|
صباح الخير
العرب بعد رقاد ونا ماافرفر هنيه هيا اقعدوا في العافيه الا بعد الضهر وخروج لحره من هنا |
السلام عليكم ورحمة الله بمناسبة بدء موسم حفلات الزواج بعد اسبوعين نبارك لمن وفقه الله لهذا الأمر في إجازة هذه العام ونسال الله له التوفيق واسمحوا لي اذكر لكم ماحصل معي يوم أمس بالروايا العامية كنت معزومة في مناسبة زواج يقال أنه مختصر وفي استراحة هادئة ما ان جلسنا الا الصبايا ماشاء الله عليهم يدورون علينا بالقهوة صبوا القهوة ما قصروا,, كثر الله خيرهم وخير من تكلف ودارو بالصواني الكبيرة ,, فيها انواع التمر وانواع الحلى والفطائر اللي بكل الأشكال حتى بعضها ماعاد لها مكان في الصينية فانشبوها بعيدان في مثل الحصن وسط الصينية طبعا محدثتكم تأخذ مما يليها اكراما لمن قدمته ومراعاة لشعورها واحتفظ بها في كيس معي في الشنطة وافاجأ بعد قليل من الوقت ان مافي الكيس اصبح يكفي لطعام اثنين لو ما أخذوا جوالي كان صورت لكم الكيس المهم بعد ساعتين من هذا الكرم الحاتمي المبالغ فيه خرجت صاحبة الحفل تدعوا الحاضرات لصالة العشاء وعاودت النداء مرة ومرتين والنسوان ماعاد له رغبة في عشاء ولا غيره ماعاد له محل من قامت منهم ماقامت الا مجاملة فالحاصل اما انكم تلغون موضوع العشاء نهائي وللقسم النسائي بالذات وعلى مسؤليتي ووفروا فلوسه للعرسان اشهد انهم اولى وتكتفون بالضيافة والله إنها تسد واسألوا نسوانكم ولا اظن انهم يخالفوني هذا في قد علمي وسلامة من تكلف وقرأ |
اقتباس:
وصدقتي والله في كل كلمه قلتيها وياليت لك يسمع ويفهم المقصد تحياتي لك أُختي الغالية |
ما بيطيعونك ...... خاصة العروس والعريس ..... يبغون تكون أحلى ليلة من كل شئ
ومن الصعب إقناعهم ...... رغم إن كلامك صحيح 100000000%100 |
المهم مالكم بالطويلة منذو مبطي ما قد ييت هنية فحبيت أسلم عليكم وأتعلمكم عن غنمن ضاعت لنا وأيها بالوصف التالي :
عنز يماء = وعنز غراء = وخروفن أسفع = ونعيتن صمعاء = وسلامتكم ...... المطلوب منكم يا عرب تعطوني معاني الكلامات باللون الأحمر |
اقتباس:
ولكن من بيطيعك اليوم .. |
اقتباس:
ارحبو ياذولا حضر ميلسنا بدل ما تسأل عن معانيه كان يبت معك يلب تعشينا عليه عساه بذبيلك خل معناه كلنا نفقهها اما اليماء فهي الي لها يمة في مقدمة راسها والغراء على عينها سواد والاسفع ذا بويهه تعب والصمعاء مامعه مسمع اقديت ولا معك علم ثاني |
هههههههههههه ابشري بالسعد يالكعبية ...... بس ثبتي الميلس
أما الأجابات ..... فمالك لواء ..... ما فيها إلا واحدة صح 100% أما البقية فيبدو إنك لخبطتي بين المعلومات ...... ويبغالك دورة بداوة في بدوة تقديري |
الأزديه بس وش السبب ذا يخليهم على المطاعم بعد الزواجات
قسم يامره في قاعه في جده حضرت زواج وكان حول القاعه مطعم ماك والسيارات كأنهم على سرى حب ينتظرون سراهم يوصل سألت واحد كان هناك قلت وش السالفه الساعه 3 الفجر وهذي الزحمه على المطعم >>> قال هذولا طالعين من القاعه اللي هناك قلت في نفسي وقع بهم جوع ووقعهم يكشرون بأعمارهم ويعفقون ولا تطلع الوحده إلا ماعادت توعي ولا تدعي |
^^^
ههههههههههههههههههههههههههههههههه |
باقي معي شوية روايا على كلام الاخت الازديه
اسمحو لي كلامك كله صح لكن مشكلتهم في المناسبات صار الموضوع كله بهرجة أكثر من إنه تقديم ضيافه من يقدم أحلى وال فلان قدموا نوع من هذا الشي لازم نجيب شي ثاني وآل علان حطو بوفيه من المطعم الفلاني لازم نجيب من المطعم الفاخر العلاني وعليك الحساب تستمر المكاشر بينهم نسوان وأدفع يالرجال وأنت ساكت .. ولا ما أحلى الاختصار في كل شي غير من هو ذا طاع ولا من هو ذا سمع وطاع ... |
اقتباس:
|
لا تنسون غنمي تيه علموني عنها
اقتباس:
|
مذا حن به ذلحين
|
فكري إني ثبت
اما من ناحية البداوة لا والله ما من البداوة كفحه عمرنا كله في المدن مع الحجز ننتظر منداهو يحلها |
| الساعة الآن 02:39 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir