ياراعي الغـرالعـذاب المباهـيـش=رش الكـبود الـيابـسـه من عطشها
دنـق عـلي وطمن الـراس بشويش=واحي الـقـلـوب الميـته وانتعـشها
سلمت لك قـلب عـروقـه معاطـيـش=ملك تصرف بـه عـلى كـيـف تـشـها
لا تستمع لهـل الحكي والوشاويـش=نـاس نـقـيـلي الـنـمايـم دبـشـها
ياخشف! ريم ذار واوحى وشـاويـش=بـدو (طلوع الشـمـس) ذاره وغـشهـا
العين عين اللي جسرعقب توحيش=امـيـر بـيـتـي (يالحـرار) ووحـشـهـا
طرح (الشبك) ماقلبوه الطواويـش=ولاقرنسوه اهل العشش في عششها
وحـش! وجابه من بـعـيـد المناطيش=عوق الخريش اللي طياره خرشها
لا قام ياخذ من طرف ريشها ريش=والى قضى اللعـبه! عـليهـا لكشها
جابـوه من عين الشمال الهماميش=ابـرك لهادي! /طـرشـة قـد طـرشها
جابـوه لـمحمد طويـل المطاريـش=شـيـخٍ قـوانيـن العـرب ما دغشها
محمد؟ عشـير منقضات العكاريـش=نجل العـيون اللي ملاح بهـشها
وامهـدي للي براسه نغامـيـش=ان كشرت حيات الارض وحنشها
محمد! مقابل قاصده بالـتـباهيـش=(ملفى! الرجال اللي جميله غطـشها
دايم وبـيـته مدهـل للمداغـيـش=كم نفس ماسـور بجوده نعـشها
لا يابعد ناس تكبرعلى ويش=لا شافت الناصي تلوت اخششها
لو يملكون ارقام الاموال حتـيـش=درالحماره دوب يروي جحشها
روس (الضبا)! ماذكر فيها عراميش!=لوهي على الزيله طوال اشوشها!