...... الــــــــبــــــــدع ......=
يا جمل وش غيرك عن طبعك المعهود يا سمحان=
بعد ما كنا نقول سمحان ما شل الحمايـل مثلـه=
بعد ما كنا نقول سمحـان مـا مثلـه ولا جمـل=
كيف غيرت الطبوع الجيـده بخلافهـا وسواهـا=
كيف غيرك الزمان وحولـت بـك سيـرة الايـام=
وانت يا سمحان من خيرة جمال القوم ومن اقواها=
ما عهدنا فيك غير الصبر في وقت الرخا والباس=
لو دريت ان الحموله يا جمل من هدّتـك تتبعثـر=
كـان شليـت الحمولـه يـا جملنـا وانتقلتهـا=
كـان شليـت الحمولـه يـا جملنـا وانتقلتهـا=
...... الــــــــــــــــرد ...... =
يا الله انا نطلبك يا ربنا فـي العفـو والسمحـان=
واسمعوا الامثال لا عوّد يرد ابن الحمايـل مثلـه=
خل بعض الناس لا يخطي ولا يقـدي ولا جمـل=
والله اللي شل سبع وحط سبع ومدهـا واسواهـا=
ان مـا ودي نسيـر الا بصـفٍ واحـدٍ لـيـام=
وانا شاعر واقدر آخذ طيـب الامثـال ومنقواهـا=
واقدر اورد بيوت المعرفـه فـي حلّـة ولبـاس=
واقدر اثبت كلمتي وامشي معا برهانها واتبع اثر=
قبل يقلون الخلايـق مـا تغبـى وانـت قلتهـا=
قبل يقلون الخلايـق مـا تغبـى وانـت قلتهـا=

المشاركة الأصلية كتبت بواسطة ولدصالح حياك الله اخي المستشار الغالي / محمد الرافعي وصح لسانك ولاتنسانا من ابداعاتك .

يعطيك العافية ياالساحل الغربي على نقلك الموفق لقصيدة بن عزيز بس ياليت أنك كتبت أنها لبن عزيز حتى يكون فيه أمانه في النقل وحفاظاً لحقوق الغير سلااام

المشاركة الأصلية كتبت بواسطة سلاااام يعطيك العافية ياالساحل الغربي على نقلك الموفق لقصيدة بن عزيز بس ياليت أنك كتبت أنها لبن عزيز حتى يكون فيه أمانه في النقل وحفاظاً لحقوق الغير سلااام