|
اقتباس:
الله يبيّض وجه راعي الفكرة * عز الله إنها تنحسب لحسابه شرف لي أن أكوّن ثنائي مع الشيباني وألعب ضد الشاعر الكبير خالد بن مشرف ، ولا ينسى الرادار إني قسمت له في كل قصيدة بيت واحد ههههههه يعني حاسب حسابه عساكم على القوة وكلنا مكملين لبعض |
الله الله ...
صحت السنتكم يا شعار وبيض الله وجيهكم .... والله يعينا على قنا ابو سعد وابو فارس الى الموت ... ههههههههههههههههههههههههههه... بيضان وجيه وعساكم عالقوة .... |
يابن مشرف عزوتي لاحتمى الميدان ابطى علينا ابو مشررف ..؟ البدع والله انا ونعمٍ نقري الضيفان وانتمدّح في المحاريف والالحان ما نغش القوم في سابق الازمان واما هذا اليوم دولة وفيها امان ما بتاصل رميتك للهدف وانت اعما والله ان بعض السواليف عايبه |
البدع
انت تبني البيت ماله صبر وبطان والعصيم اتقرّبه ما معك خلان يمكن ان قصدك تبي اتخالف العمدان لكن احذر يا ادمي تضحك العربان بيتك اللي تحسبه بالحبل ملتزما لو تهب الريح تقطع نسايبه |
اسمع ما بنينا الا على جامد السيسان افصح افصح واحكم القول والقيفان هبتني في غبة السيل والفيضان ليه تحرجني مع الربع والصدقان والله اني صرت محتارٍ ومنصدما من هروج امبارك ومن كتايبه |
المعذرة على التاخير لضروف العمل يوم امس
بشقر على الثلاث القصايد الي بلا شقر والغراني يكمل الاخيرة على شان نشارك كلنا اقتباس:
قل لمن لا يعرف القصد والعنوان يحسب ان القوم تومن وترج امان قله اني في الميادين يا حميدان مثل بو زيد الهلالي وشاني شان اترك اللي يوم حطوه تو المرمى زادت اهمومه وكثرت مصايبه |
اقتباس:
يوم حان الوعد في اليوم لول حان والنمر يلزم سنام الجمل لزمان لا تمثل تو فرعون يا هامان والله ان تتعب وتحفى القدم وان تعمى وانت ما جيت النمر في شعايبه |
اقتباس:
والخطل لا جيت عند المداخل لان والسوالف جات بالقصد والعمدان لاكن اللي في سكاكا وعرعر بان لا تحسّب كل بو لحيةٍ ملتزما دقن راعي الغش تقطع نسايبه |
يا عرب >> خستوها
وأنتوا في وجه الله لاباقي تنفّرون .. وإلا تحاوروا يالشيباني أنت والرادار وابعدوا ذا في روسكم !! ونقعد نخيّل أنا وخالد فيكم هههههههه |
اقتباس:
الرد : يابو مشيْب عامل القوم بالسيسان ليش تقسى .. وجه بعض العرب قيفان وأنا عندي مشترى ذود وألفي ضان يوم أزكّـيها تبارك مع الصدقان وإن نصينا بعضكم شفت فـ المنصى دما ما نهاب (استيف) حُقنا كتايبه |
ابشر ياجاسر
البدع مانويت احرجك يا نجل بن ريعان وانت من روس القبيلة ومن لعيان شاعر ماتقبل الجور والنقصان مير لازم تتّبع منهج السلطان والله لو يصدر عليك امرنا والحكما ماتشافا ضربةٍ فيك غايبة |
ما عاد ورى وجه الله شي
واصلو بالتوفيق |
عند مدح اهل الوفا نجلب الريعان
والثمن نوفيه لو كان من لعيان الوفي ما يعرف الغدر والنكصان والله اللي يعطي المال والسلطان خل عنك الباصرة صنها والحكما كيف تحكم واكة الحكم غايبة |
البدع و الله منزل طه والكهف والفرقان اني اعدّك زميلٍ ولك مكان وانت حاكم نحسبك حاكمِ بطران مير تالي الظلم والجور بالخسران صفنا واحد وانا على الوعد منتظما خل عنك الفلسفه والمشاغبه |
اقتباس:
لا تفّرقنا وما بيننا فـرقان لجل مانعطيك بالكف لكمكان كنّك تعدّ العتابة كما المطران ياوجودي شفت أنا " بيعة الخسران " صاحبك ظامي ، وهيهات له وأنت أظما إن مشى في النور كنه مشى غبه . |
| الساعة الآن 05:38 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir