الجسد موجود والروح ارحلت = والزمن غدار لكني صبور
عيني اللي من عنا الوقت ادمعت=حزنها يا ناس شيد له جسور
وحدى الدنيا بها روحي طلعت = فاقد الاحساس ما عندى شعور
الهوى ما ابيه انا روحي اشبعت = وش يفيد الجبس لو كلي كسور؟

صغير السن مايعرف على دار المحبه درب =ولاجـــــرب عذاب الحب يوم تزايدت بلواي
وضعته داخل أعماقي وعليته بقصــر الحب =جـفيت أهلــي علشانه حسيته غايتي ومناي
رحل وأنا بقيت أشكي عذاب شب فيني شـب =بقيت صورته ترسم معاناتي على ذكـــــراي

كيف اسيبك وانت أول من تغزل في عيوني=كيف ا سيبك وانت اول من لمح يانع غصوني
كيف اسيبك وانت اول من نطق كلمة احبك=ومن شعرت اني بقربه سيدة جيلي وكوني
من فتحت عيون قلبي ما نظرت الا عيونك =ازهرت بك قاع ارضي وامطرت لجلك مزوني
انت اول من عشقته واوقد الشوق بخفوقي=عشق طفله فوق كتفك عاشت الحب الجنوني
بك عرفت الابجديه والسهر ونجوم ليلي =صرت تجري في عروقي صرت تشغلي ظنوني
بك عرفت ان الدقايق دون شوفك مستحيله=وكيف همي صار انته وكيف تسهر لي جفوني
بك عرفت ان المشاعر تختصر لحظة غيابك =انتظاري وانتحاري لحظة تفارق عيوني
ايدك اللي علمتني اكتبك واعشق حروفك =وارسمك لوحه جميله ماتخيب بها ظنوني
احتميت بفي قلبك عن متاهات الليالي =وقت فرحي وقت همي صرت لي ظهري وعوني
من يعوضني مكانك لوخذاك البعد عني =امة ادم في غيابك صعب فيك يعوضوني
ان رحلت تبقى حبيبي وان بقيت تبقى حبيبي =ماتقبل غير شخصك في حياتي لي يكون
بعد هذا كيف اقدر بس قللي كيف اسيبك = وانت اول وانت اخر من ملكني ((ياعيوني))

لاضاق صدري رحت أقلّب عربسـات=قمـت أتفكـر فـي عجايـب زمانـي
متْنقـلٍ مابيـن ذيــك المحـطـات=بإبهامـي ألـفّ الأرض فـي ثوانـي

أكتب وأسلي خاطري بالكتابة=كود التهي في نظم الابيات وأنساه
واثر القصايد منه قامت تشابه =من وين أقلب دفتر اوجاعي ألقاه
هذي قصيدة قلتها في عتابة=وهذي قصيدة قلتها يوم فرقاه
وذيك القصيدة قالها من عذابه =يكتب قصيد منكسر بس ما أحلاه
ويقول جابه كان تقدر تجابه =واقول شعرك لعنبو من تحداه
ويروح يضحك ما أقتنع فالاجابه=ويقول شعرك زين بطل محاباه
وأقول طبعا زين لأنك زهابه=لاصرت روح البيت وشلون تبغاه
واليوم ذاك الوقت جمع شبابه =واقفى ولا ادري صاحبي وين وداه
ورضيت مدري ذل ولا مهابه =ابعد وأهل الدمع لايام ذكراه
الشعر والليل وبياض السحابه =والضحك والحظ الردي والمعاناة
كلش يذكرني بوقت غدابه =ياوين ابرمي ذا الجسد فيه وانساه

أنـا ربـّتني الـدنيا عـلى جـزل العطا والجود=ونـفسي لـلوفا والـطيب وفـعل الخير جزّامه
أعـارض مـنهج الهابط وأوافق للصعود صعود=وأسـيّر نـفسي بـعقلي مـدام الـنفس هـدامه