ مـن الفرحـة بيقـدح زنـاده = جبنا القروض نضارب السوق وانهار

وجينا نبي بـس الرجـا والهـواده = والله وكيلك شبّت اسعارنا .. نـاااار

والراتـب الماخـوذ جتـه القـراده = ماينزل الا..صافقه مثـل الاعصـار

فاتـورة الهاتـف وعاجـل سـداده = والقرض والكهرب وتسديد الايجـار

والتاجر المليـان جـاب الوسـاده = يبـي يوصّـل راس مالـه لمليـار

والا المواطن صار..سهل اصطيـاده = جته الهوامير بوسَط غـب الابحـار

واصبح نهار وليـل وسـط العيـاده = مابين طب الراس والقلـب وشهـار

يامـن يوصّـل كلمتـي للقـيـاده = للحاكـم المحبـوب والوالـد البـار

ماعاد نبغى فـي الرواتـب زيـاده = اللي نبيه اليوم تخفيـض الاسعـار