منتديات بني عمرو - نسايم ليل . لهمسات القلوب والشعر والخواطر..

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - نسايم ليل . لهمسات القلوب والشعر والخواطر.. (https://forum.baniamro.co/showthread.php?t=13389)

مشاركة: نسايم ليل . لهمسات القلوب والشعر والخواطر..

الصفحة الأولى

.. لو تغيبي ..

.. أترامى ..

.. تعبت أسافر ..

.. عض النواجذ ..

.. يا سيد الناس ..

.. كل عام وجرحي بخير ..

.. رماد المصابيح ..

http://members.lycos.co.uk/qetharah/up/up/i.gif

الصفحة الثانية

.. آه يالجراح ..

.. صعب السؤال ..

.. أبعتذر ..

.. كلنا عشاق ..

.. البارحة ..

.. أنا ماشير بالفرقا ..

.. استبد ..

.. مالنا وقت ..

.. العطر ..

.. في العشق والموت ..

.. أنا الجفاااا ..

.. إكذب ..

.. تخيّل ..

http://members.lycos.co.uk/qetharah/up/up/i.gif

مشاركة: نسايم ليل . لهمسات القلوب والشعر والخواطر..

مشكوره اختي الوفا ونتظر تواجدك ومشاركتك

وعلى العموم الموضوع يحتاج مشاركة الجميع

وانشاء الله يكون لشعار المنتدى اطلاله من خلل المشاركه والاستضافه

تحياتي لعنااا على المتابعه .

مشاركة: نسايم ليل . لهمسات القلوب والشعر والخواطر..


	قمر قلبي من رماد المصابيح .. اللي انطفت في الريح جيتك أنا وقلبي .. ومن سهاد المواويل .. وباقي قصيد الليل جيتك قمر دربي .. فيني تعب .. لا والله أكثر حالي صعب .. لا والله أكثر وكنتي الحبيبة والصديق .. واللي خذتني من الطريق وسكنتني أهدابها .. في قلبي شوك .. وفي عيوني شوك شوفي أصابعك انزفت .. من كثر ما لمست جروحي وجففت .. دمعي الحزين .. في صوتي ليل .. وفــ صمتي ليل .. وانتي الليالي اللي حلفت .. تشعل نجومي بالظلام اللي انطفت .. من هالسنين فيني تعب .. لا والله أكثر حالي صعب .. لا والله أكثر وانتي الحبيبة والصديق .. واللي خذتني من الطريق وسكنتني أهدابها .. ياللي أغلى من سنيني .. ناظريني لين تحسدني العيون .. وان حكوا حسادي فيني .. وقالوا انك تعشقيني .. آه يا محلا السوالف والظنون .. ليتهم ما يسكتون .. ولما تسقيني الغرام .. اسري بالنور والظلام .. واتركي كل الكلام .. انتي الحبيبة والصديق .. واللي خذتني من الطريق .. وسكنتني أهدابها ..

مشاركة: نسايم ليل . لهمسات القلوب والشعر والخواطر..


	كذبه من الشمال هضاب .. ومن الجنوب وادي .. وما بينهم ( كذبه ).. القرية العذبه.. طين ونخل وقباب .. سورٍ بلا ابواب وأظن ميلادي .. ماله زمن وكتاب .. لكن ولدت فـ يوم .. وولادتي صعبه .. قالوا سنة ما غاب .. مات .. أو رحل ( شرشاب ) ترف الشفاه مثل الجناح .. ويطير الحكي .. يطير فـ الاعياد .. يقولون : كان يحرك الناس عرايس .. بقطعة خشب وخيوط .. يشعل المعارك .. ويرتب الأعراس .. ينهي الجدل .. ويعلق الأجراس .. يتعب الأنداد .. متبعثر الأبعاد .. ويجمع عيون الناس فـ احداقه ويعزي في الموتى .. ويبارك الاولاد .. يكتب لكل طفل ورقه .. ويغطيه بلحاف .. مثل الكهوف مظلم .. ومثل الغدير شفاف .. يصهر حديد البنادق ورق .. ويبري خشبها اقلام .. ويحرق البارود .. ند .. وخشب صندل .. ويبدا من الحنظل .. وينتهي في الشهد .. بعض الليالي عبد .. وباقي الليالي طيف .. كذبه .. مثل سوالف الجن .. مالها آخر ومثل البحر زاخر .. بالحقيقه والخيال .. ايام تحملها الجمال .. شمال .. لجبال .. تكسيها الثلوج .. وين المروج .. وعرايش العنب .. وايام ينهكها التعب .. وتجلس على اطراف الدروب .. وتقابل الصحرا جنوب .. تعد أعواد النبات الناحله .. في السراب .. وين اختفى شرشاب ؟ في الليل واجساد الحطب .. تلوى .. وتصرخ .. ويجلدها الحطب .. يصبح كلام الليل غير .. وترف الشفاه لكن .. يموت الطير الأول .. ويظهر بداله طير .. وشرشاب يرجع .. من عج الاساطير .. وضباب القوافي .. لا هو مريض .. ولا متعافي .. مثلنا .. لحم .. وعظم .. وعيون .. واسمعهم يقولون : لو هو حرير وخز .. أحيان .. يهتز .. مثل انعكاس الغصن ..على الما الجاري .. وترتعش كفه .. وسط العواصف ساري .. وما يحرك الا .. حجانه الكثه .. تظهر .. وترشح .. اوجاعه الرثه .. على سطح الجديد من الثياب .. تنشب حروفه فـ الضروس .. وتنقطع انفاسه .. ذكرى الجنايز والعروس .. تتقاسم احساسه يرجع لنا من كل الدروب دخان .. ومن العزايم دله .. وشظايا فنجال .. مشوش ٍ .. كله .. كله .. عج .. ودموع .. ومناديل .. في الريح .. قبل الغروب بشوي .. يطيح العج .. وتهدا الهبوب .. ( وكذبه ) .. تجلس على الساقي .. تغسل التراب .. عن وجهها الطيب .. وعن قلبها الباقي .. وتناظر الشمس اللي تغيب شوي .. وشوي .. والما يترقرق صافي .. فـ ضلوعها .. بين ضلوعها .. وبين النخيل وتتذكر ايام الرحيل .. وتسترجع اوقات الغياب .. شرشاب .. كان المصابيح في السوق .. والمدفأة في البيت وما يحرق الكبريت .. من تبغ .. ومن عود .. يخيط .. جناح الفراش الأبيض المحروق .. بسلوك الرماد .. كان الخضار .. لزرعنا .. وكان الجراد .. كان الوله .. وعطر المكاتيب .. ووشوشات النبات .. يرمي الحصاة .. قبل الغدير .. ويجني الرطب قبل اللقاح .. ولا تطعن اطراف الرماح .. الا ما يصيب .. كان الغريب .. اللي يعلمنا الوطن .. ( كذبه ) .. تظهر عليها الشمس من كل الجهات .. في الصيف ما هي شمس وحده .. تقول الف شمس ونيف .. بس الغريب .. ان ظلالها داكن ومظلم وعميق التجاويف .. مثل صدور أهلها .. ووقت السوالف والحكي .. اطفالها شيبان .. وهذي عجوز ترتكي .. على ظلها .. يوم ابتعد عنها الجدار .. قالت وانا من هالنهار .. هارب للظل .. الله المستعان شرشاب اتذكره وأنا شباب .. يعزف الرباب .. ويحفظ قصيد بني هلال .. ويرقص بمطرق خيزران .. وسط الحفل .. ثوبه نظيف لو هو عتيق .. وما في الجيوب .. ( لو بيزه ) وحده .. يبيع الحطب .. ويشعل قناديل الدروب .. قبل الغياب .. ودايم تشوفه جالس لوحده .. وفي يوم جا خطاب .. قالوا يبي ( مزنه ) .. نقول : هذا خطيبك في الحفل .. يرقص بمطرق خيزران الله المستعان .. والى متى الكذبه .. يا ( كذبه ) .. والحكي في الغياب .. وين ادفنوا ( مزنه ) .. ومتى رحل شرشاب .. فوقي يمر غراب .. وتحتي كسر من طين .. اطلال هالمسكين .. وملامحٍ لبيوت .. كانت غتر وبشوت .. عطر وكحل وشيال .. حضر الزمان وغاب .. واللي عرف شرشاب .. ما انصف الرجال .. لكن ظلم ( كذبه ).

مشاركة: نسايم ليل . لهمسات القلوب والشعر والخواطر..

قصيدة
لا تقول

لا تقول ودعتني داري
بالحيل مالي عليك عتاب
مريت في موعدك ساري
وقفت لين النجم ماغاب
الليل تحت الشجر عاري
والفجر غطي السما بثياب
والريح في كفوفها الذاري
تدفن ارسوم الوعد بتراب
مريت ماللوله طاري
ووقفت ماللندم اسباب
مدري تعودت مشواري
أو خان بي قلبي الكذاب

مشاركة: نسايم ليل . لهمسات القلوب والشعر والخواطر..


	أبها كل ما كتبت أبها .. نشت فوق الأوراق سحابةٍ .. وابتل في الصدر معلوق أخيل بين أصابعي .. نوض براق وكن القمر ينبت له غصون .. وعروق شقت ثياب الليل .. عن جلد الأشفاق لا بان لي معنى0 .. ولا زانت طروق ضاع القصيد00وما بقى غير الأشواق وأحلى الشعر ما يكتب الشوق في الشوق إن خان بي الشاعر .. فأنا جيت عشاق وكل عاشق لا بد ما يطلب حقوق يا سودة أبها .. خاشري كل شعاق كبد السما لا شك لدي لي بموق إن كان أبو بندر على الوصل سباق لي الفخر .. إني من الشيخ مسبوق لأجلك عسير .. أزعلت خلاني فراق جيتك .. ودونك أشهب القاع مشقوق لي ديرةٍ خدانها مثل الآفاق فاطرافها .. وديان .. وجبال .. وعروق وحّد ما بين ترابها .. دين وأخلاق وفرّق شمل عدوانها .. كفر وعقوق

مشاركة: نسايم ليل . لهمسات القلوب والشعر والخواطر..

