نحله ونخله وعلم(ن) طيب(ن) فالك=الشوق في ظلها ياصيف يبرالي

( أرسلت لي بطاقه ) قالت احضر زفافي = عصر يوم الخميس القادم ارجو وصولك
قلت ماهي بشارة وارتجفت ارتجافي = أه واشيب قلبي يوم جاني رسولك
يالطيف الحشا بشّر عسى ماخلافي = لعن ابو حظّي اللّي قاصر(ن) ما يطولك
والله ( أشياء ) بقلبي ولّعت ما تشافي = كلّ ماشفت ذاك الشخص قدمك وحولك
ياعرب اسعفوني وازهمو للمطافي = قلّ لكلّ الجماعه بالعجل يفزعزلك
واخذ الثار من راعي الثمان الرهافي = قل لذاك القمر مطلوب نرجو نزولك

أخذتني في ديرة الربع ( سجّات ) = والسجن بعد أمرودعات الوشامي
دنّ القلم واكتب حروف(ن) حسينات = واذكر سلامي للربوع الحشامي

،
،
،
،
،

ناديت لك ياصحبي وانت غادي=لافي قطر عيشه ولا لي بها ناس
ياديرتي يغرد الشوق عادي=وأنـا بقربك وعـد من قلب حساس
فيك انتي اجمل وجد للقلب سادي=وفيك العهد للحب والجو نسناس
استسمحك ياديرتي لحـن شادي=يأجمل جنوب(ن) شافه الناس واحتاس
غيرك حشى ماعرف لبس العنادي=وإن لبس من بيعاند أجناس وأجناس

الشباب أقفى مع الحظّ الشقي = والسعاده مالنا فيها نصيب
راح كلّ العمر ويش اللّي بقي = مايجي بعد الشباب ألاّ المشيب
احرقي يا كبد بالنّار احرقي = من جروح(ن) في حشايه ما تطيب
وانبتي يا ألف صدمه واخلقي = علّة الشاكي عجز منها الطبيب
خلّنا يا نور عيني نلتقي = في ظلام اللّي من بعد المغيب
خفّف اللوعات يالدر النقي = ( شاهد ) المحزون ما دامك قريب
شف دموعه يالغزال المشرقي = من شقاها دمعها يسكب سكيب

يا ناس انا ماشي وردّوا للحبيبه خبر = عن الليالي اللي قضيناها وراحت ضياع
يا ناس ماظنّيت فيه انسان مثلي صبر = واليوم انا ماشفت في هلّ الدموع انتفاع
والروح ( مشتااااقة ) لها بسّ حكم القدر = طال الزمن وانا وقلبي لجلها في صراع
حتّى ارسلت مرسولها يمّي ( وخصلة شعر ) = وقالت ترى قد حان وقت الانقطاع
أكيد تعرف قلبي أنّه لاصبر ما قدر = كم ليلة(ن) شفت الشقاااا والألتياع
لاشكّ انا عندي كرامه وانت صاحب نظر = استر على ماواجهت والسر تكفى لا يذاع

لاصرت تذكرني انا قول مشكور= ( ذكراك تكفي) يابعد من نساني !

البارحة واجهتني في منامي = زولك تصوّر لي مع طيف الاحلام
مدّيت يدّي في سواد الظلامي = وفزّيت لك واقف على روس الاقدام
وقلت يا عين العنـــا بس نامي = هذي حلوم الليل جابت لي اوهام
يا سيد روحي لو مقامك مقامي = وتشوف حالي معدمه بعدك اعدام
لا والذي له حجنّا والصيامي = ربّ المقام اللّي يزوروه الاسلام
(( مــالي عزااا )) عنّك وزاد الهيامي = ولاجلك كتبت الشعر واتعبت الاقلام

العام الاول زولك احلى من الصوت = واليوم صوتك عندي احلى من الزول
والعام احبك حب وراني الموت = واليوم كل مننا صار مشغول
والعام ثوبك من على الجسم (مسموت) =واليوم قصرته مع العرض والطول !!
والعام من شافك تخليه مبهوت = واليوم لا مريت مخلوق مجهول
والعام نظره منك تغني عن القوت = واليوم ما تغني غن الذوق يحّول
والعام من شافك حظيظ ومبخوت =واليوم لا مريت ما قيل مجمول
كم قلتلك فكر قبل فايت الفوت = واليوم مالك عندنا عذر مقبول

قلت باعاملك بالطيب والشيمه = ويا خساره معك ضيّعت هقواتي
كلمة الحبّ عندك مالها ( قيمة ) = رح بدربك وغيرك يالغضي ياتي
شف قلوب البشر ماهي على البيمه = مابقي دون حلقي يكون يدّاتي
لو دريت أنّها خطّة وترسيمه = كان حطّيت حيلتكم بمخباتي
كلّ ضربة لها يا زين تعليمه =- انتهينا وخذنا درس للأتي
لكن الحبّ ما قرّرت تحريمه = بسّ خسران روحاتي وجيّاتي
عندي الأمر تأخيره وتقديمه = طاح مركب غرامك في محيطاتي

حان الفراق وتمّ توديع غالين= قسوة زمن وظروف ماهي (رحومه)

ّلي ذوق والعالم لها مثلي اذواق = كل(ن) حسب ذوقه وحسب اختياره
مافز قلبي نحو غيرك ولا تاق = من حسنوات البادية والحضارة
( الكلّ ) متوّكل على واهب الارزاق = العبد يمشي وجّهه في مساره

،
،
،
،
،

رحّاااال