قلي بامان الله يا اكثر من العم والخال

يا طيّـبٍ هيّـج مسـاري مسـاره

مني سلام الله على طيب الفال = ياصله لا حده وفي عقر داره
يوصف له أشواقي على كل ما قال = ويشيل عنه الضيق برده وناره
اوصيك أنا يا سيّد القلب والحال = لا تعتبرني في حياتك خساره
امسح دموعك وارفع اليد بالشال = وانثر وداعك لي بشوق وحراره
قلي بامان الله يا اكثر من العم والخال = يا طيّبٍ هيّج مساري مساره
انظر يمينك واترك الجنب وشمال = انت الفهيم وكل ذوقك مهاره
الحب لك في خافقي دوم يختال = شيّد لك بقلبي صروح ووزاره
واجمل دعايه لك بقلبي ومازال = يدعي لقلبك مثل جارٍ لجاره
وإن جاك في يومٍ خطيّة وزلزال = كلي فديتك وانتظر منك اشاره

رد القصيد وداعب الشعر الأمثال = وعودت أدور ما بقي من وقاره
واجاوب الورقى على كل الأحوال = ورتب الهاجس ورد إعتباره
وراقب المقفي ودور للأقبال = وأقول نار الحب فيها شراره
من يوم شفت اللي له الشعر ينطال = وأن قال قال وهرجته من جداره
ذاك الذي له في حنى القلب منزال = الطيب الوافي وراع الصدارة
سعيّد الله لا يضده على أنذال = ويعز قدره حيث ما كان داره
وقول يا نسل الكريمين الأبطال = الحب عاد اليوم كله تجاره
أصبح كما يقلون لعبه للجيال = والكذب فيه أصبح بزعمي شطاره
أما عطيته منيته وأنت رجال = ولا تخل وخل عنك النعاره

أسف تقبل مني الود للود = أفكار شاعر وانت بالحال شاعر
لا تحسب أني محفز الود للصد = لا والذي يعلم وبالقلب خابر
لكن مما ذقت في الجرز والمد = أخذت من بحر الهواجس مخاطر
ومن بعد ما شفت الخبايا في الرد = جيت أعتذر مسرع وبالحيل طاير
من خوف لا تعتب عليّ وأنت محتد = وتظن بي ظن(ن) ومعناه باير
أطلق عنان الحب في صفحة الجد = واللي يلومك جعل ساقه جباير
وأنا معك يا سيد الطيب والند = لو كان بارود النقى عاد ثاير