|
يا جماعة موضوع موب بس غبني
تخيلوا لي صديقة عندها اورام ووصلت ان مستشفى عسير حولها التخصصي بالرياض وفوقها عندها فشل كلوي بالثنتين وحده 30% والثانيه 60% اهلها رافضين يودونها يقولون خلاص ماعاد ينفع فيك كذا بس بتجين لنا شغله بوجهها كذا سلط الله عليهم واللي يقهر اخوانها الاثنين الكبار متقاعدين مثل الحمير بالبيت بدون فايده ويقولون عند مين بتروحين ومين يوديك مواعيدك وابوها ينقل بنات ومانفع بنته يا جمااااعه انا مغبونه عليهم لعنة الله والملائكة والناس اجمعين ان كانوا يحقونها لحد ينصحني عن اللعن والادعيه فاجمع راسه معهم لا جد جد انا منفعله وش ذا الاهل !! بنات انتوا لو لا قدر الله مكانها وش بتسوون ..؟؟ كرفوها واستهلكوا صحتها لهم ولعيالهم لين صار عمرها الحين 33 ومانفعوها |
أسأل الله أن يشفيها وأن ينزل عليها شفاء من عنده
وأن يغنيها عن من سواه حقيقة أمر مؤلم تخلي أقرب الناس عنك في عز إحتياجك لهم لابد أن تتقدم بشكوى الى الأمارة او المحكمة او حقوق الانسان وين قلوب البشر هذي |
حسسسسسبي الله ونعم الوكيل فيهم من أهل
هذولا أعداء موب أهل لعنة الله عليهم صدق وش هالقلوب الله لا يوفقهم و يردها فيهم و في بناتهم خلاص عشنها بنت مالها حق تتعالج!! و قال إِيش مسلمين والله ياليهود انهم اقرب للإسلام من ذولي شيخة تكفين لا تتخلين عنها 😭 خليك إنتي اَهلها لتصلي بحقوق الانسان قسم ان يسحبونهم على وجيههم الله يشفيها و يقومها بالسلامه و يجعلها شوكة بنحورهم الكلاب اتصلي بحقوق الانسان الحيييين |
ان تخلوا عنها اهل فلها اللي خلقها ان شاءالله
اسئل الله ان يلطف بها وينزل رحمته عليها ويعيد لها صحتها انه على كل شيء قدير وحسبي الله عليهم من اهل مين لها بعد الله غيرهم نسئل الله العفو والعافيه وان يلطف بها ويكون معها ان شاءالله |
اكيد ما بتخلى عنها باذن الله
وبحرشها ع اهلها وبعبي راسها هذول مافيهم بر سلط الله عليهم امراض الدنيا تدرون شاللي يقهر بعد امها من قبلها خلوها لييين صارت المستشفيات تقول ماعاد ينفع لك علاج اسعفوني برقم حقوق الانسان :( |
الله يلطف بحالها
تتصل على الشرطه وتشتكي عليهم مشكلتها وبطريقتهم راح يوجهونها للجهة المختصة اللي ممكن تنظر في وضعها .. |
هذا رقمهم في ابها
072311626 واذا ماردوا عليك كلميهم في المركز الرئيسي هنا في الرياض 0114185100 |
الله يسعدكم ياااااارب
ويفرج كربكم دنيا واخره |
الله يكتب أجرك يالمهاجر و يفرج عنك انت و شيخة كرب الدنيا و الآخرة
أنا بس أبغى اعرف هالعايلة المتخلفة مافيهم واحد عاقل و متعلم معقول في حيوانات بشرية لسى تفكر هالتفكير هذا نوع من انواع وأد البنات ماعندها عمان او خوال يتدخلون في الموضوع و ينقذون هالضعيفه طيب أخوالها أصلا كيف رضوا في أختهم من قبل أساسا واللي قهرني اكثر شي ابوها الشايب العايب يترك بنته عشان بنات خلق الله جعله بحادث ان شاالله |
بشارك معكم
اولا الدعاء على اهلها ما يصلح ادعوا ان الله يردهم الى رشدهم وادعوا للبنت ان الله يعافيها و يرفع عنها البلاء انه مجيب الدعاء |
الله يكتب أجرك ...... ويعينها
لاحول ولا قوة إلا بالله |
والله شي يقهر لو انها في الرياض حرام لاروح اخذها وادخلها المستشفى وهم مايدرون حسبي الله عليهم ..
والي في امه خير يقربها .. اسمعي كلمي على الرقم الي اعطاك المهاجر بالرياض واطلبي المدير سعيد الزهراني او فهد الحربي مدير الاداره القانونيه يسحبونهم على خشومهم في المحاكم .. |
رغم انك قلتي لاحد ينصحني بالعن الا اني بنصحك
لأن المؤمن ليس بالطعّان ولا اللعّان ولا الفاحش البذيء ندخل بموضوع صاحبتك اسأل الله لها الشفاء العاجل وان كتب الله لها الشفاء بتتعالج سواء راحت الرياض او ماراحت والحين يأختي اصبحنا بزمن مختلف تماماً عن السابق حتى ولو اقرب الناس لك اخطئ بحقك تستطيع ان تأخذ حقك واما لأعذارهم انه لايوجد احد يذهبون اليه برياض فهذ عذراً اقبح من ذنب اهل الخير ماعتقد انهم بيسمعون مثل هذ الحاله للبنت يستطيعون توفير لها مصرف الطيران ومكان الأقامه وطريقه المواصلات ولكن بدال ماتعبين راس صاحبتك ع اهلها شووفلك حل تقدرون توصلون له الى الجهات المعنيه وصدقيني افضل من التحريش والعنااد لأن البنت مش فاضيه لتحدي والعناد اسأل الله لها الشفاء العاجل ... |
الله يكتب اجرك ويجزاك خييير
كنت منفعله ومتحمسه حبتين هههه |
سؤال للجميع ....
لو رجع بك الزمن وش بتكون / تكونين تسوي ..? |
| الساعة الآن 03:53 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir