|
[QUOTE=الخطاف;800294]صحت ألسنتكم شعرائنا الغاليين
حبك وسبك وتركيب ممتع ولاهي غريبة على أمثالكم الإبداع اكرر ثنائي على القصائد ولكم تحياتي[/QUOTE الأخ الغالي ........ومشرفنا القدير تحية عطرة أندى من النسيم أتحفنا أطرائك ومتابعتك .............وكانت قد هدئة المحاورة ولكن سوف نستأنفها لعيونك وعيون المتابعين ...........لكن بشرط مشاركاتكم ..........لي عودة في الرد على الرادر |
الاخ العزيز الرادار نزول عند رغبة مشرفنا الغالي الخطاف في مواصلة المحاورة .........هذا بدعنا موال الله يعين الي يجامل نديمه ويطيع من قالونديمه قديمه يقلون لجل العين تكرم مدينه طول علينا اليوم ياليل ياليل البدع يامسافر تنومه مر بالهدار خذرساله وسلمها الى الرادار قله ان الخواطر مابهاكدر غير واصل معي لاشعار والشقر يوم نادني الخطاف بكملها لوتزيد العواذل في هبالها تحياتي للجميع |
موال
مادام للخطاف قدر وقيمة بيت الشعر غصبٍ علينا نقيمة واهدفنا بالطيب ماهي عقيمة طول علينا اليوم ياليل ياليل الرد نحقن الدم ماننويه بالهدّار حتى لو كان راعي الشر برّا دار لا بدا في المواقف ما عطاك در صخرتة بان فيها الكسر والشقر يوم شاف النوايا البيض فيك املّها قام يسرق وفاها ما هبا .. لها |
موال انت الكريم ولا يفوتك جميله تسعى وتكسب كل خصله جميله هنّيت فيك اهلك وكل القبيله طول علينا اليوم ياليل ياليل البدع أنت منا وفينا وانت راعي الدار نحتمي في بعضنا والخطر يندار ماحتقِر من يجاملنا ولا أحتَقر نحبك الشعر خل الكتب نثر ناس تحكي علينا في القفا باهملها مالها والمشاكل قل لي مالها |
موال
راعي الوفاء والطيب نطقة دليلة في كل وقت وكل يومٍ وليلة سيفه في الميدان يسمع وليلة طول علينا الوقت ياليل ياليل الرد خايفٍ م الزمن يا صاحبي لا دار مايفيد العيون الخزر والحندار والهدف في مكانه بعد رحت قر ما توسطه عبرودٍ ولا نثر بعد شفت الغون تنشد ما بهملها والعرب تشتكي من قل مالها |
موال
أنا اعتقد مغزاك واضح وبين لاعاد تتخفا علينا وبين نظم الشعر ماهوبسهل وهين طول علينا الوقت ياليل ياليل البدع من صعد للجبل لابد مالحدار وانا بحر تحدى موجة الاعصار خل نيشان طيحته من العصر والبراهين دور ماله الاثر غلطة الي تحبه صعبة تقبلها كل ماقلت وانسى جاك علها |
موال
مالك معي دينٍ ولا ابغى تدين مادمت متمسك وطيب ودين تقسى علي مرة ومرات لين طول علينا الوقت ياليل ياليل الرد كان راعي البيوت العصم ملح الدار لأجل لا اشتاق له قلب المولع صار مثل قرص العسل لا عصر وانعصر مايزول الطعم لو قل وان كثر من كفوفٍ وفية واجب تقبلها حد نفس الرضا ما جاك علها |
عزيزي الرادار ........كانت من أسعد الفرص ان التقي بك في هذه المحاورة الهادفة التي حاولنا فيها إيصال رسالة معينه .........تحياتي موال المعذره كان الخطا جاك مني والله مااقصد لا تسئون ضني مرات أمولها ومره تغني طول علينا اليوم ياليل ياليل البدع بين الفجر نوره وانتهت لعذار من يخوض البحر سموه بالبحار كل معناً جميل بان واستقر والهدف ذا بغيت وصل وانتشر من مسك ناقته لاهاجت وعقّلها ماتجيه الحسايف من عقالها |
موال
لولا الثقة يا صاحبي والتمني ما كنت دكتورٍ وشاعر وفني اقولها واسمع بما قلت عني طول علينا اليوم ياليل ياليل الرد نور شمس الحقيقة يوم ولع ذار ما يغير هدفنا لو تقلب حار وانت مثلك على علم الوفاء استقر دام ما انوي لك بشر ولا انت شر نثبت المعرفة للناس ونعقلها تو روسٍ تلزم في عقالها |
| الساعة الآن 12:05 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir