جاكم طير مخرز يرفرف

[طير مخرز]

بسم الله الرحمن الرحيم
السلام عليكم ورحمة الله وبركاته
كما وعدتكم من قبل بأنني سوف أثري المنتدى بالكثير من أشعاري المتواضعة
وإليكم أول قصائدي

جاكم يرفرف طير مخرز على الريش=ترسم جناحينه بيوت القصيدة
يفتش قلوب المحبين تفتيش=حتى يبين كل شاعر رصيده
ياعمر بن حجر الهوى كدر العيش=وأنا من أول في حياة سعيده
حُب الغواني نبّش القلب تنبيش=خطراً على قلب المولع يبيده
لي موترٍ ما مل كثر المطاريش=يطوي المسافه والديار البعيده
يرسل جرس لنذار وأعطيه تطنيش=صوب الحبيب ياخذ الخط سيده
حتى يوديني لدار المداغيش=إللي عطاني من قديم وجديده
أبو الرموش إللي كما صفة الجيش=حيرتني يابو الصفات الفريده
اما أرشدوني قبل...... وتهميش=والا ادرجوني في سطور الجريده

[أغلى وطــن]

يا مرحبا بالطير لو كان من بـيـش
ولاّ سكاكا الجـــوف ولاّ عــبـيـــده
* * *
ونوقّف الطابور صـــفّه وشاويش
وجمع العساكر من رقيب وعميده
* * *
في منتدى ما فيه رجّه وتشويـش
تلقى الكرامه والعـقـول الرشـيده
* * *
قصيدتك عنوان والقاف تنعــيـش
تـنعـش خــواطرنا وعــطنا مزيده
* * *
تحياتي لك
pilot

[عمرو بن حجر]

بسم الله الرحمن الرحيم
وعليكم السلام ورحمة الله وبركاته
هــــــــــــــــــــلا والله بطير مخرز وهلا والله باشعارك
شكرالك على تلبية الدعوه

ياعمر بن حجر الهوى كدر العيش
وأنا من أول في حياة سعيده

جميل جدا أن يذكر اسمي في الشعر

هلا والله وابشروا بشاعر يثري منتدى بني عمرو

تحياتي لكgv)

[المسكت]

اكثر من اني اسجل

إعجابي وإحترامي

لا يجد شئ

لك تحياتي

وهلا وغلا فيك

صح لسانك

المسكت

[محمد بن مريع]

يامرحبا بالي ر..... في الجيش = ذا ما فرحبك يقطع الله وريده
يفداك جيب كسرته الحتاريش = الحب يبقى والخسارة حديده

[الحب الحب]

يامرحبا عد ماخط القلم والريش = وعداد مايقنص القنا ص ويصيد صيده

ياشاعر بالهوى تعجز عنه المناقيش= تخضع له العذرى و تحب إيده

هو صقر يرقى فوق ماهو من الخفافيش=له ظربة تقضي على الجاني وتقطع وريده

مايرخي الهامه ولايرضى بداني العيش= هو رمز للكرم والصدق هو سيده

صالح صلوح ويصلح كل المهاويش= له وقفته وتلقاه حتى فى الامور الشديده

ياراكب النيسان وناوي دروب الحتاريش = بالله بلغ سلامي للي ورى حديده


ياهلا وغلا والله بطير مخرز ... وأتمنى لك قضاء وقت ممتع

وأتمنى قبول هذا الرد ... المتواضع .. ولك مني كل التقدير والاحترام

الحب الحب

[المهاجر07]

يا هلا وغلا والله ومرحبا في طير مخرز

نتمنى ان تلق الفائده ونلقى منك ذلك

بدايه قويه سيدي 00

إلى الأمام رعاك الله وسدد على دروب الخير خطاك


المهـــاجر