تزعم انك للْصخَرَ والجبل ترفعه بيد=
وانت داله يا مسيكين ابو الراس الثقيل=
لا وقعت ما ني اشمت ولا هو بختي آرك=
راعي السلعه ولو زادها بانكاسره=

اسمع
والله انك ما تشل الحموله يا سويد
والمعارف دربها ما تدله يا حويل
حن شعاعير المعارف وحددنا اختبارك
وادري انك يا مبارك فقدت الذاكره

الرد
بوعوض بنسفره يا النشاما للسويد
لانه في درب الخطأ ماشي(ن) درب(ن)حويل
لا يكون الوقت ياصاحبي والبخت بآرك
درسنا مفهوم وان كان ودك ذاكره

البحر داهمك وخّر تنحّى يا سديد=
ما انت في عرضه وطوله سوا حبل ٍ فتيل=
يا حليلك لا تحمّل ترى يكفي وزارك=
جاتك اللكمه سريعه تخبّ امبشاره=

البدع
انا لي حاضر وماضي وتاريخ ٍ مجيد
يوم بعض الناس علمه وتاريخه ضليل
الله وش حدك على فعلتك يوم انتحارك
يالله انك لا تعيد السنين الغابره

الرد
جت في المعنى وبعض العرب ماهو مجيد
يوم ضوّت شمسنا راح دور له ظليل
لا يكون العمر يا صاحبي والعظم احارك
جوّكم يا خصمنا بعد فيه الغابره

علم زايد ما هو ابعيد هوّه علم زيد=
يا هنودن ما تمل الغثا وايّا البليل=
لا تدوّر مانت محتال في علم ٍ يسارك=
ناظر اعيونك من الهمّ يا وش صايرة=

اول يا اول..
البدع..
لا تعاند يا مبارك وانا خصمٍ عنيد
والله ان تسري ونكسر عصاتك يالعميل
بعد ما بانت علومك وطالعنا سرارك
لعنبو من يعتزي في الوجيه الناكره

الرد
الرجال اصحاب وايد البطل تحما عن ايد
والصعيدي اللي مثيلك نشوفه في العميل
طاح حظك يا خصيمي وقطعنا زرارك
والله ان وجيهكم بيننا متناكره