ديوان الشاعر محمد بن لقفص حكيم الشعر

[سد الوادي]

بسم الله الرحمن الرحيم
يسعدني في هذا المقام ان اقدم لكم قصائد الشاعر محمد بن لقفص العمري
والتي وصلتني قبل فترة وتأخرت في طرحها هناااا لبعض الظروف
واعتذر ايضا عن عدم الترتيب المناسب لها لكثرتها
وان شاء الله تنال اعجابكم واعجاب صاحبها
وان شاء نطرح ايضا الشيلات للشاعر مع قصائدها
ويا هلابكم

يا عجوز شفتها يوم الخميس
وحدها ترقص في أسواق العويس
من يديها واحدة فيها تميس
وقفوا كل الحضور يطالعــــــون


قلت هذي يا رجال اش صابها
قالوا أنهارت جميع أعصابهــا
زوجها عرّس وضاع إنصابهــــا
والعجوزة عقلها صابه جنــــون


من خبرها قلت لله العجـــــب
أشهد إنه ياعرب قــــلّ الأدب
مشكلتها شوهت كل العـــــرب
أهلها باحوالها ما يعروفــــــون ؟

يوم شافتنا نتابع حالهـا
طالعت فينا وقالت يا لها
المرة لا باعها رجالها
مالها إلا تسعد اللي يضحكـــون


نادت العامل وقالت يا سميــر
رح لبو ناصر وقله ما يسير
وين ذاك الحب يا عدم الضمير
وأنت حالف في غلانا ما تخــون


قال كم عمرك عساء عمرك طويل
قالت السبعين ينقصها قليـــــل
بس أبو ناصر لقاء عني بديــــل
باعني وأنا أحسبه رجل حنــون


قال طيب ما معك منــه عيــــال
قالت اسماعيل وادريس وجلال
والبنات أسماء وهيفا وابتهـــــال
كلهم عن حالتي ما يعلمون


قال طيب سن أبو ناصر قريـــــب
منك ولا بينكم فرق عجيب
قالت الستين سنه يالحبــيـــــب
والبلاء ما هوب في فرق السنــون


قال وش تتوقعي سر السبب
ممكن أنتي ما توفين الطلــــــب
ناظرت وعيونها فيها لهـب
واليماني قال مهلا يا هتــــــون


انتها دور الجدل ثم أدبـــــرت
شكلها في زوجها قد قصـــــرت
واقربا بو ناصر الظاهــــر درت
وأكثر الجيران فيها يهرجـــون


ثم عوّد للعجوز جنونهـــــا
والبشر بانظارهم يرمونــها
كلهم صاروا وقوف دونـها
واغلب العمال صاروا يرقصـــــون


ثم جات السوق دورية مـــــرور
والعجوزة من مصيبتها تدور
والعساكر جمعوا كل الحضـــور
والعجوزة حولوها للسجــون



ليلة كانت صراحة مضحكـة
رغم ما في جوها من شربكــة
من عجوز إبليس صارت معركـــة
بين من يضحك ومنهم يشمتـــــون

[سد الوادي]

