أسمعوا من شاعرٍ يطرب مسامعكم جديـــده = شعر وأفكار جديده ما تبعتك يا فـــــــــلاني
ننطق أذكارٍ مفيده نكتب أخبارٍ أكــيــــده = وأحمد الله ما نقصّر مع خويٍ لو نصــــــاني
أتبع سنة محمد وأعرف أركان الـعـقـيـــده = وان حصل في الرآس علّه أتلو السبع المثـــاني
وأعرف ان الله خلقنا للعباده يا عـبـيــــده = وأعرف أنك يالساني دائماً انتي حصـــــــاني
والذي ماهوب فاهم مقصدي أرجع وأعيـده = حتى يوصل كل معنى في الزمان وفي المكـــاني
وحي لي نفسٍ توجهني ولا نفسٍ عنيــــده = وحي لي صادق عدو ولا كذوبٍ من أخـــواني
والنفوس اللي عنيده والله ان تبقى وحيــده = في زمانٍ كل نفسٍ من مصائبها تعــــــــــاني
وحي لي نفسٍ ذكيه ولعن أبو نفسٍ بليــده = وحي لي رجّال فاهم يفتهم كل المعـــــــــاني
وحي لي رجلٍ سنافي كل منطوقٍ يجيــــده = يكرم أصحاب الشهامه يكره أصحاب الغواني
يسعد الناس القريبه يحشم الناس البعيــده = ما تفوه بالنميمه ما أحتقر قـــــــــاصي وداني
وهيه ياللي كنت خافي في دهاليس القصيده = أنكشفت انك مجامل لا ولك مفهوم ثـــــــاني
يا ضعيف النفس لا تعطي عدوك ما يريـده = لا تســــــمّع في كلامه لا تـطــــاوع كل داني
والذكي معلوم يعرف كل معنى في بريـــده = يعرف المرسول والراسل يبين في ثــــــــــواني
والغبي مهما تعلم له بعلمك ما يفيـــــــده = مـا يـفـيـده غـيـر تـقـرص منكبه ولاّ الآذاني
والحقيقه كنت أقول فلان الله من وليـــده = لين بين نيته والقصد والله ما خــفــــــــاني
لكن الدنيا دنيه من يطاوعها تزيـــــــــده = ومن يعنادها بتوبه أمتلك كل الآمـــــــــــاني