منتديات بني عمرو - امثااال حجاازية ...تعال شوف حكمة اهل جدة !!

منتديات بني عمرو (https://forum.baniamro.co/index.php)

- وسع صدرك (https://forum.baniamro.co/forumdisplay.php?f=7)

- - امثااال حجاازية ...تعال شوف حكمة اهل جدة !! (https://forum.baniamro.co/showthread.php?t=14572)

امثااال حجاازية ...تعال شوف حكمة اهل جدة !!

اخواني واخواتي أعضاء المنتدى الكرام
السـلام عليكم ورحمة الله وبركاته ،، وبعد ،،

لكل شي تاريخ حتى الأمثال لها تاريخ

فيه ناااس تقول ذي الأمثال الى دحين ومنهم بطلوا يقولوها

وأنا حبيت اقلكم بعض الأمثال القديمه حقت اهل الحجاز
وخاصة اهل ( أهل جده )

فكاهيه لزيزه خفيفه وحلوه

أول شي نعرف ايش يعني أمثال :
الأمثال اذا كانت فصحى أو عاميه هي خلاصة تجارب مأخوذه من عميق الحكمه من آداب أو فلسفات أو مصطلحات ، والأمثال الشعبيه الناس تقبلها على تميز فئاتها وشعبيتها .

بسم الله نبدأ الأمثال وانشاء الله تعجبكم :

( العز للرز والبرغل شنق حالوا )
ومعناه انوا الحظوا الحلوا يمكن يخص ناس وناس لا ، والبرغل نوع من النشوياتيستخدموه في الاكل خاصة اهل الشام .

( إذا اقبلت الدنيا باض الحمام على الوتد واذا ادبرت بال ال**** على الأسد )
ودا ينقال اذا جا الحظ الحلوا جات معاه الاحلام البعيده واذا راح يصيب الفشل ابسط الأشياء

(الحاجه تقول نيني نيني حتى يجي أعمى القلب ويشتريني )
ينقال على الواحد الي مو قادر يميز بين الحلو والوحش

( جبت الأقرع يونسني كشف قرعتوا وخوفني )
ينقال للي دايماً ماشي معاه الحظ الوحش الي مو تمام

( طمعنجي بنالوا بيت فلسنجي سكنلوا فيه )
ينقال دايماً للطماع الي عمروا مارح يستفيد شي

( لوجيت اتاجر في الطواقي ينولدوا الناس بلا رؤوس )
ينقال للي انوا من قلة الحظ ما تستهين من تأثيره الوحش

(ما كفانا هم أبونا راح أبونا جاب ابوه أمضغولوا ولقموه هندلولوا ونوموه )

يقولوه للي عنده مشاكل وأحزان ومع كذا دايماً المشاكل والأحزان تدورهم ،، والله عجب

( باب كبير ومساميره حمر وجوتوا شي يقصف العمر )

يقولوه للي دايم يسكت الغامض الي دايماً الحقد مالي قلبه ،، ، ول ايش داا

( لا يغرك البيت وتزويقوا ترى واحد ما فطر والثاني على ريقوا )

يقولوه للي مظهره حلو وجداب انت ما تدري يمكن يكون خافي شي مو تمام صح ولا لا

( سبحان العاطي الوهاب بعد ال**** والقبقاب )
أول شي لا تقولوا ما تعرفوا القبقاب ، وثاني شي معناه يقول انوا بعد الفقر والشحاته سرتوا بلاش اكمل ونتوا فاهمين

كري يا أم بكير إذا متي اخليلك الحنوط عنبر والكفن حرير )
يقولوه للزوجه الضعيفه الي تعمل وتشقى عشان زوجها وهوا يوعدها بالوعود الكذابه

( هري وانكتي يا جاره ونا ثابته زي العماره )
يقولوه للي يبدأ المشاكل مع الناس ياخذ جزاءه

( اتدلعي يا خبيزه ما في السوق غيرك )

وينقال المثل ذا على الانسان او الحاجه صاحبت القيمه او الحلاوه اذا كانت في بيئه او مكان ما تلقاه في تلك المميزات

( القرعه تتباهى بشعر بنت اختها )
( بيع الجمال واشتري خفه الجمال كتير بس الخفيف صدفه )
معناه انو خفة الدم والروح الحلوه اهم من الجمال والشكل الخارجي وهوا المفهوم عند بعض الناس

( نحتها النحات وادردب ومات )
يقولوا المثل ذا لمن تشوف حرمه جميله ومحد يطولها من الحلاوه والجمال

( ياريتني بيضا وكتعه والله ياسيدي البياض متعه ، يا ريتني بيضه وعرجه والله ياسيدي البياض فرجه ، ياريتني بيضا ولي ضب والله ياسيدي البياض ينحب ، ياريتني بيضه ولي قمبور والله يا سيدي البياض مقبول )
>>>ايش المثل هذا ..يا عيني ..يا عيني
هذا مثل ينقال للحرمه البيضا..... في بشرتها غزل فيها

( العيشه على الله والنفقه على خلق الله ) ا لمثل ذا يقولوه على اللبد واللبد هوا الي يعيش عاله على الخلق

( الي ما تعرف ترقص تقول على الارض عوجه )
المثل يقولوه على الواحد اذا فشل في شي ومايبغا يقول انوا ما يعرف وجاهل وياخذ له اسباب مهي صح

( الله يخليك يا بكبك أمك تتحجج بك )

يقولوا المثل ذا للحرمه الي تتعذر بولدها وتشيله حجه عشان ما تسوي شغلها

( لاا يهش ولاا ينش ولاا ينطح ولاا يقول امبع )
ينقال على الواحد الي ما منوا فايده وما ينفع معاه الكلام

( أمة هبهب لا ملة ولا مدهب )

ينقال على الناس الي ما يستحقوا اي شي مهما كان حتى وان تعارض مع الدين او العادات والتقاليد

( جاتنا بنت خالتنا زادتنا هباله على هبالتنا ،، ،، جوزوا مشكاح على ريمه ما على الاتنين قيمه ،، ،، سارب وسرسوب وأم حسن ورقيه )
وينقال على الناس الي معروفين بالخيبه والخصال الوصخه

( شنقح وبنطح وحبل الغسيل )

وتتكلم هذي الامثال على الناس المتماثليين الي يفهموا بعض

وذي أمثال تنقال لمن واحد يتفاجأ بشي معين ويصادفه شي اخس منه او اكبر منه

تحياتي لكم
وان شاء الله عجبتكم
__________________