|
والله اني على ماقيل راعي ضمير ..
والعساكر على الرادار دون الملف .. مانبي نخطي الليلة وفي كل ليلة .. وان تعليت .. شعري يعتلي منزلة .. |
الرد و الله ان نخلكم ياثنين راعي ضمير لاتخليني احقق واجيب الملف سيفنا في المعارك ينعرف من وليله لا تقابلت انا واياك في منزله |
الله الله من كلام ومن معاني ..
قمة الروائع بالمحاورة نستمتع بها .. نلاحظ غموض وقد يكون تقصير بفهمنا نحن ولكن الشكل العام قوي جداً .. وهذا يدل على وجود شعار لهم كلمة وحل وربط .. عساكم على القوة ولكم تقديري .. |
البدع
انت ماشي ولكن في طريقٍ خطير ودي اوصّفه لكن ماله وصف يمكن احملك حملٍ كثيرٍ تشيلة والاّ خذ ثوبك اللي تلبسه بسفله |
الرد= مانت باول ولا اخر كمْ في الفخّ طير= لو تكرّمت قدّم في القواطر و صفّ= وجهك اللي نزيه اللون لو قلت شيله= والكلام الذي ترميه انا بسْفله= |
والله اني ليا من قلت لابه يصير ..
والذي وسط حصنه يرمي امن الشعف .. خبره يابن مشيب ماندور بديله .. والله اني لاصيبه رمي في مقتله .. |
الرد يا مطوع بريده وش يكون المصير عف دقنك عن التزوير والغش عف مملك وشاعرٍ لكن ما ينبدي له حتى لو كنت جاريته ونشّقت له |
الرد
انت ترمي ولكن من محلٍ عسير واضحٍ منه ماتقدر تصيب الهدف لكن اسمع كلامي ولاتوشي الفتيلة لن راعي السلاح ايطيح في مشكلة |
نجوم .. نجوم .. نجوم
قمة الابداع والاثارة قواكم الله واعتذر للمقاطعة |
الرد= كان تبغى مواصيلى فسر كعّ سير= من علوم الردى يا خوك ندري الهدف= يالذي يفتل و يتعب و ينَقَض فتيله= شاطر ٍو الهياط الله يا مااشكله= |
احسبك عنتر القيفان والا جرير ..
يا جمل ليه تهدر يوم شفت العلف ..؟ وليه بعض الخلايق قام يلعب بذيله ..؟ المواقف تبين عارفٍ واجهله .. |
الرد جرّتك خطوتك صوب المخاطر جرير كان لفّيت عنها يالمطيويع لف دام خصمي غشيم ما درى باللذي له قد نويت اشطبه مالقايمه واجهله |
المعذرة بعيد عن الاتصال
البدع اثر دربك طويل واحسب انه قصير وانا كنت احشمك واجاملك لﻷسف لكن اليوم مالك يا المسمى وسيلة لن عندي مفاتيح لكم وقفله |
الرد= ما سفلنا الصديق و ما غدرنا القصير= يالذي من ثرى الاخطا تغطّى و سفّ= لكن اصبر لزخّ الحق جا لك و سيله = مقدمك يغسله و اليا خلص فاقف ..له= |
جعلكم سالمين وجعلكم في وجود ..
قصدنا نمزح امع اهل الوفاء والسعود .. يا "مبارك" مبارك في الشعر والعلوم .. جمل الله حالك وانت من روس قوم .. ويا "سعيد" الوفي ماكل رجلٍ سعيد .. والله اللي حماكم من رديّة و كيد .. و"ابن مشيب" حزامٍ ف اللقى لي حزام .. اتنومس بخوت شاعرٍ ما يظام .. بارك الله فيكم يا شعاعير ربعي .. من حدودك يا حرفة لين وادي شري .. بستلف بيت من شاعر كريمٍ وجود .. "كل ماعاش عودٍ راويٍ يبس عود" .. الشعر للعرب ديوان بين العلوم .. فيه عز ومهابه وفيه شر وسقوم .. انشدو "الاكلبي" والا "الذيابي سعيد" .. كب علم الحثالة .. جاك علمٍ وكيد .. والشعر له حدودٍ في طريقٍ حزام .. من تعداه ما حن نكفله بالنظام .. والله ما كل من جاء بحرنا به يربعي .. وفوق روس النوايف بيرق و ناشري .. سبحانك اللهم وبحمدك .. اشهد أن لا اله الا انت وحدك لا شريك لك .. وان محمد عبدك ورسولك .. |
| الساعة الآن 06:45 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir