أسلوب الغش الجديد ..

[أبو ريان]

رصد أحد المعلمين ساعة يستخدمها عدد من الطلاب للغش،حيث تتبع الساعة لشركة أبل ..
ويتمكن الطالب من خلالها من الدخول لملفات الصورة المصورة مسبقاً وتصفح الإجابات من خلالها..
وفي حال اقترب أحد المشرفين من الطالب بإمكانه تحويلها لوضع الساعة العادية ..
حيث أنه وقتها لا يمكن الكشف عنها..


http://www.youtube.com/watch?v=EuiVLMIN_RI


..
الله العالم هل أبل صممتها لأجل مثل هذا الأسلوب فعلاً أم أن شطارتنا
حولتها لهذه الطريقة المحترفة جداً ..
تقديري ..

[تراتيــــل]

التقنيه تخدم بكل الاشكال وشبابنا هم من سخروها
لمفسده بدل المنفعه .. وزين انه تم كشفها
شكرا لسموك..

[المذهلة]

ههههههههههه الجيل ذا محد يقدر عليه
اساليب الغش متنوعه لمن اراد ذلك
موضوعكـ جا في وقتو
غدا التفتيش عـ الساعه مو الاوراق
يعطيك العافيـــة

[قبل الرحيل]

ابداً حلول مبتكرة من الدول المتفوقة تكنولوجياً
لمن لايملك المال الوقت والفكر لنيل الشهادة المطلوبة

شكراً لك

[أبو ريان]

حياكم الله جميعاً ..
قلتوا وأفدتوا بتعليقاتكم ونتمنى أن يبتعد الطلاب عن الغش بأي طريقة ..
تقديري ..

[طيف]

الله يوفق الجميع ويسهل اختباراتهم ومايحتاج لهم ساعات يدبرون اعمارهم بسم الله عليهم .

شكراً لك..

[رمآديهـ]

اللي يحط الغش براسه عنده الف طريقة وطريقة
الله يوفقهم و يبعدهم عن الغش
يعطيك العافية

[أبو ريان]

حياكم الله ..
الغِش احتراف ويقولون اللي يجربه يتعوده طبيعي ..
بإذن الله طلابنا ما يحتاجون ولا يفكرون بمثل هذه الأفكار ..
تقديري ..

[سد الوادي]

يعطيك العافية

ومن خلال تواجدي لفترة في قاعات الامتحان
اضعف الدرجات للي يحاول يغش إلا عدد لا يكاد يذكر

تحيتي لك

[أبو ريان]

هذا الصحيح سد الوادي ..
لأن محاولة الغِش ما تنجح بشكل دائم ..
ولكن بيني وبينك مثل هذي تنفع وتمشي سلام سلام http://forum.baniamro.com/images/icons/icon10.gif
تقديري ..

[@ROYAL@]

كنت اكبر غشاش ايام الثانويه
لكن افيد زملائي الطلاب و خصوصا اخوي نايف كان عايد ثالث ثانوي و لحقت عليه
جاب الترم الأول 62 ٪ و اختبارات الشهري الترم الثاني رايحه فيها

المهم شرت عليه يدرس انقليزي لين تبدا السنة و انا اخلص ثاني
و فعلا كنت عند وعدي له
و جاب الترم الأول 95 ٪ و انا 100 طبعا << مصطفى حق البي سيات
و الترم الثاني جاب 89 وزارة و القدرات اختبرت معه سوى و كان بيني و بينه طالب نموذجه ج
المهم صاحب النموذج ج وش سوى صار ينقل حلي و اخوي ينقل منه لاني و اخوي نفس النوذج و اخوي سوى كم غلطه و جاب ذيبان 87

و بعدها تبنا الى الله توبه نصووووووح

و لو لحقنا على ساعة ابل ما كفتنا 95

يالله العوض بالجايات

[أبو ريان]

أجل راعي فزعات يا رويال ..
نسأل الله أن يغفر للجميع وأن يبعدهم عن الغش لأنه عادة سيئة ..
الله يقبل التوبة وبالتوفيق ..
تقديري ..

[سكر غير]

تقنية حديثة ومن الصعب إحتمال أن يكون تصنيعها لغرض الغش، الأقرب للصواب أنه تم إستغلالها بهذه الكيفية ...
ولو يعلم الطلبة بأن مقدار التركيز على وسائل الغش لو تم إستغلال 80% فقط منه لصالح المذاكرة لتفوقوا في معظم المواد ...
حتى الطلبة المتفوقون دراسياً تجده يخسر الكثير من الدرجات في مادة بسبب تركيزه للحصول على إجابة فقرة واحدة وإهمال ماتبقى من الإمتحان مما يفقده التركيز عليها ...
شكراً لك أبو ريان ولا تنشبونها في الصفا كثير خصوصاً هذه الأيام ... :biggrin:
نسال الله التوفيق لجميع الطلاب والطالبات ...
تقديري ...

[أبو ريان]

حياك الله سكر غير ..
ما قلت إلاّ الصحيح باحتتمالاتك سواء بمسألة تصنيع الساعة ..
أو ما يخص تكثيف أوقات المذاكرة بدلاً من التفكير بطرق الغش ..
وأبد طال عمرك تساهيل والله يسهل على الجميع آمين ..
تقديري ..

[ابوفهد العمري]

الشباب ما عندهم سالفة بعضهم يسلمها بيضاء ناصعة البياض الا من اسمه .

[أبو ريان]

صدقت يابوفهد ..
وبعضهم يحط كم بيت شِعر عشان يكون قام بعذره..
المهم خلصت الإختبارات وعدت على خير بدون خسائر في التقنية أو النتائج ..
لاهنت أبو فهد ولك تقديري ..

[أبو مانع]

وحيني جيت متأخر بس قلت لازم أحط رد عليك يابو ريان
مره من المرات كنت اختبر وفيه واحد في الطاوله اللي خلفي في الجامعة
وقعد يدق في ظهري بقلم الرصاص لين حفره وطنشته :d
المهم إنه قام في الاخير يسب ويلعن ويقول كلام ما ينقال حسبي الله وكفى
طبعاً انتبه المراقب من فضل الله وقام غير مكاني وبغت تجي في رأسي
فكره إني أنا ذا يغششه وأنا ودي بالفكه منه ..

أما على طاري الساعة اتوقع من الصعب أي احد يمتلكها
يعني ممكن غالباً تكون مع الطبقة المخملية واللي معهم فقعة دراهم الله
يزيدهم من فضله ..
لكن ربعنا أبشرك إنهم يستغلون كل شي عكس ما صنع له
يتحرفونه لدرجة إن اللي صنع ولا أسس هذه التقنية يقول مدري كيف
جات على بالهم هذه الأفكار ...أقولك سعودييين والله مايقدر عليهم إلا ربي..

[أبو ريان]

اوووه وضعك تمام يابو مانع ..
أنت أحسن من اللي دخل بالغش معه ولا عرف كيف يطلعه :d

شوف الغش دائماً مُحرج للطرفين سواء تم ولاّ ما تم ..
الإعتماد على النفس أجمل حتى درجة الرضى بعد الاختبار تكون واضحة وصافية ..

أما الساعة فأظنها عادية السعر والله أعلم ولكن بيني وبينك شئ على مستوى :d
منور أبو مانع ولك تقديري ..