اخذوا على فرقاي لو عدّة ايام ..........
 

اخذوا على فرقاي لو عدّة ايام
قبلٍ يحين الموعد و تفقدوني

موج المنايا بيننا حيل لطّام
ما به هداة الا اصطفاقه جنوني

ماني مطالبكم ولا شايل احسام
ولا طلبت و قلتها.. مجّدوني

طلبت وقفة من نرى درع واحزام
لا زلّت ارجول الجمل شفت عوني

ولاني مشرّه.. لا قعد عندي وقام
على الذي قدره سقط من عيوني

أشْره على اللي روحه ورحي اعوام
متعانقة متناغمة ما تهوني

فاما يقدّرني على اجلال واكرام
ولا يحول الله دونه ودوني

# ابو فارس #

الله يطول بعمرك يابو فارس على الطاعة ..
شاعر رائع وصاحب كلمة راقية أينما وكيف أتجه مقصدها ..
دائماً مبدع وتجيد التعبير والتصوير بمميزات عالية وكبيرة ..
صح لسانك ولك تقديري ..

و من قال أبا ريان

صح الله بدنك


و منكم نتعلم الإبداع وكل علم غانم


لا هنت على، كل حال،،،،

صح بدنك و الشكر موصول لك على طيب المرور