سلامي على روس الرجال الصناديد= بني عمرو قيف المرجله والبطولات
رجال عليهم ماتقال المناقيد= لهم في مجال المجد صوله وجولات

هلا مرحبا بك في مقر الاجاويد=تراحيب تنشر في الصحف و المجلات
و بثني الترحيب يا طيب الفيد=و شرواك نتشرفبه ابكل الاوقات

اقول البقاء بك ياوثيق المسانيد=ولا نمدح الا بيت الاجواد بالذات
ليا جيتكم كنى معيد بلاعيد=يدوم الفرح في دوركم والمسرات

و ابثولث الترحيب و اعيد و ازيد =و لا ارحب الا بالرجال العظيمات
ليا جيت كنك رحمة الله على البيد=و يفرح بها كل الخلايق و الانبات

شربنا الدلال وكيفتنا البراريد= ولاحل فلا دار الاجاويد شرهات
نبا نركي الشاره بصفر العباريد= ومن يسري الغدرى يلاق الملفات

انا ودي اشري منتج السوق و اجيد=و لكن ماله ماركه بالسجلات
و خايف بعد لا يكون دنمركي الميد=و حنا مع الدنمرك شرٍ و نارات

اررررررررررررررررررررررررررررررررررحب يا راعي الابل ارررررحب
يعطيكم الف عافيه



فالكم الطيب

وانا لي بعير في النظى يقطع البيد=تخير وبع واشتر من اغلا الشراوات
ليا شفت عنتر لاتحرى لابو زيد= لعله سقط واسمه شطب بالسراوات

تبى المحكمه اثبات يارعي السيد=و لا يقبل القاضي و هوم و خرافات
و عنتر يا شاطر عاش مسبوب بالقيد =و لو بحسبه بحسبه ضمن الوفيات

مساعد يساعد من سعيدان وسعيد= وبعض العرب ممنون للاتصالات
على طير بن برمان تروى الاناشيد=ياليته قعد بالوكر ماجاب صيدات