كلنا نشكي فراغ العاطفة = هايمين قلوبنا ظميا حنان
ساكنتنا أحلام عذرا خايفة = ما نحققها يعاندنا الزمان

أكتبي لي رسالة قبل لاعقلي يطير = خفّفي من عنا ذا النفس واحزانها
وان كتبت القصيدة اسمعيها كثير = فسّري لي معانيها وقيفانها
واسرعي والحقيني صار حالي خطير = قبل ورد المحبة تذبل اغصانها

مستعد اعطيك لو تطلب يالغالي عيوني=واضيع العمر كله لاجل حبك ورضاك
لو جميع الناس لاجل حبك جفوني =مستحيل اتخيل الدنيا يا عمري بلاك
ارجوك لا تبتعد عني لا تخيب ظنوني=رغبتي تبقى معي وابقى معاك
انا اللي بهواك اصبحت مفتوني=والفرحه طلت في لحظة صفاك
ما يجدد لوعتي واقسى حزوني=غير عمر ضاع ما عشته معاك
اطلب وامر انا لك حاضر وممنوني=يكفي انك مخلص لي في هواك
صورتك بالعين تحميها جفوني=ولو راحت الروح في سبتك تفداك
لاجلك يالحبيب كل شي يهوني=وفي عيوني صورك ربي ملاك
يشهد على ما اقول قلب حنوني=واطلب من ولي العرش يازين يرعاك

أطو الستاير خلّها تدخل الشمس = من نافذة بيتك تشاهد حوالك
أنّ الكواكب لو مداراتها خمس = أصبحت سادسها بروعة جمالك
مفروض تتقّرر على جدول الدرس = حتّى الكواكب تكتشف من خلالك
أنّ امس غير اليوم واليوم غير امس = تقدر تصرّفني على مابدالك
واحنا خضعنا لك ونمشي على نفس = للمذهب اللّي يتّفق مع دلالك
من عاش في جوّك تعوّد على الهمس = ومن هيبتك ماينشدك ( كيف حالك )

حدر القمر صوّت لخله وناداه =ثلاث مرات وبالرابعة ون
حدر القمر يا ما همس له وناجاه =وعيونهم ياما بنوره تلاقن
والبارحه عدا على الذيب بعواه =واقفت ظنونه بالليال يتعادن
مرٍ حوالينه ومرٍ تعداه =ومر تضاحك له ومر يتباكن
هذي سواة اللي عن النوم قزاه=طيف الحبيب اللي على خاطره عن
ان شافت عيونه جمال تمناه =وان صوت القمري لصوت الهوى حن
الجارحه تجرح وتسري وتنساه =وجروح مجروح الليالي تساقن
والخافيه طعنة زمانه تمثناه =والبينه عنها عيونه يبوحن

حبيت اسلم وانشد الدار وأهله=في فقد غالي من بقى فيك يادار
تسليم ياصل وإن وصل بلغ اهله=الشوق للمشتاق وشهو مع النار!

من يبادلني بذا الحظّ (( الشقاوي )) = من عطاني حظّه الطيّب وازيده
أو يشاركني وحنّا بالتساوي = أخشرا لو كان حظّي مايفيده
قالو اهلي والقرابه والدناوي = بيّن الموضوع واشرح ما تريده
قلت قلبي صار به عاوي ولاوي = لابرى جرح(ن) جت اجروح(ن) جديده
ماخبرتوا لي بذا الدنيا مداوي = أصله لو كان في ديره بعيده
حالي اللّي دايم(ن) يطويه طاوي = مثل ماتطوى قراطيس الجريده

الشوق لو طال /عمر الشوق يبقى صغير=نكبر وشوق الموده شاب بقلوبنا
لاهاض جرحك على قلبك فنونٍه تسير=ايام الاحباب تشرح خاطر إبيوتنا

يا ونّتي من سمعها قال ياحول = منها نحل جسمي وهدّت عظامي
بي علّة(ن) بالجسم والقلب معلول = يا ونتي من علّتي يا سقامي
يا داله(ن) عنّي وانا فيك مشغول = انته سبب هذا السهر والهيامي
ارسلتك من فوق عشرين مرسول = واهملتها ما شفت منك اهتمامي
كانك نويت الصدّ عنّي على طول = موتي دناااا ياللّه بحسن الختامي

ياسيد سيدي ترى حالي عليكم تحن=ويعلم الله لو أبعد يالبطاء ما يطول
لو ابتعد داخلى ونات لازم تون=ارد انا واهتني الونه بنفس الهطول

عسى خير ياللّي موعدك فات = ولا جيتنا قلنا عسى خير
صدوق الوعد مافيك شكّات = انا عارفك مانتا مثل غير
ولا يوم شفنا منك زلاّت = ولا يوم تبدي لي معاذير
وانا احبّك مرة ومرّات = وعبّرت لك يازين تعبير
غيابك قطّع القلب وزوّد الونّات = اذا مارجعت حالنا والله خطير

قالوا تحبه قلت مــــاهو بالحيـــــــــل= بس أنه اغلا شوي من نور عينـــــــــي
يسوى جميع الجيل الأول وهالجيــــــل= وأحبابي الماضين والمقبــــــــــــــــلين ِ
شوقي له أعظم من ظمى الأرض للسيل= واشفق عليـــه أكثر من أم الجنيــــــــني
واحتاج له حاجة ثرى مصر للنيـــــــــل =وعليه أغــــار أكثر من الوالــــــــــــدين ِ
أشتاق له شوق المحبين لليــــــــــــل= وارتـــــــاح له راحــــــت دموع الحزيـــن ِ
لا صار جنبي لو سنـــــــه وقتي بخيل= ولو غـــــــاب لو لحظــــــه صارت سنيني
قالوا يحبك قلت هــــــــذا هو الويـــل= ما ودي أنشــــــــد ثم رفضه يجينــــــــي
واهدم رجـــــــاي بدبرتي مثل ما قيل= الأفضــــل أحيااااااااااا بالأمــــــل لو لحيني
خلوني أحيااااا في الوهم يالعواذيــل= وش دخلكــــــــم والأمر بينــــــــه وبينـــــي