قالو لعين انسان تكرم مدينه=وانا بقول لعينها يكرم الكون
من حب مايترك بنفسه ظغينه=يقولها صادق على شان يدرون

بقلمي

اللّي يحب وصادقٍ في مباديه=يكسر حواجزها ويكسر ظروفه
يصرخ ويعلنها على راس غاليه=يرمي بوسط الناس جلباب خوفه
الكون كله لو درا ويشبي فيه=اللّي زعل يدق راسه بطوفه

بقلمي

حطيت لك بالصدر حشمه وقيمه=وخليت قدرك غير ياواحدٍ غير
دايم وروحك بالمشاعر كريمه=عسى صباحك والمساء خير في خير

بقلمي

أن ضقت من واحد تعرفه من الناس=والله يهمك لاتكابر يهمك
حاول تديره بين قلبك والاحساس=تلقا كلامي ممزج وسط دمك

بقلمي

والله يالولا اضيّع الضيق بالبوح=الا يتساوا الليل هو وصباحي
اروح وارجع مادري وشبي اروح=احس ينفعني مجئ ومراحي

بقلمي

المشاركة الأصلية كتبت بواسطة يـمك دروبي (المشاركة 1044593) تفننت فابدعت فاصبحنا نعانق السماء في ظل حرفك لا يسعني امام هذا الزخم من الاحساس الراقي والعواطف الجميله الا ان اقف اجلالا لقلم انت صاحبه تقبلني زائره دائمه هنا http://im26.gulfup.com/2012-06-16/133984199364.gif

محتار مدري يالغلا وين اخبيك=بالقلب والّا بالعيون الشفوقه
ماني مصدق ياكبر فرحتي فيك=صارت امانينا الكذوبه صدوقه

لاتسئلوني عن جديد الغرابيل=ابيّح كنين العام ثم أسئلوني
لعب بقلبي عشق وانهد بي حيل=لعب الهوى في ليّنات الغصوني
باقي بصـدري له حنين ومواويل=لــه بصمـةٍ عيت تفارق لحوني
تـزورنيـي ذكـراه لـعسعـس الليل=يضيـق بي خاطـر وتسهر عيوني
واقـول وينـك يــازمــان المـواصيـل=يــاجـورهم وشلون منه حـرمـوني

مجبور اقول الكلمه اللّي تبكّيك=لو تزعلك والله مجبور اقوله
لومك على تفكيرك اللّي لعب فيك=من العام وانته شخص ضاعت حلوله

والله تعبنا من مصارعك ياقاف=مثل مغاز الريش خيرك لجانيك
لك هاجسٍ كانه سرا يرجف ارجاف=في خاطر اللي جاذباته معانيك
لو اقطعك ما طول اجيك ميلاف=أحاول استلطف شراسة مراسيك
هاضت خوافي خاطرٍ دكه إخلاف=فجأه بدت ماله كوابح ولابريك
وقمت التمس في مظلم الوصف الأوصاف=لشفرة اللي باقيه دون تفكيك
طوّلت في ترديد يا ميم يا كاف=ياحضرة الباشا وياحضرة البيك
ياصناف موجات المنا بس ياصناف=تعبت من تضميد تبريد تدليك
ياما رقينا راس زالف ومزلاف=وفي دربنا شفنا بعرضه مباريك
الدرب واحد مال ماشيه محراف=لكن وراه لياعبرته مساليك
يعني كما دورة رمايه للاهداف=إن كان أصبت من الدرجات تعطيك
والرغبه اللي ماتكرر من اعياف=ماضنتي للي براسك توديك
تجاربٍ خوضه كما حرب الانزاف=لو تنتصرفيها جروحه بقت فيك
والذكريات اللي قلب حبرها جاف=جيّرتها لمخزون بنك الزمن شيك

دقيت من بيبان الاشعار لي باب=لين انكسر قفله وفتحت بابه
محتاجله واحمله أشوأق وعتاب=أزعلت شيبانة وراضي شبابه
ولحظة دخلت الباب شديت الاسباب=لروابعن قامت ترابع أركابه
وقلت أقطفي يافكارمشتاق ماطاب=دام الزهرتوه غضيض يتشابه
يافلوس يلي مالك أبنوك وحساب=مايقدّرك من لااودعك في حسابه
أنكان ماجاب أثقلك وزن ماجاب=ريشن يطيرة الهوا في مهابه
لك اعتكف مثل المصلي بمحراب=تطري ذنوبة ثم يجيب مابه
لابوبيوتٍ ماتدون ولاتجاب=غصنٍ مثل باقي غصونٍ بغابه
كم شاعر(ن)شعره للاعجاب ماصاب=وهو جامع لفن البلاغة خطابه
لاتسأله ترهاجس الشعركذاب=أغوت بحوره من بغاه وغدابه
لاتسئل البواب وشفيه بواب=هذاألمكان الي الطموح أنتهابه
بعض البيوت أحسن لها مسح وغياب=قبل يكدر ضعفهامن قرابه
وبعض البيوت الراقية تكسب أصحاب=يرعد ويبرق بالمشاعرسحابه
شهدالعسل من وسط شمعه الى ذاب=به من صفا لونة وسرع انسكابه

بدر

.
.
اظن مافيه احد مايعرف المزيونه هاذي قربها قرب غير
..
لدغتني بعمري ثلاث مرات وعدت بسلام
..
بس تصدقون لدغت بعض الناس صاحب الظغينه الشينه والقلب الاسود اشد منها 100 ضعف
..
جربت هاذي وجربت هذا
..
ياحليلها ياطيبها ياخف دمها عند لدغت الحاسد
..
اه اه اه لاصارت لدغته بتفريق اقلوب لها زمان..ولا بلاش
..
لحد كذا اخليها بالقلب تحرق مابقا