|
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
في وقتنا الحاضر أخوي يوم تقول توافق الزوجه تختار لزوجها وحده من المليون ونصف ..!
تتوقع مين اللي بتقدر تسوي هالشي ؟؟ أتوقع مافيه << أعرف لك وحده بصلة القرابه زوجها يبي يتزوج عليها لعدم الإنجاب الله يرزقهم الذريه الصالحه << وفضلت هي الطلاق على الزواج .!! وش ممكن يكون ردت فعل وحده ماعندها مشاكل وكل شي تمام ..!! أكيد ماراح توافق وقليل ما نسمع بوحده تخطب لزوجها او تحضر عرسه ..!! |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
اقتباس:
يوم الخميس قبل الي راح رحت مشغل وشفت ثنتين ماييودون لهم تسريحات ومكياج وقاعدين مقابلات بعض ويسولفون ويضحكون والعاملات يثبتون شعورهم عرفت وحده من الحريم عمريه وسلمت عليها وعلى بنتها المهم مع السوالف اكتشفت ان المره الي اعرفها بيعرس بعلها وان الي معها عروسة بعلها !!!! ومايتثبتون عسباب العرس لا والاولى تقول لذيك اش لون فستانك سكري ؟ هيا لاتخلينها تحط لك من ذك ماهو حلو هبي مدري ايش وايش انفك مخي قلت غريبه مالك يوم انك كوذيه قالت يوووووه والله انها طيبه مره ياخيلي فحظر بها يوم انها طيبه؟ قالت ها مابتجون؟ فرحانه الاخت تعزمنا على عرس بعلها ياخيلي والعروسه الجديده مطلقه ليه؟ لانها ماتخلف فقرر زوجها يعرس وهذا بعد 12 سنه جواز عيت لايتجوز عليها فعودت طلبت الطلاق |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
اقتباس:
الله يوفقها خليها تثبت لها وتخليها تكشخ لكن <<< كيف لك إنك أنت اللي مكانها ياريانه راح ترضي وتسوي هالشي :closedeye |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
يبقى الزواج قسمة ونصيب ومن يتق الله يجعل له مخرجا العلم السعودي .......... شكرا لك |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
امير الغلا جاب المختصر المفيد
العلم السعودي الحين العوانس فوق المليون ونص وزيد عليهم مليون مطلقه والعدد في تزابد لوقلنا ان نسبة النساء لعدد السكان 50 او 51% يعني ان الرجال برضه نفس النسبه وعدد العوانس 2 مليون تقريبا اكيد يقابلهم 2مليون شاب بدون زواج ليه يتركون الشباب و(يطنشونهم ) ويتابعون البنات تزوجوا 00ماتزوجوا 00 عنسوا 00 تطلقوا 00 طيب والشباب مالهم رب والا عنوستهم ماتاثر على المجتمع وعليهم وعلى عائلاتهم نجي للنقطه الاهم في الموضوع وهي قول الاخ العلم انه لو كل زوجة رضيت ان زوجها يفك ازمة احدى العوانس فانا اقول انها فكره صعبه ومستحيلة التنفيذ عني انا لو اعطيت الخيار لو صل عدد العوانس عشره مليون والله ما ارضى ولا اقبل بالثلث او الربع وال حتى النص الحياه قصيره مهما طالت كمان اعيشها في نكد الله يزوج كل مشتهيه بس بعيد عني ودمتم سعداء |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
اقتباس:
ذات الشان << خليك محل وحده من العوانس وش ممكن يكون شعورك ؟:confused: وبالنسبه لعنوسة الشباب شي جديد علينا هالعباره <<< بس يمكن الشباب مختارينها بأنفسهم ويمكن بظروف أكبر منهم لكن البنات المساكين هم اللي طاحوا في الشَرك وأكلوها على روسهم ومالهم ذنب في عزوف الشباب عن الزواج ومالهم ذنب في البقاء << لكن الشكوى على الله ... اقتباس:
بالتوفيق لكل العوانس من الشباب والصبايا ...!! |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
يا ابو مانع
والله اتعاطف معهم وربي وحولي منهم كثير والله العظيم فكرت وبجديه اسعى لجمع رؤوس في الحلال حتى عن طريق المنتديات لكنن العين بصيره واليد قصيره والله اشوف بنات الوحده فيهم ماتتعيب في شي جمال وكمال وادب وخلق ودين واصل وفصل وووظيفه وست بيت وكل مواصفات الزوجه الناجحه فيها واحس انها تذبل يوم عن يوم وهي في وحدتها وغربته العاطفيه خاصة وان الاهل يكبرون والام والاب قديموتون مبكرا والاخوان يتزوجون ويلتهون بحياتهم وتبقى هي منطله من بيت لبيت شي يحزن الحل ماهو اني اجيبها تقرفني في عيشتي والا غيري ل الله يسعدها بس بعيد مع واحد مثلها حس بغربتها ووحدتها ومعاناتها يعني بالله ما تنحل مشكلتها الابموت وحده ثانيه انا اقول الحل والله بيدين شيوخ القبايل المفروض انهم يسحبون كل شاب تجاوز ال27 من يده ويدورون له من بنات قبيلته اللي تستحقه ويستحقها لايتركون الشباب يفرفرون من تايلاند الى كازبلانكا الى سوريا ومصر ويهدر الواحد شبابه وصحته وفلوسه واذا شيب قام يدور بنت ماعرفت رجلا قبله وذيك اللي من سنه تقعد تعد النجوم وتشوف كم تجعيده طلعت وكم شيبه في الراس زادت اقتباس:
