|
محاااااااااااوره .. والقريب يقلط
ياسلام الله عليكم من شعورن صافي = يدفعه هاجوس للملعب وهو مارده ودنا نلعب سوا يالطيبين بقافي = وكل شاعر ينتبه لجاء يعد العده المهاجر |
مشاركة: محاااااااااااوره .. والقريب يقلط
أتمنى والله أعرف أجيب قصيدة رد .. لكن ما أعرف !! ممكن أرد بأبيات خارجية ... هذا اللي أقدر علية .. عموماً يعطيك العافية أخوي على البيت .. وبالتوفيق لك .. |
مشاركة: محاااااااااااوره .. والقريب يقلط
جيته وأنا ساعي وأمشي حافي = روحي وقلبي يا مهاجر عنده مشتاق له حيل ولاني جافي = أخاف من دمعة بيجرح خده |
مشاركة: محاااااااااااوره .. والقريب يقلط
اقتباس:
مرورك يكفي لاعدمتك .. والرد لابد ان يكون على نفس الوزن والقافيه كما هي المحاورت وسلوم العرب هههههههه رعاك الله .. |
مشاركة: محاااااااااااوره .. والقريب يقلط
اقتباس:
مرحبا بك ياسعيد وماعليك خلافي = الهوى طبعه كذا والظرف يمكن حده بنصحك ولا أنت ماتحتاج يالعرافي = لاهمل حبل الوصل خِلك عليك تشده مرحبااا بك ياسعيد .. وأنتبه للوزن عسيني عيدك |
مشاركة: محاااااااااااوره .. والقريب يقلط
حكي-ن- بقلبي يا المهاجر خافي = ما باح سره لو يطول علينا صده ما خنت حبه والله إني وافي = لكن بعض الحب زوده يوصل حده |
مشاركة: محاااااااااااوره .. والقريب يقلط
ياسعيد اللي تحبه كان ماينشافي = أعط مرسول الغرام رسالتك في يده وقله إنك تشتكي محتاج للأنصافي = وإن حكم لك فالوكاد إن الغلا ماهده ياسعيد الوزن انتبه له .. والشعار ماشوفهم .. المعذور ونقش خالد والمسكت .. كل من له شف .. حياااه الله . يقلط . |
مشاركة: محاااااااااااوره .. والقريب يقلط
لعيونك ولو أني على عجالة من أمري
ياسلام يالمهاجر بيرق رفافي=ياعريق في النسب خاله وجده أكتب اشعاري وانامستعجل وقافي=لأجل عينك فأقبله مزحه وجده |
مشاركة: محاااااااااااوره .. والقريب يقلط
مرحبا ياشيخ وأصلك شاعرن وسنافي = مرحبا بك من هنااا لين البحر في جده واحذر العجله تراها عَلت المتعافي = لاتجي عجلن وشطرك مثل شطري مده مرحبااااااااا مليون يالمعذور .. وتسلم لي عيونك والله .. |
مشاركة: محاااااااااااوره .. والقريب يقلط
ارحب فيكم جميعاً وهلا وغلا فيك المهاجر مشكلتك تهاجر وتبطي لكن خلها وكر لك المحاوره ذي:S_32: اصيدك هنا كلما ضيعتك:qlbe3: مودتي لك وكلك ذوق وللجميع تقديري
نشرب الدله وجانا للمبيض كافي=وين بنك ياليمن مخلوط ولا أش قده! يالمهاجر أنت ويا سعيد وين الشافي=دام للمعذور عذره للمشاعر عِده |
مشاركة: محاااااااااااوره .. والقريب يقلط
اخوي الشاعر الرائع المهاجر
السلام عليكم الحقيقه اني شفت بدايتك امس وكنت ناوي ارد بس يوم شفت اخوي سعيد دخل قلت خلاص ما عاد لي مكان لان اللي اعرفه ان المحاورة بين اثنين ويوم دخلت اليوم لقيت الربع كلهم موجودين قلت اجل حشر مع الناس عيد :) وهذي ابياتي وعساي اوفي معك واستمر :)
مرحبا واهلاً هلا في مطلقاً وسنافي= =مد لي بالطيب واقبل من فؤادي نده بالثقايل ترتكي لي والخفاف خفافي= =وانتبه تلعب معي بالهجمه المرتده مودتي لك وللجميع |
مشاركة: محاااااااااااوره .. والقريب يقلط
أسعد من جاء اخوي حسن ال مسفر:S_32: المهاجر ماعليك به انا كفيله:qlbe3: حبيبي يالمهاجر
يالله إني طالبك ياكافي(ن) ومعافي=دلنا درب السعد والشر عنا حِـده مرحبا وأهلين للي لافي(ن) وملافي=لـو بغانا إنشكل الترحيب زدنا شده |
مشاركة: محاااااااااااوره .. والقريب يقلط
دام راسي يالمهاجر شامخ باكتافي=ما تحنحن دام لي شده ومده خايف لايغرقك بحري وموجه طافي=أحترس لايجذبك جزره ومده |
مشاركة: محاااااااااااوره .. والقريب يقلط
كيف وإن الفوز جاء بحلافي =والحكم حطوه لي بوزنده بين لاف وبين معنى لافي=هجمة(ن) في داخلي مرتده |
مشاركة: محاااااااااااوره .. والقريب يقلط
حياك يا حسن الكريم الوافي = يا مزن نسمع في سمانا رعده حياك من قلب-ن- صدوق-ن- صافي = يشعل خفوقي من قصيدك زنده |
| الساعة الآن 08:57 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir