علم التجارب

[سعد ال درويش]

قصيدة اعني بها الحفاظ على كل صديق وفي


بعطيك من علم التجارب وهايب=واحفظ معانيها من اللي درسها
احرص على اللي نظرته للسحايب=اللي شراك وقيمتك مابخسها
محشوم عن درب الزلل والمعايب=وان شاف زله من جنابك طمسها
ارفع مقامه والجمايل سبايب=واذخر لوحشات الليالي ونسها
ياحي عين الكفو سقم النوايب=ضلعٍ يشوق النفس حزة فحسها
ماخاف صلفات الزمن والنشايب=ولا هاب قرع اطبولها مع جرسها
لا صار لك محزم بعج الحرايب=يخسر عدوك لبسةٍ يلتبسها
لالضت النيران وقت الضرايب=تنصد غارتها ويطفى قبسها
للموقف الغصاب مخطي وصايب=والصايب اللي كايداته دهسها
خذها من اللي ناطحته الهبايب=واقبل معاذير العرب والتمسها

الشاعر/ سعد ال درويش العمري

,,,,,,,,,,,,,,,,,,,,

[أبو ريان]

صح الله لسانك ..
قصيدة على مستوى عالي ..
مليئة بالحِكم والكلام الجزل والمعاني الرفيعة والوافية ..
كفو وقصيدك كفو وبيض الله وجهك على ما قدمت ..

ملاحظة / تم تعديل التنسيق بحكم عدم ظهور القصيدة بشكلها الصحيح ..
تقديري ..

[سعد ال درويش]

ووجهك ابيض ابو ريان وشرفني مرورك يالغالي

[نبض]

***


لله درك..
غَمامة شعريّه محملة بـ الدُرر

شكرًا كبيرة للـ جمال هُنا...



امتناني وتحية.

[تراتيــــل]

صح لسانك ي شعر
ابدعت وامتعت بهذه الرائعه
لك التقدير والاحترام..

[بن ظافر]

الله يعطيك العافية وصح الله لسانك حفظك الرحمن

[ابوفهد العمري]

صح لسانك يا سعد وما قلت الا الصحيح بارك الله فيك .