جو المطر..

[الريم الجفول]

http://im47.gulfup.com/j2tGv3.gif (http://www.gulfup.com/?yWAWS6)


جو المــطر و الغيـم وأنا وزانــك
يحـي حشيـم عـروق قلـباً يباريك

قلــباً يحبــــك صدق ويعز شانــك
وما يصــدق الهرجـات لاذي ولا ذيـك

ولو كنت تـدري فـي الحشا وش مكانك
ماسقتنــــــي شرهه ولا قلت وش فيك

ريح المــــــــطر طـرى غلاك وزمانـك
وأنـا علي به نـذر مانــي بناســيك

الغيـم وجهـك والمطــر من حنانــك
والجــو كنه ضحكتك كـل ماجيك

صوتــــك دفااي ومسمعـي ترجمانـك
أدعـي المشاعــر كل أبيها وتـــاتيـك

الثلـج كنه ذايــــــبٍاً فــي ثمانـك
والملــح كـنه ينتثر فــي خطاويـك

والـى ألتفت وفــــــــاح لـــي زعفرانك
شفـت الجديـل اللي لي الساق يضفيـك

دلـــوع أبيك اللي يحشمـك وصانك
رجـلاً عـلى عذب السجايـا مربيك

والله وأمـان الله وأماني وأمانيـك
انـي مولـع بك وأحبــك وشاريك

تــدري أنا ليه أتنفـــس عــــشانك
وتـدري وش يصبـر خفـوقي رجاويك

أجمـل حكاوي الشوق تسكن لسانك
وأغلـى الدقايــق كلها يــوم أحاكيك

اللي بقولـه وأنت عــارف مكانــك
لاتبطي بوصلك تــرى القلب يدعيك

[صمت]

روعـــــــةةة يالريم
سلمتي وسلمت اناملك ..
تحياتي

[رمآديهـ]

ذائقة رائعة
الف شكر لكِ

[الريم الجفول]

صمت..مرام..
الروعه تواجدكم بالمتصفح ..دمتم بخير

[عــذبــة الـــروح]

إختيار رائع
تسلم الأياادي

[الصيـــ ( ضــــاري ) ــاد]

ريح المــــــــطر طـرى غلاك وزمانـك
وأنـا علي به نـذر مانــي بناســيك

الغيـم وجهـك والمطــر من حنانــك
والجــو كنه ضحكتك كـل ماجيك

صوتــــك دفااي ومسمعـي ترجمانـك
أدعـي المشاعــر كل أبيها وتـــاتيـك



الله الله من إبداع هنيه

صح لسان شاعرها

وسلمت يديك أختي

و تقديري

[تراتيــــل]

ولو كنت تـدري فـي الحشا وش مكانك
ماسقتنــــــي شرهه ولا قلت وش فيك

ريح المــــــــطر طـرى غلاك وزمانـك
وأنـا علي به نـذر مانــي بناســيك

صح ذوووقك يالريم ..مبدعه