منتديات بني عمرو - للمتزوجات فقط والله يعين


	مقدمه : يقال ان المرأه هي المرأه .. سواء في السعوديه .. ولا في لبنان .. وانا اقول لا والله معصيين وش جاب التبوله عند كيس الرصيص الفرق كبير حتى في طريقة التفكير السعوديه : انانيه لاتفكر الا في نفسها .. تبحث عن من يدللها .. تماماً كما يفعل الدنماركيين واللبنانيه : عضو فعال في حياة الرجل ... تفكر كيف تدلل زوجها .. لينمو مع الوقت وينضج عشان كذا نسبة الطلاق عندنا مرتفعه .. رغم ان الرجل يدفع ( تحويشة العمر ) مهراً لـ زوجته .. املاً في ان ( يتقوز .. ويتستت .. ويخلف معيز ) وعلى الجانب الاخر نجد ان مهر ( اللبنانيه ) لايتجاوز قيمة ( صباحة ).. مع حفل عائلي بسيط وخالي من مظاهر ( البهرجه ) وخالي من رجف ( طيران شموخ ) التي يسمع دويها احياناً على بعد مسيرة يوم ولو بحثنا عن الاسباب لوجدنا ان المرأه هي ( الدبور اللي بيزن على خراب عشه ) عزيزتي المرأه : ضعي نفسك في مكان المسؤليه .. وتخيلي بـ انك الراعي الرسمي لـ عش الزوجيه .. والمدبر الاول لـ الشؤون البلديه والقرويه وتعالي لـ نعيش سوياً هذه المشاهد .. بعد ان تصبحين انتي العائل والمدبر الاول لشؤون المنزل المشهد الاول : وانتي راجعه من دوامك الساعه الثالثه ظهرا .. بعد جهد وارهاق .. تدخلين بيتك .. واذا بـ زوجك توه صاحي من النوم ( يتمغط ) .. وقاعد يتقهوى ويطالع التلفزيون !! تمسينه بالخير .. ويرد عليك بـ صوت خافت .. بدون مايناظر فيك ولا كأنه يشوفك تبدلين ملابسك .. وتكلمين ( الصبي ) يحضر الغدى .. بعد مايجي الغدى .. ماتدرين الا وزوجك جاي يزحف ( على مؤخرته ) لـ يشاركك لقمة العيش يتربع قبالك ... ويد في الصحن .. وعين على التلفزيون .. وانتي ولا كأنك هنا ينتهي الغداء .. وتذهبين لـ اخذ قيلوله .. بينما هو يستمر في متابعة التلفزيون .. وربما ( دق تلفون ) على احد اصدقاءه وقعد يتشكى له من ( ضيقة ) الحال وياك المشهد الثاني : تصحين العصر .. وطبعاً كـ العاده .. مافيه شي جاهز .. لازم تروحين للصبي واتقولين ( ياكومار ) جهز القهوه والشاهي !! وماهي الا لحظات حتى تلقين زوجك محضر قبالك .. وعلى طول يبادرك بـ هذا السؤال : انتي صحيتي ؟؟ والله حسبتك جنازه .. وش هالنوم ياكافي !! ولا كأن عندك زوج انتي : يالغالي .. انا حرمه اطلع من الدوام هلكانه .. يعني حاسدني على ساعه ارتاح فيها شوي !! هو : ايه ايه ..فكيني من هالاسطوانه .. انا ترى مليت ( طقيت ) ماغير اتصكك بين هالجدران .. كني مجنون .. لا شغل ولا مشغله .. هذي مهيب عيشه .. !! انتي : طيب شرايك اسفر الصبي .. عشان تلهي عمرك في البيت وتتونس هو : ياهالصبي اللي ذلتيني فيه .. لـ علمك ترى كل واحد من خوياي عنده بدل الصبي اربعه .. لا بعد ويمنين .. كل واحد راتبه 800 ريال وانتي تمنين علي بـ هندي راتبه 400 .. المهم انا طفشان من هالبيت .. ابي اطلع .. يا اختي حسي فيني وش هالانانيه