نصيحة ...... اعجبتني

[ابو سيف العمري]

أبنصحك عن خايبين المجاليس
عاشر حكيم الراي والنذل خلــه

رَجلً ليا جيته هروجه مفاليس
ورَجلً ليا جيته.. أبَد ما تملــــه

ورَجلً إذا شفته تعوّذ من ابليس
ورَجلً تشوف بوجهه الخير كله

ورَجلٍ .. يعكر دنيّته بالدنافيس
ورَجلً .. به الأيام عَيّت تحلـــه

ورَجلٍ يهدم دنيته بالوساويس
ورَجلً يعَقد الرّاي ورَجلً يحله

ورَجلً حياته كل أبوها عواكيس
ورَجلً حياتَه مثل ما قِيل : فَلّـه

ورَجلً كلامه مثل ضرب الدبابيس
ورَجلً .. كلامه مآ يجي فيه زَلــــه

ورَجلً لاجل رَبعه يجيب النواميس
ورَجلً ... يجيب الكآرثه والمذلــــه

ورَجلً يصرّ المال في داخل الكيس
ورَجلً ... على المحتاج ماله يهلّـــه

هذي وصايف .. قلتها لك بتقييس
وانت الفهيم ... وكل دربً تدلــــه

لو الفقر ضـيفٍ ..... وحنا معازيب
يا مرحبا بالفقر .......دقه وجلــه

الفقر ماهو عيب تدري وش العيب
انك غني ..... والبيت محدٍ يدلــــه



اعجبتني. ..... قلت أشارك مع أصحاب الكلمة

تقبلوها

[ابوخالد..]

على مستوى صح لسان الشاعر
وسلم راعي الذائقه الرائعه
تحيتي وكل عام واباسيف بالف خير..

[عطر الحكي]

رووعه
واختيار جميل
يسلمو ايديگ

[الأزدية]

اوصاف بشر في كل مجتمع
يهدي الله من شاء منهم ويضل من شاء

واعجب من قول الشاعر


يا مرحبا بالفقر .......دقه وجلــه

كيف يرحب بالفقر ؟
والشرع امرنا دبر كل صلاة

ان نقول :
"اللهم اني اعوذ بك من الكفر والفقر وعذاب الفقر "
وبالتوفيق للجميع

[ابو سيف العمري]

أبو خالد

بنت الجنوب

الازدية

شكرا لمروركم وتشريفكم

الازدية ...... الإجابة على تساؤلك الشاعر لم يرحب بالفقر إلا في حالة انك تكون بخيل.

لأحظي من جديد الأبيات

لو الفقر ضـيفٍ ..... وحنا معازيب*
يا مرحبا بالفقر .......دقه وجلــه

الفقر ماهو عيب تدري وش العيب*
انك غني ..... والبيت محدٍ يدلــــه

[المذهلة]

رووعه تسلم ايديگ
ويسلم لنا ذوقگ ابو سيف
امتنـــاني

[ابو سيف العمري]

المذهلة. .... شكرا لمرورك
ولك تقديري

[بن ظافر]

بيض الله وجهك على هذا الا ختيار الموفق
لو الفقر ضـيفٍ ..... وحنا معازيب
يا مرحبا بالفقر .......دقه وجلــه

الفقر ماهو عيب تدري وش العيب
انك غني ..... والبيت محدٍ يدلــــه

[ابو سيف العمري]

بن ظافر ..... ووجهك أبيض

تقديري

[ابوفهد العمري]

ما جبت الا الطيب وفقك الله .