منتديات بني عمرو - يا غافر الزلات طالبك يا الله النجاه

يا غافر الزلات.. طالبك يا الله النجاه

http://s.alriyadh.com/2015/10/01/img/437916516240.jpg

من يبتـدي بالله وبالقــرآن وكتـاب الكـــــريم
فرضٍ علينا ما كتب ربي مثل فرض الصلاه

قصايدي في وقتها لاجبتها بقصى الصميم
والشعر يا شعار لامن كثر قل الله حـــــلاه

الرابح اللي طايعٍ ربه ويمشي مســــتقيم
ما له ومال الناس والنمات لو ياطا حفاه

يالله ياللي تدمح السيّات يالرب الحليم
يا غافر الزلات .. طالبك يالله النـــجاه

والله يكافينا السنتنا ويدحر إبليس الرجيم
ولاتواخذنا بزلات اللســـــان .. وما حكاه

وختامها يالله يا محي العظام اللي رميم
يا غافر الزلات ياللي كلنا نتبــع رضـــاه

الشاعر// نصار محمد القريني