عندك.. وديني للسوق ولا وديني للمستشفى ابي اشم هوا ( ترشفين ) فنجالك بسرعه .. وتاخذينه على اقرب سوق !! والمغرب ترجعون للبيت .. وهو قاعد ( يبربر ) عليك وش شاف في السوق .. ووش اعجبه ووش ما اعجبه المشهد الثالث : عند الساعه الثانية عشر بعد منتصف الليل .. وبينما انتي ( تتهيأين ) للنوم .. استعداداً ليوم عمل شاق يبدأ الساعه السابعه صباحا .. ماتدرين الا زوجك داخلن عليك الغرفه .. وقاعد يمشي ( الهويني ) متجهاً الى التسريحه ... يقعد ( يقلب ) عيونه في المرايه .. وينمص شواربه ويعدل في السكسوكه !! وبعد ماينتهي .. يجيك ويرمي بـ كل ثقله على ( غرفة النوم ) ويقولك .. ابي اكلمك في موضوع انتي : خير وش فيه هو : ابد مافيه الا سلامتك .. ولد عمي نواف زواجه بعد شهر .. وانا للحين ماشريت شي .. ولا استعديت للعرس .. انتي : والمطلوب مني ؟؟ هو : ابي فلوس بشتري ثوب .. انا لقيت ثوب في ( مشار ) يهبل .. ياخذ العقل ويقول راعي المحل انه ( آخر حبه ) .. واتفقت معه اجيه بكره اشتريه .. واذا ماجيت بكره بيروح علي !! انتي : كم سعره هو : قالي بخمسة آلاف .. بس انا اعجبك .. كاسرته ونشفت ريقه .. وخلاه لي بأربعة آلاف بس انتي : وعلى طول .. اقرب ( طوفريه ) عندك وعلى جبهته .. ينتهي المسلسل بمعركه حامية الوطيس .. يذهب بعدها الزوج ( طامحاً ) الى بيت اهله .. ولا يعود الا بقيمة الثوب .. وفوقها ( رضاوه ) بـ مبلغ وقدره المشهد الاخير : في نهاية العام .. ومع حرارة الصيف .. تتفقين مع صديقاتك المقربات .. والمحببات الى نفسك ... لـ السفر خارج البلاد في اجازه قصيره لا تتعدى 15 يوماً .. لـ اعادة الذكريات الجميله مع صديقاتك .. والابتعاد عن الشحن النفسي والضغوطات الموجوده في المنزل والعمل !! هنا تقوم القيامه لدى الزوج ... وينطلق عليك بوابل من الكلمات المشفره .. مع رشقك ببعض العبارات النابيه وشو امس اقولك وديني ناخذ عمره .. واتقولين ماعندي اجازه ؟ ولا معي فلوس والحين طلعت الاجازه وطلعت الفلوس هالحين عاجبتك العيشه اللي انا عايشها معك ؟؟ لعنبوك مايكفي اني متحملن دبلت التسبد معك !! مايكفي انك حابستني في البيت لا اروح ولا اجي !! خوياي كلهم مخدومين .. وانا مربوط فيك .. ماطلع الا بأمرك وشورك مايكفي انك تذليني على كل كبيره وصغيره وفوق هذا بتروحين تمشين انتي وخوياتك الداشارت .. وانا بتخليني انطق عند اهلي هنا تتدخل ( الطوفريه ) مره اخرى لـ فض الاشتباك .. لـ تسافرين مع صديقاتك .. وانتي تحملين هم ( الرضاوه ) بعد عودتك بينما الزوج قد ( طمح ) الى اهله .. وقام بنشر الغسيل هناك بين اصدقاءه وابناء عمومته .. وخلا اللي مايشتري يتفرج عليك بعد العوده .. اما ان يعود زوجك الى حياتك مره اخرى .. وتستمر المعاناه او تقررين الانفصال عنه ( حقناً للدماء ) والبحث عن زوج آخر .. يقدر دورك .. ويكون خير عوين لك على نوائب الدهر فـ ايهما تختارين ...

منقول أرجو التعليق الجاد