|
^
ماشالله تبارك الله .. الله يتقبل منكم اخي ظافر و لا تنسونا من دعاكم ادعولنا .. |
ابو فهد
صدقني المهر ما يهمنا بمقابل ان يجد الرجل شاب مناسب لبنته واحد قبل اسبوع حارثي تزوج شهرية من الدقايق تقريبا بــ 500 الف ريال نص مليون ويقولون تكرم ابو ها ورجع له 100 الف نفعه طيب هذا الزواج تتوقعون ان يستمر ونقول ان شاء الله يستمر اقل شي علشان النص مليون .. وغيره من المهور اللي تقصم ظهر المعرس .. اما مهرنا فكذا طيب لأن هناك شباب مساكين راتبه لا يتعدى 3000 الاف ريال او اربعة زواج + بيت + سيارة + مصاريف فهذا شي طيب وان شاء الله يبقى مدى الحياة واللي ما يبي يخسر لا يتعدى عاقلة القبيلة .. |
شيخة بني عمرو
والله مهرها اربعين الف ومكاسي من هنا ومن هناك اربعين الف وقصر ما يقل عن عشرين الف وذهب بذاك الحساب ما هو ظلم للشباب ؟؟ |
ابو عبد الله
تقبل الله منا ومنك ولا تنسانا من صالح الدعاء الله يفتح عليك . |
ابو حسن
موفقين الى كل خير ولكن رايي فكوها شوي حتى يتمكن الاب من القيام بما يسعد بنته . اربعين قاطعة المؤنة طيبة يدفعها ويأخذ عروسته ليلة الدخلة معززة مكرمة والا ربعين سهلة لمن يسهلها الله له . |
اقتباس:
|
اختصار لما دار حول المهور
فابو فهد ما قصر في رده وجاب المفيد ولا نزيد عليه إلا صلاة على النبي اللهم صل وسلم عليه ,, ,, وايضا اقول هل البنت التي تتزوج بـ 100 او 80 الف فيها ميزات عن التي تتزوج بـ 40 او 20 او 13 الف او ريالين بالعكس هناك من تزوجوا بمهور غالية وانتهى الزواج بالفشل وهناك ايضا من انتهى بديون ليس للمعرس مقدرة على سدادها فلا تكون نظرة الفتاة قاصرة على المال او انها تقدر حسب مهرها تحيتي للجميع |
اقتباس:
اقتباس:
بالنسبه لي اشوف انه مو ظلم ابد .. الظلم اني اخذ 12 الف وش بتجيب لي ذهب والا ملابس والا والا .. ياناس والله ماتكفي حراااام عليكم .. والله الشاب لو يبي سياره لو كانت 200الف يدفعهاا ولو كان حافي ومنتف بس في بنت النااس خساااره انتو تشوفونهااا.. ولا هو معنى كلامي ان مقدآآآآر المهر هوو من يحدد قيمة البنت لالالا ... |
اقتباس:
والاب ايضا ليس مجبور على القيام باي شيء حتى الذبايح لو اتفق هو والعريس ونحن نسعى ونؤيد هذا الكلام وحتى لو تكون الملكة على دله وبراد والعرس حتى لو ذبيحة الله الله يا زين الراحة .. |
ابو عبد الله
مباركة العمرة وتقبل الله منا ومنكم |
شيخة بني عمرو
تري الزواج ما هو ذهب ومهر الزواج مودة وتراحم وياكم من بيت خرب بسبب الذهب والفلوس وياكم ايضا من زوجة تخلت عن ذهبها وامورها الخاصة لمساعدة زوجها واولادها والحياة السعيدة لا تقدر بثمن المهم ان يجد الشاب البنت الصالحة وتجد البنت الشاب الصالح وربنا يوفق كل العزوبية ,,, وانا معهم |
اقتباس:
هههههههههههه ادري يابو حسن ان هـ الاشياء مو هي الي تحدد يكون الزوااج ناجح او فاشل بس والله اذا ماعزيتوا ورزيتوا بناتكم والله ي َعيال الناس مايحترمونهم وان كانوا فرحاانين بهذا المهر للتيسر عليهم واحد سمعت قصته يقول برااتب شهرين اتزوج اربعه .. وهذا من المهــــر الزهيد ....!!!!!!! وامين الله يوفق الجميع |
السلام عليكم ورحمة الله وبركاته أهل الديرة الطيبين أنا من امس وأنا اتابع الحوار والمناقشه حول المهور قلها وكثرها أنا قبل كل شيء مع خوي ابو فهد أن 40 الف مناسب مع المفروض أني افرح بمهور القبائل لين عندي اولاد الله يحفظهم ويرزقهم بصالحات واولادكم وبناتكم اللهم امين فيه بعض القبائل حجرت حتى على الهديه يهديها العريس لعروسه أنا مع العقلانيه في الطلابات بس مو حجر على كل شيء ليش قالوا بحلفونهم الجماعة أحبتي أنا زوجت بنتي من قبيله غير قبيلتي والله ما أخذنا منه غير مهر الدوله وماتشرطنا والله عليه غير انه يخاف الله في بنتنا ولله الحمد وشكر بنتي مرتاحه وهو مقدرها وعارف قدرها الله يحفظهم مع أن فيه ناس من جمعتنا قالوا خذو أكثر من مهر الدوله على شان هو من قبيله ثانيه ومهورهم هم غالية قال ابو عيالي الرجال طيب ورجال والله ماخذ عليه غير مهر الدوله والله العظيم اعطاه في يوم الزواج 10000 الاف نفعة مو انه بائع بنته لا والله وزوج بنتي والله مقدر هذا الشيء الان.. فيه حاجة حصلت عند ناس من جمعتنا ملكوا لولدهم على فلانه من الناس من اصحاب المهور المحدوده المهم طولت الملكه شوي سار فيه جدال بين البنت والولد على شي معين من ضمن كلامه قال لها ترا قيمتك عشرين الف اقدر اجيب بدالك ثنتين عموماً الرجال ماهم سوا فيهم الي يقدر وفيهم من يستحق يكسر راسه بمهر يحني ظهره وأخر كلامي احبتي دائماً لا يغرك أن فلان ابن فلان يمكن ان بوه وعئلته ونعم بس الولد بعيد عنكم كسرة وعثرة للبنت المسكينه. اسأل الله السعاده دائمة الولادنا وبناتنا .. أسفه أن كان فهمت غلاط او اجبت خطاء تحياتي للجميع |
حياك الله يا ام عمر
الا كلامك غانم وواقع وهو من واقع المجتمع ولكن الله ييسر . البيوت فيها الصالح والطالح من الجنسين ولكن يجب على اولياء الامور التأكد والسؤال قبل اي اجراء حتى لا يقع المحذور ووالد البنت يسأل عن العريس ليس عند ربعه فقط ولكن حتى في عمله وسوف يبان له كل شيء . وعلى والد العريس ان يتأكد من اهل البنت ومن سيرة البنت قبل الوقوع ثم يندم . وان لا يجبر الاباء الابناء بشيء هو ما يخص الاباء ولكنه يخص الابناء فهي حياتهم الخاصة وليس للاباء فيها دخل . الله يوفق الجميع . |
السلام عليكم ورحمة الله اسمحوا لي ابدي رأي في موضوع المهور رسول الله الذي لا ينطق الا بوحي يوحى ذكر في اكثر من حديث ان اقلهن مؤؤنة اكثرهن بركة لا يستشعر هذا القول ولا يدركه الا من عاش عمرا وعايش اصحاب المهور سواء كان عالية او قليلة عايشنا كثير من النساء كانت مهورهن عالية واستخدمت في الاستعراض والمباهاة والاسراف ولمسنا نتائجها وكانت الوان من قلة البركة وبعضها نزعت بالكامل وفشل الزواج ومن قل مهرها واحتسب فيه الأجرفيه تطبيق لقول الرسول صلى الله عليه وسلم وايمانا به بارك الله لهما وتباركت امورهما في كل شئ والواقع يشهد سفيه اللسان من لا يحترم بنت الناس وهي امانة عنده لا يرد سفاهته قل مال او كثر كم نسمع من مشكلات بين زوجين وكان مهرها غال جدا ويتسفه عليها ويمن عليها بهذا المال واذا اخطأت في شئ تحسرعلى مادفعه عليها من مال ويقصد ان يسمعها زيادة في اهانتها وبعضهم يدفع لها مهر قليل ويظل يردد عليها ان الله اراد به خير حين عرفه بها وبعائلتها وماتسمع منه الا قولا سديدا مبهجا للنفس فحين ينصح الناصحون واهل الخبرة الحياتية مؤكدين قول الشرع فهذا مما لمسوه من واقع حالي عاشوه وشهدو نتائجه واضحة لا يختلف عليها اثنان |
| الساعة الآن 03:43 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir