[ ياشموخ الشعر ياعطر الكلام = ياجمال النثر في نبض الحروف
نشوة الربان في بحر الغرام= والقلم مجداف تلعب به كفوف
الخواطربوح في ظل الزحام= وثورت الوجدان تحضع للظروف
يارموز المنتدى ياأهل الهمام= منكم التشجيع للهاوي وقوف
صالح السلمان ترحيبك وسام = ونقدك الهادف يقدر بالالوف
واصل الرحله وقدها للامام= الرجل شرواك قدوه للصفوف
والوفاء للمشرفين أهل المقام= يزرعون الورد في درب الضيوف
والمشارك له تحيه واحترام= طلته للمنتدى فوق الوصوف
يالنشاما ماعلى الشاعر ملام= الثقه والفخر في ظل السيوف
للقصايد دور في مدح الكرام= عزوتي عمرين تاج عـ الكتوف
الحقايق مايظللها غمام= والسواليف ماتبدد كل خوف
بصمة الساااري على عطر الكلام= مثل نثر الورد في نبض الحروف