الحضور إللي جبرنا له غياب=لاحضرنا غصب يجبرنا نغيب
والشعور إللي يسجل له عتاب=للتعب كون التعب إسمه تعيب
لو تعبينا المشاعر في قراب=مالقينا إحساس بركاده يشيب؟
البشـر لوعَدها عنـدي عراب=الصدوق أغلى بشرلونه عريب
أه يوم(ن)لاطلبني له طلاب=كان بغيابي بجيله! مـايجيب!!

أبتعد وارجع ولاكلي عوايد=مير من شاني وعايد مرتين
دوك شكل الوقت ذابهله زوايد=لاترجيني لو إنك ترجفين!!
الخفيف أحيان نلقى به فوايد=عكس لامن الثقيل أحيان طين
مثل قلبي لالفى قلبي جوايد=كُلها مِني ولافيني فطين
ماجنيت الكيد جنني مكايد=الاكيد إني على شانه أبين
بين من زدنا المروه له سعايد=نِعرفٍ لأهل الحياء فينا حنين

ودك إن الشـر مايقضي لزومه=وإن راع الخير يقضي لازمـه
ودك إن الحظ مايلقى ملومه=وإن بعضك يالحظوظ إملايمه
ودك إن أهل الحسد ويا الخصومه=دايم وأهل الحقد بمخاصمه
ودك إن الكذب مانسمع كلومه=لا إتصال وعن طريق إمكالمه
ودك إن إللي يحطك في عيونه=مثل من حطك بكُل إمعاينه
ودك إن اللي تودد لك مزونه=لاقصد بإمزون وزن امزاينه
ودك إنه كل صافي من كنونه=مـثل كنة عين نبع إكناينه!!

صح الله لسانك مليووووووووووون
قمه

لاتحرمنا من جديدك
فالك الطيب

يا ســــــــــــــــلااام
صح لساانك وسلم قلبك وبنانك يا المسكت
والله يعطيـــك الف عافيـــــــــه
روووعــــــه وإبــــــــــــداع والله
شاعر جزل ووافــي ولا يستغرب منك هذا الإبــداع
لا تحرمنا من بوحك العذب
تقبل أطيب التحايــــا

مهما تكلمتك في طيبك وفي مدحك = شهادتي في عيون الناس مجروحه

المشاركة الأصلية كتبت بواسطة صالح آل سلمان صح لسانك اخي ابو عبدالله الله يعطيك العافيه وكل ما تقدمه يعد من اجمل وانقى الشعر للمتذوق تقبل خالص الموده ابو عبدالله