الباقين المجال مفتوح لهم على مصراعيه الله يوفقهم |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
ابو مانع فيه كلام يعقل وكلام لا يعقل مهما يكون لا يمكن لمتزوجة أن تأتي بما تراه جهنم لنفسها واذا نظرنا للموضوع من جهة أخرى فمن هو ذلك الزوج ( الفاضي ) يتزوج ثنتين ولا ثلاث ولا اربع يا الغالي كل شي غالي الناس يا الله تغطي والدخل ما عاد يكفي ولا تشكي لي ابكي لك |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
اقتباس:
ذات الشان ..صدقيني أنا أعرف أن مجرد التفكير في وجود زوجه ثانيه على الزوجه شي صعب وصعب جداً بالنسبه للزوجه نفسها << بعض الأزواج يمكن يكون عادي عنده وكل ماجاء في مجلس قال أنا بأتزوج بالثانيه ويمكن الثالثه الشرع أحل إلى أربع من الزوجات ..وياكثر ما نسمع مثل هذه العباره ..!! أما المرأه فمن الطبيعي تتمنى تكون هي الوحيده لزوجها وأم الأولاد لتكون هي الشي الوحيد اللي ماله ثاني في حياة الزوج ..!! الله يخلي لك زوجك ولا يحرمه منك ولا يحرمك منه <<< آآآمين .. وأهل أقادير و كازبلانكا أشوف إنه حتى الشيخ مايقدر يفرض عليهم شي << الأب وهو الأب في هذا الزمان ماعاد ينفس في البيت على ولده <<< كيف لك واحد من الجماعه ولا شييييخ .. الله يعييين على الحياه ومره ثانيه أنا ضد فكرة الزوجه الثانيه لا تفهمون إني قاعد أؤيد الفكره لكن قلبي <<< يحن يوم نفتكر هالمساكين اللي يقعدون في البيت وحالتهم صعبه في الزمان الأقشر ... |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
اقتباس:
أنا ضد الفكره بكل ما فيها وسبق وأن وضحت في الردود السابقه أن صنف قليل من النساء من توافق على الزواج عليها .. الفكره طرحها الأخ العلم السعودي صاحب الموضوع عندما ذكر وقال : ماذا لو رضية المتزوجه ان تختار لزوجها فتاه من المليون ونصف لتشاركها الحياه وتكسب بها الدنيا والاخره......!! تجد التوضيح أكثر عند عودتك للمشاركات السابقه ..!! ويالله في وحده وزين إلى من الزوج سد فيها على قولهم ..!! تقبل خالص مودتي ..!! |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
أبومانع و وش نيتك وش تقصدفي (((وأهل أقادير و كازبلانكا أشوف إنه حتى الشيخ مايقدر يفرض عليهم شي << الأب وهو الأب في هذا الزمان)))
الحبايب يا كثرهم(( أسمع وخلك رجال)) |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
اقتباس:
لا بس الواقع هو اللي يقول كذا :smilie3: :030104_emM7_prv: |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
ابو مانع
المرأه اكيد ما راح توافق ان زوجها يتزوج عليها واغلب المتزوجين من الثانيه ما اخذ موافقة الاولى انما وصل المعلومه فقط وبعدها يأتي دور الاسره والتربيه الصحيحه وغريبه التي تطلب الطلاق تخرب بيتها بيدها ولا تعلم انها ربما تعض اصابع الندم لاسيما اذا كان الرجل عاقل ناضج عادل وبما ان العنوسه اصبحت ظاهره فلنجعل نحن معشر الرجال الزواج من الثانيه والثالثه ظاهره ونبطل السفر والتسكع في الدول العربيه او الاوربيه شكرا ابو مانع على الردود واثراء الموضوع |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
ريانة العود
كثيرا ما سمعنا بأمرأه اختارت لنفسها ضره وذلك اتوقع لحبها لزوجها , ولكي تستمر حياتها سعيده ولاي سبب كان المهم ان المرأه قامة بهذا العمل ,الذي تتخيله بعض النساء بالمستحيل ولكن قد يصبح بين ليلة وضحها حقيقه وستستمر الحياه في اغلب الاحيان |
رد: أكثر من مليون امرأة ينادين بتعدد الزوجات وبقوة ..إحصائية مخيفة بالداخل
امير الغلا
فعلا الزواج قسمه ونصيب والله مقسم الارزاق والزواج من الثانيه متعب ومنهك خاصه في ما يخص الماده ولكن لو قامة الدوله بدعم الشباب للزواج , ولمن اراد الثانيه زياده في الراتب مثلا , او اي ترتيب معين يخفف الاعباء الاقتصاديه , ويشرح حال الكثير من العوانس هل سيتجاوب الرجال لهذا الدعم ويبحثوا عن الثانيه اتوقع او اواكد نعم سيتجاوبون وقد يحتفلون وهناك شئ مهم جدا هل العدد المذكور في الاحصائيه من العوانس له تأثير في المجتمع سواء ايجابي او سلبي هل الفتاه العانس ستقابل نار التهميش من المجتمع القبلي ونار الاعلام الصارخ المنفتح دون التفكير في البدائل حتى وان كانت بطرق غير سويه لك الله يا من فاتها القطار |
| الساعة الآن 12:42 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir