منتديات بني عمرو - لعل في الأمر خير ....

غلا...ي
تذكرني هذي القصه بقصة راكب كان حاجز على رحلة الطياره اللي كان قائدها خالد الشبيلي الله يرحمه واللي اصطدمت بطياره كازاخستانيه اثناء اقلاعها من مطار في الهند
يومها الراكب تأخرعن موعد الرحله ووصل على غلق الابواب صاح فيهم وحاول بكل طريقه انهم يركبونه لكن مافيه فايده سخط وسب وشتم وماخلا في قاموسه شي
الا وقاله

وهو في قمة غضبه وتنفجر الطياره ويروحون كل ركابها

سبحان الله
كم من مره تحصل حوادث يكون صاحبها بينه وبين الموت خطوه وينجو منها

وماهو في الموت بس
في اشياء كثيره جدا

على مستوى شخصي
مره انعزمت على حفله وكانت امنيتي اني احضرها من يوم سمعت عنها
ورفض ابو الشباب يومها كذا بدون سبب: يابن الناس تكفى الله يخليك من هنا من هناك توسطت قلت والله رافض
سكت على مضض وانا اتساءل بيني وبين نفسي ليه ما اكون حره اتصرف بكيفي وليه لازم اسال وكلام من ذا كثير

اللي صار انه انطفت الكهربا في الحفل وصارت حوسه مابعدها ومضاربه وسرقات وخوف وهلع
من يومها صرت من كلمه وحده اذا قال لا اقول حاضر ولأأين كمان

ارجو اني ماطولت ولاثقلت

مشكور على الموضوع الحلو
ولك كل التقدير