السلام عليكم والرحمه
شحالكم عساكم بخير وعافية
مشكور اخوي الوافي على الفكره الاكثر من حلوة
واشكر اختى العنا على مثابرتها الله يعطيها الف عافية
جميل اختيارج فالبدر شاعر متميز ولنا الشرف في المشاركه ببعض قصائده الرائعه
وحبيت اشارككم بهذي القصيدة

ليه أحـــس إني وأنا اشوفــك حزين = وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين = لا تـــعــلــــمنــي ولا تـــكـــذب عـلــي
خـلنــي مــا بـــين شكــي والــيقيــن = الــسـكــوت رضـــــاي عنــك وزعلــي
بــاكــر الـلــي خـــافــيٍ لازم يبيــن= والــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن = لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين= للـهــوى الــغــــالــي وبـا وادع هـلـــي
صاحبي بمـــــوت من كثر الحنيـن = خــلـنــي بــخـــتـــار لــحظـــة مقتلـــي

مشاركة: نسايم ليل . لهمسات القلوب والشعر والخواطر..

دروب المجبه اسعدين تواجدك ومشاركتك في هذا الموضوع

والف شكر على هذه القصديه الرائعه

مشاركة: نسايم ليل . لهمسات القلوب والشعر والخواطر..


	وتِرحَل .. صَرخَتي تِذبَل في وادي .. لا صدى يوصل ولا باقي أنين زمان الصمت .. يا عُمر الحُزن والشكوى يا خطوة ما غدت تقوى على الخطوة ... على هم السنين حبيبي .. كتبت اسمك على صوتي كتبته .. في جدار الوقت على لون السما الهادي على الوادي .. على موتي ... وميلادي حبيبي .. لو أيادي الصمت خذتني ... لو ملتني ليل أنا عمري .. انتظاري لك لا تحرمني .. حياتي لك

مشاركة: نسايم ليل . لهمسات القلوب والشعر والخواطر..

الاخت العناااااااااااااااا

امل استضافه احد شعار المنتدى ليكون ضيف
نسايم ليل . لهمسات القلوب والشعر والخواطر..

ولك التحيه . وافي

مشاركة: نسايم ليل . لهمسات القلوب والشعر والخواطر..

أخوي وافي ..

أتمنى ياخوي تعفيني من هالمهمة ..

أنا باكمل الشعرفي قصيد البدر .. وإنت استضيف الشاعر ..

والسموووحة ..

مشاركة: نسايم ليل . لهمسات القلوب والشعر والخواطر..

ترحيبة الحزن واليل

.
.
.
.
لما يبعد ... في المساطيف المسافر ..
لما يخفيه الضباب ..
لما يرحل ... بالأمل وبفرح باكر ...
لما ينسا لي عذاب ...
هلا ... يا حزن ...
هلا بالصاحب الطيب ...
ابد ... لو تبعد قريب ...
هقيت إنك مع الفرقا ... تبي تنسى حنينك لي ...
هقيت انك بعد مليت ...
من الماضي عذابك لي ...
عسى ما جرحك فرحي ... عسى يا حزن ...
أنا لو خنت في جرحي ...
وضيعني ... الهنا ليله ...
ترى ما في يدي حيله ...
هقيت إني لمحت النور ...
بيمسح دمعي المبهور .. بمنديله ...
سحرني حلو ترتيله ...
لما يسري في الفضا .. نجم السهاد ...
لما يطفيه السحاب ...
لما يملى عمرنا الماضي السواد ...
تصبح البسمه ... صواب ...
هلا بالليل ..
هلا والله ..
يا ضاوي لو أضمك لي ..
على صدري ... وافني فيك أشواقي ..
أماني ...عمري الباقي ...
هلا بالليل ...
حبيبي كسر الفرحة على صخر الجفا الجاير ...
حبيبي حزنه الزاير لياليا ... يحبك ليل ...
يقول ازرع ضنى شوق النوى فيا ...
وأنا في موعد الشكوى ...
أبي شكوى ... أبي دمعة ضنى تسوّى جراح العمر ...
هلا بالليل ... يا ضاوي بالحنين المر ...
هلا ... والله ...

http://members.lycos.co.uk/qetharah/up/up/i.gif

مشاركة: نسايم ليل . لهمسات القلوب والشعر والخواطر..

ردي سلامي

.
.
.
.

حبيبتي...
ردي سلامي للهوى .. عذب السلام ..
وأغلى الأماني وللأمل .. كلمة ملام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
سنين .. مرت وما أدري عن الأيام ..
يقولوا تفرق الأحباب ..
وانا أقول القمر ما غاب ..
من أول يوم تواعدنا ..
أثاري الوقت يخدعنا ..
ويبعد عننا الأحلام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
حبيبتي يا نظر عيني ..
أشوف الليل ما بيني .. وبينك .. وكل الناس ..
أحس فـ نظرتك معنى ..
ودربٍ كان يجمعنا على الإحساس ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...

http://members.lycos.co.uk/qetharah/up/up/i.gif