الا ياعطـَـر جوي . . وياريحـة الريحـان=احبك وحبي لك تعلى على التعليل
انا اعاهدك بالله واحلف علـى القـرآن=على مصحفٍ طاهرْ نزل للنبي تنزيل
لاكون الوفي دايمْ واعيش بغلاك ازمـان=ولا عن هواك اعدل . . ولا عن هواك اميل
ولا عنك انا اتنازل ولو كان مهما كـان=ولارهن حياتي لك وللكحـل والمنديـل
ولاحفظ غرامك لين تغشى المتون اكفـان=ولا افكر بغيـرك ولا احـاول التبديـل
انا صرت من حبك شرودْ الفكـَـر هيمـان=يكلمني الجالس ولا استوعب اللي قيـل
بنيت الوفا قصر ٍ وفيك اعتـلى البنيـان=وبالغت في البنيان واسرفت في التطويل
واذا قلت انا احبك فلا نيب لـك خـوّان=وحبي ترى مبدأ ولاهوب لك تمثيـل
انا مدمن ٍ حبك وفـي غايـة الادمـان=ظهر حبك بدمّي وبـيّــن مـع التحليـل!

راجي الوصل

صح لساانك يا غالي
والله يعطيــك الف عافيـــــه
مثل هذا الإبــداع وأكثر ننتظرهـ من المبدع راجي الوصـل
تقبل أطيب التحايــــــــا