يا والدي ماجور لابأس لابــــــــأس = الله يجيرك من المرض والبــلاوي
والله يلبّسك الشفاء عزّ الألبـــــاس = سبحانه اللي لكل عله مــــــــداوي
وعساك تبقى دوم تأج على الـراس = وعسى تُحقق لك جميع المنــــــاوي
يا والدي غيبتك مضمون الأفــلاس = وشوفتك بالدنيا لعيني تســـــــــاوي
ما فيه شك أنك لنا خير نبــــــراس = تواجدك ما بيننا به عــــــــــــزاوي
عزوه وقدوه يوم نبحث عن الساس = والساس طيب وأنت للطيب حــاوي
يا والدي مالي بعد غيبتك نـــــــاس = يا كود ناس ما تعز الرجــــــــــاوي
يا والدي اعلم ترى الحال منحــاس = من يوم شفتك ع السرير متســـاوي
ودموع عيني اغرقت كم قرطــاس = وعجزت أولف بيت مانيب قـــــاوي
ولا لنا إلا دعوة مثل عســـــــــاس = أدعي بها في روحتي والغــــــداوي
وأقول يا رب الملا أكشف البــاس = وأشف المريض اللي رهين المداوي