ياأجمـل من سكن قلبي عمـرني ودمـرني= تعال وشوف وش سوى حنين الشوق بأحبابك

نويت السفر عنّا هجرت الوطن والدار = تدوّر على ديرة تقول الشفا فيها
نسيت الجروح اللّي بقلبي صغار وكبار = تدوّر دواك وعلّتي من يداويها

اكتب البيت وارد امسحه واشطبه=واكتبه وامسحه واعيد بيت القصيد
إن قريته اعرفه واعرف اش منبعه=ذره الحس تجعل للمواثق عديد

لأنك مليك الحسن والذوق والأسلوب = على شان ذا حبّك يسيطر على أحساسي
وعدّيت كم ربي خلق فيك من عذروب = وجدته جفاك اللي زرع شيب في راسي

طلّ القمر في بهجته واشراقه = نوره دخل بيت العزيز الغالي
وارسل شعاعه من خلال الطاقه = يالبدر شفته من سماك العالي
واللي بجنبه يحترق باشواقه = محجوب عن عيني معذب حالي
واحد يحبك من صميم اعماقه = واحد يحبك باللسان الحالي

قـلبـك علـى شـط الهـوى صـار مـرساي=ونبـض المــحبـه من عـروقـي رويــتـه
لـوّك رمـيـت هـمـوم الايـام بــحشـاي =مـا والله اســأل عـن هـمـوم ٍ رمـيـته
ولـوّك تـعـزف لآخـر ضـلـوعـي النـاي =بـرقـص فـرح لـو مهـجـة القـلب ميته !

بكيت من فرقاك وانت قريب = من وقفة العدوان بينك وبيني

جعل العدو يفداك مني هديه=خـل العدو يجلس عدوو لين نمحيه

ليلة البارحـة والشـوق عيّـا يغيـب=والثوانـي تمـر وكنهـا مـا تـمـر
طحت في جمرة اشواقي وزاد اللهيـب=واستثرت العيون وطاح منهـا جمـر
كل نـارٍ ترمّـد غيـر نـار الحبيـب=تشتعل والضلوع الحدب ماهـي سمـر
يا بعيدٍ عـن عيونـي بقلبـي قريـب=عطني الآه عنك وخـذ بقايـا العمـر
أنت في قلبي لحالـك ولا لـك طليـب=تملك الروح دون البيض هم والسمـر
صدّق اني أعيش بدون صوتك غريب=صرت اخاف الظلام بغيبة اجمل قمـر
ما اتوقع جروحي فـي غيابـه تطيـب=دام بي شوق يغمرنـي لنبضـه غمـر
إتصل بي دقيقـه دام ظرفـك صعيـب=تـدري ان المواجـع دامرتنـي دمـر
قل ( آلووووو ) ثم قفّل ما بها ما يعيب=سوّها ولا على صوتك حبيبي أمر !!!

كم واحد حطه على الجرح ويطيب=وكم واحد يــزيد الجروح إلتهابي
وكم واحد صداقته إليا فضى الجيب=ويصد عنــك إليـا أمتلن المخابي
وكم واحد يبدي تحيــة وتـرحيب=وسواد قلبه مثـل ريش الغرابــي
وكم واحد وقت السعه كنه الذيـب=وإن كان وصلت للحقيقة يهابــي

لونك ابيض(ن) مشبه(ن) لون الورق = وانت أجمل من عرفته بالوجود
يا شبيه الشمس في وقت الشرق = يا رحيم القلب صدّاق الوعود
كل ماخايلت برّاق برق = والمطر يمطر ولا نسمع رعود
قلت هذا نور خدّك واحترق = ضامري كنّه على نار الوقود
بحر حبّك من توسّط به غرق = ولكن احنا ماتعدّينا الحدود
أشهد أنّ اللّي خلق خلقه فرق = أنّ ربي راحمك معطيك زود

سافرت لأجل أرضيك من دون تجريح =ماودي اجرح غالي قد بكيته
حسيت في بعدي عن القلب ترويح =بعدي ولا وصل قد رجيته
عذري معي في عزة النفس واشيح =غالي ولكن من جرحني نسيته
دام الشجر يرقص على هبة الريح =يبقى الوفا فيني عذاب رضية
ابعتذر لك بس من غير تصريح =عن غيبتي عنك احساسي عصيته
كنت الحياة الوافيه والتباريح =واصبحت جرح واضح ما خفيته
وداع ياجرح جرحني وانا اصيح =تبقى جروحه غالية لو شكيته