قصيدة / يا قبر

[سعيد عوض العمري]

1436/4/4

يا قبر فرق بين مالك و مملوك
كل البشر عندك بليا فروقات

هذا فقير و ذاك من سالف املوك
وراك ما تقدر جميع المقامات

اللحد مثل اللحد و الفرش لا جوك
امن التراب و صار طينك مخدات

ويش عقبها يا قبر لا صرت مصكوك
واللي بجوفك بين ضيق و عتامات

ويش حال ذالمسكين لا صار ممسوك
وتساوت اعليه الليالي و الاوقات

قال القبر يا سعيد ما دمت مفكوك
اقبل على ربك و كب الملذات

ابليس واهله دربهم شوك في شوك
ولله درب ما يعرف المتاهات

يمديك تذخر مالعمل لو تبي ابنوك
و تراجع ابذا الوقت كل الحسابات

الايام تجري والعمر دوم مهلوك
ما منه يوم الا تجينا زيارات

من صار في جوفي مسجى و متروك
ما تنفعه عندي جميع الوساطات

اما يبشر بالرضا و الف مبروك
ولا عليه اقسى السخط و البليات

# ابو فارس #

[محمد سالم آل سعيّد]

صح بوحك
اختيار مميز،
عوااافي،

[عــذبــة الـــروح]

أبيات رائعه
الف شكر لكـ

[تراتيــــل]

صح بوحك
ونسأل الله ان يغفر لنا
وأن يجعل قبور موتانا روضه من رياض الجنه...

[صالح آل سلمان]

عودتنا يا بو فارس على الابداع
وهو غير مستغرب على شاعر قدير مثلك
صح الله لسانك لا عدمناك
تقبل مودتي
ابو عبدالله

[ابوفهد العمري]

اللهم اننا نعوذ بك من عذاب القبر .
صح لسانك وجزاك الله خير .