سعد ال درويش
08-11-2014, 06:35 PM
ياصاحبي ضاعت مفاهيم الابطال = ماللوفا بين المخاليق مقياس
ماكل كلمة يابيض الوجه تنقال = ولاكل صمتٍ يشبه عقود الالماس
الصدق كذبه والوفا مثل الاطلال = والجود غيمه كنها ديمة اليأس
الطيب ماهو بالسوالف والاقوال = الطيب وقفه صادقه ترفع الراس
وأنا خويي للوفا فيء وأظلال = من عادته كسب الثناء طيّب الساس
يفدى مقامه كل حاسد ومحتال = ويفدى شموخه كل خاين وبلاس
محشوم قدره بالوفا طيبّ الفال = في ناظره للطيب هيبه ونوماس
والا الردي ماله مواقف ولا أفعال = ماله على رجم الطويلات مجلاس
راع الردى لو يعتلي راس ماطال = اليا نخيته يضرب أخماس بأسداس
رجال يسؤى بالفعل 1000 رجال = ورجال مابه غير هقوات الافلاس
والحر ماينزل على كل منزال = برؤس الجبال الشاهقه طير قرناس
تعبت من رجوى الاماني والامال = ومليت من زيف المشاعر والاحساس
أفعال ماتثبت لنا صدق الاقوال = مضمونها في ليل الاوهام نبراس
وأختامها خذها صريحه بالامثال = عمر الذهب ماخالطه لمعة أنحاس
.
.
ماكل كلمة يابيض الوجه تنقال = ولاكل صمتٍ يشبه عقود الالماس
الصدق كذبه والوفا مثل الاطلال = والجود غيمه كنها ديمة اليأس
الطيب ماهو بالسوالف والاقوال = الطيب وقفه صادقه ترفع الراس
وأنا خويي للوفا فيء وأظلال = من عادته كسب الثناء طيّب الساس
يفدى مقامه كل حاسد ومحتال = ويفدى شموخه كل خاين وبلاس
محشوم قدره بالوفا طيبّ الفال = في ناظره للطيب هيبه ونوماس
والا الردي ماله مواقف ولا أفعال = ماله على رجم الطويلات مجلاس
راع الردى لو يعتلي راس ماطال = اليا نخيته يضرب أخماس بأسداس
رجال يسؤى بالفعل 1000 رجال = ورجال مابه غير هقوات الافلاس
والحر ماينزل على كل منزال = برؤس الجبال الشاهقه طير قرناس
تعبت من رجوى الاماني والامال = ومليت من زيف المشاعر والاحساس
أفعال ماتثبت لنا صدق الاقوال = مضمونها في ليل الاوهام نبراس
وأختامها خذها صريحه بالامثال = عمر الذهب ماخالطه لمعة أنحاس
.
.