|
مرحبا يا جنا
يافرح يا هنا بابا مشتاق لك طال ليل العنا كل غايب معك مالطيفه سنا وكل فكرٍ تجينه يهدم اللي بنا وذكرياتي الصغيره .. معك عمري أنا #محمديات |
كيبورديه صباحيه سريعه...:d تحت المطر مع عطر فاح من اللقا لمّا دنا كان الـلقا مـثل الـربيـع والورد بـك فـواح شمس الصباح انتي ملتي على غصن انثنا بقـطر المـطر وانا واياه وشوقنا اللي طـاح كفــك حبيب الــروح ....في كــفي وانا مـن فـرحي وقتي طار دون مارف الجناح ياروح عـادت للجـسد ياروح روحـي يا انا ياكـل معـنى لي يا قـلب حبي ياحبي المباح ياعيـني اللي شـافتك ثـم شافت الدنيا هنا يابسـمتي اللي ترتسم ماكنها الا بـرق لاح |
سلام .. يالغائب اللي غاب مع عذره
اليوم ثالث وطاري غيبتك طاري القلب لا حن لك وأشتاق لاتشره طاريك مستوطنن في مجمل أفكاري #محمديات |
المطر وانتي ترى متشابهين
كلكم في غيابكم موت وضما وان حضرتوا كل هالدنيا تزين فرحة بالارض واخرى بالسما #محمديات |
الناس كلن منشغل في حلومه
والعمر لحظه والبلا في أملنا ياللي تلوم الوقت لا لا تلومه حن ظالمين الوقت هو ماظلمنا #محمديات |
البخل في شح العلوم الثمينه ماهوب بخل الكف او مدة المال لا ما تغيرنا طباع المدينه والحال واحد ما تغير بنا الحال من طبعنا فينا العلوم الرزينه صغيرنا لا قام بالفين رجال |
اصد لا عيني توريني الشيب وآكن بضلوعي مواري الشراره حتى القلم ماعاد يكفي المشاريب جنا الضما والماء سرابه قراره |
. . لا تنشديني كيفنا اليوم ياكيف طيب ومتعوذ من الشر وابليس جيت اسالك وشلون من بعدنا الصيف عسى .... تمشيتوا بلندن وباريس انا على خبرك كسير المجاديف والهم ثوبه فصله بالمقاييس |
. . . مد لي كفك وبادلني السلام يوم جيت وشفت بعيونك ورحت يا أخي جامل وسولف لي كلام ما دريت اني بعد شوفتك صحت # لكـ |
ماني مدور للوصل عندك أعذار
ان ماعذرني الشوق لك ويش عذري ؟ لا تترك الهوجاس يلعب بالافكار لاتختبر في غيبتك طول صبري #محمديات |
ياللي تدور في المفارق راحه
قلي بربك وين بتلاقيها الشوق لا هبت عليك رياحه جروح قلبك كيف بداويها الحب ماهو تمشيه وسياحه قلوب خلق الله تلعب فيها #محمديات |
يامن لعين(ن)جفاها النوم
ماغمضت دوم سهرانه مثل الذي بالسجن محكوم ومحد(ن)بداله من اخوانه حطوعليه الخطى واللوم بشهادة ابليس واعوانه ............. بلاكذاب ي بوخالدتوك صحيت ههههه كان شخيرك يسمعونك من وادي يبه هههه تحيتي للغالين كلهم.. :005(1): |
يمرغيابك المحسوب لاصوتٍ لك ولا مكتوب ولاحتى ..خطاوي دروب كذا الأقدار بك تنلام ياليت الشوق ياوي لك ياحبي الناسي يحكيلك في يومك ولا في ليلك جزا الله ليلك الاحلام |
ياقلب لاتندم على ويش الندم
طبع الحياه فراق من بعد اجتماع ادري ان حزنك ماهو جاي من العدم وان المشاعر للفرح قد هي جياع واللي بنيته في المحبه انهدم وان أكثر اللي فيك .. ماهو مستطاع مجروح لو الجرح ماينزف بدم من ليلةن مرت ولا فيها وداع لكن في درب الصبر شد القدم مالك ترى غير الصبر زاد ومتاع #محمديات |
. . . عندي مشكله بالمتصفح ياجماعه...:d تنسيقات الخط عيّت ماتضبط فرقاك ياناد النهود اتبع الشوق برق وغمام وقلب لك زاد غيّه |
| الساعة الآن 11:06 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir