تناديك رغبات المقابيل
من الأرض وانتي بالمجرّة

تهادي على غصن من الليل
وتمادي على القلب ومقرّه

ترى كل هالدنيا تساهيل
مادام اننا بنعيش مّرة

تلدّين وتزين التعاليل،
تصدين وتصد المسرّه

وأناديك ودموعي هماليل
وفي الصدر تنهيده و حرّه

أحبك وما للحب تأويل
ولا شفت منك إلا المضرّة

وتموني يا ريم المكاحيل
على القلب في خيره وشرّه

اذا جيتي استاهلك بالحيل،
واذا كان ما تبغين حُرّه

فديت الوسيعات المظاليل،
رماح الهلاك المستشرّه

وخطواتك اللي بالخلاخيل،
لها في الصدر والقلب جرّه

وسواليفك بكل التفاصيل،
وصوتك بها لله درّه

ابي منك ما ينهد لي حيل،
على شي ما يسوى المبرّه

وابي صادقات التهاليل،
اذا جيت ابشكي واتشره

من الحظ واشباه الرجاجيل
وعثرات وقتي المستمره

وطموحاتي الغرّ المحاجيل
وخذلانها مع كل كرّه

اعدل المساوي يطيح قنديل،
وأهز الجفن وتطيح قرّه


ياسر التويجري

المشاركة الأصلية كتبت بواسطة عطر الحكي (المشاركة 1479781) انتقاءجمييل وذائقة راقية يسلمو ايديك

المشاركة الأصلية كتبت بواسطة الريم الجفول (المشاركة 1479821) ابيات جمييييله وبلييغه شكراً لگ.. :006(1):

المشاركة الأصلية كتبت بواسطة سُهيل (المشاركة 1480004) شكراً لك ع النقل والله يعطيك العافية

المشاركة الأصلية كتبت بواسطة عــذبــة الـــروح (المشاركة 1481021) رائع ومميز مااخترت الف شكر لكـ

المشاركة الأصلية كتبت بواسطة ياسر إبراهيم خليفه (المشاركة 1484928) صياد نقل مميز لحرف رائع الجمال

المشاركة الأصلية كتبت بواسطة (ابوخالد) (المشاركة 1488493) شكراً لك ع النقل والله يعطيك العافية

***

ماسكه معي هاليومين
:)


رووعه ياصياد