تعال وحاكني وانزع ..لثام الهم والغربال= تعال نجدد الذكرى.. ونحيي كل ماضيها
تعلمت اغفر الزلة.. ولو كان الخطا قتّال= ابد ما كان من طبعي .. قلوب الناس أذّيها
أنا مثل الذي يحكي.. وعينه بالدموع ثقال=وقلبه بالحشا ينبض .. رغم آه ٍ يعانيها
رغم جرح ٍ تواساني.. وحزنٍ داخلي يختال=نويت أنهي معاناتي ..نويت أحزاني أطويها
ترى صدر الزمن يشكي..ولا عاده وسيع البال=كثر ما كان لي مرسى ..تعب منّي بتاليها
تناسى ما مضى وأنسى..تناسى ما حكى العذال= لجل عين ٍ بكت فرقاك ..واشتاقت لغاليها
تعال ولملم جراحك..تعبنا من عنا الترحال= تعال نحاول الضيقة .. إذا زادت نجاريها
لك الله ما ذبح قلبي.. وساقه للعنا بالحال= سوى جرح ٍ تساهلته..من أقرب ناسٍ أعنِيها
سنين ولا اندمل جرحي.. سنين وداخلي موال= سنين وروحي الحيّه .. تدور من يداويها

أنا مثل الذي يحكي.. وعينه بالدموع ثقال=وقلبه بالحشا ينبض .. رغم آه ٍ يعانيها رغم جرح ٍ تواساني.. وحزنٍ داخلي يختال=نويت أنهي معاناتي ..نويت أحزاني أطويها

لك الله ما ذبح قلبي.. وساقه للعنـا بالحـال = سوى جرح ٍ تساهلته..من أقرب ناسٍ أعنِيهـا

المشاركة الأصلية كتبت بواسطة فارس نت (المشاركة 348451) ياااااه يا حنان وقفت طويلا عند تلك الكلمات حتى ضاعت مني الكلمات ... بانتظار عودتك..

المشاركة الأصلية كتبت بواسطة ذات الشان (المشاركة 348477) الله الله الله رائعه وكلماتي لن توفيك حقك مبدعه دمتي بخير

المشاركة الأصلية كتبت بواسطة عذب السجايا (المشاركة 348478) حنان ال فاضل رائعة انتي في قصائدك اشكرك جزيل الشكر