يا الله يا سامع الشكــــوى
يا كاشف الضيق والبلـوى

من غيرك العبد ما يقــوى
يغلب على جور ظلامــــه

ما يشكي أمره على غيـرك
عجل بحكمك وتدبيــــرك

يا واحد نرتجي خيــــرك
ياعالم القلب والهامــــــه

يا الله يــــــــــارب غفرانك
يا خالق الخلق سبحانـــك

جرنا من أهوال نيرانـــك
عبدك نصب عندك أقدامـه

قال الفتى عبر قيفانــــــه
حسبي على ناس خوّانـــــه

ما خافت الله سبحانـه
تحكم على العدل باعدامــــه

ما خاب عبدٍ رجاء ربــــه
لو كل لاشرار في دربـــــه

ينجا إذا كان في قربه
مهما لهيب الأسا ضامـــه

عليك يا رب شكوانـا
يا عالم سر نجوانـا

ما يعجزك دفــع بلوانــــا
والكون بيدينك أحكامــــه

ناس بعلمك سرايرهـا
للمال باعت ضمايرها

يارب عجل خسايرها
يا من لك الناس صوّامــــــه

سبحانك الله يا ربــي
يا عالم ما نوى قلبــي

ما غيرك إنسان يعلم بــــي
تعلم بحالي وما سامه

وثقت في ناس غرتنـي
في ضحكها لين ضرتنــــــي

في شوك لخطار جرتنــــــي
والقلب زادت به ألامــــــه

كيف أقدر أثبت مطاليبــــي
لا صار ما به مكاتيـــبــــــي

رحمتك يا عالم الغيبي
عبدك شكى جور ظلامه

يا كل مسلم عليــك الله
لا تبخس حقوق خلــــق الله

الظلم عنّه نهاك الله
لاعمار ماهيب دوّامــه

لا تخدعك كثرت أمـــــولك
لا بد ما ينـقـلب حالك

تصبح مقيّــد من أفعـــــالك
والظلم تجتاحك أوهامــــــه

ناس في العدل سرّاعــة
ما تقبل الظلم بأنواعـه

تترقب الموت بالساعـة
ونفوسها دوم لوامـة

يا كل مظلوم لا تقلـق
ربك عليم بما يخــلق

وكّل له الحال والمنطـق
واياك تستبطي أحكامه

[سد الوادي]

يا هيوض الشــــــــــــعرلا ضاقت عليه
جاوبي بالصــــــــــوت والبارق يماني

وضحّي لزين مجــــــــــــــــــليّ الثنية
واخبريه إنه مقــــــــــــيم في كياني

انتـــقي لــــــه من فــــــرايد لأبجدية
وارسليها للغـــــــــــضي زين المعاني

الغزال اللــــــــــــــــي لقيته ذا لعشية
فيه جاز القاف والهـــــــاجس دعاني

يوم ناظرني ودقيـــــــــــــــت التحية
قلت كيف الحـــــــــال واشر باليماني

قال مهلا يا فتى صـــــــــــبرك شوية
لا يكن قصــــــدك على مخلوق ثاني

قلت له بالفـــــــــــــــعل لك ميه بميه
وابتسم لي قـــــــــال رفق بالغواني

ثم قال العــــــــــــــــفو لا تشره عليه
صار لي موقــــــــف ومنه الله كفاني

قال كنت امشــــــــــــي بحي الخالدية
وابتلشني واحد صابــــــــــه جناني

قلت ما جاء منك يالغالي خــــــــــطية
وأنت معذور وقـــــــــدرك لا يهاني

والخلائق تختــــــــــلف مذهب ونية
وانت ما يخفاك عن قاصي وداني

والصحيح صحــــــــيح والنية مطية
ما يصيبك شر واعطـــيك الضماني

وكّل اللي يعــــــــــــتلم أسرار البرية
وافهم المضمون من وضح البياني

والله إنه ما معــــــــي نيـــــــة ردية
ون حصل مني خطا فاقطع لســـاني

شميتي ما هي عن العــــــــــليا دنية
والشرف له عنـــــدنا قدر وشاني

قصدنا واضح وســــــــــيرتنا نقية
نحمل الـــــراية مع كسب الرهاني

[سد الوادي]

أبيها شامخة حرة ذكيـــــــــــــة
تسابقني على فعل الجمالـــــــــــــة

رحومة في نواياها نقيــــــــــــــة
نظيفة قلب منطقها عدالـــــــــــــــة

لها في خدمتي روحة وجيــــــــــة
تبسم عند تقديم البيالـــــــــــــــــــة

تقدرني وتكرم والديـــــــــــــــــه
وظيفي لا لفا يرتاح بالــــــــــــــــــه

أبيها شمعة البيت المضيــــــــــــة
مثيل البدر في طلعة هلالــــــــــــــــه

رهيفة حس كلمتها خفيــــــــــــة
رشيقة جسم تشبه للغزالـــــــــــــــة

أبيها تجعل العيشة هنيــــــــــــة
ولدها يفتخر في ذكر خـــالــــــــــــه

علاقتها بخالقها قويـــــــــــــــــة
تراقب ربها في كل حــالــــــــــــــــة

عن الأسواق بالمرة عنـــيــــــــــــة
تحب البيت ما تهوى بدالــــــــــــــه

فهذي مطلبي بين البريـــــــــــــة
سواهايا تعب من هي حلالـــــــــــــة

[سد الوادي]

ياللي تقول القافية مارتكت لي
كم شاعر غيرك يقول ارتكت له


القافية يابو شبيب أشتكت لي
من حالها ياكم سوايه شكت له


حتى إنها من جور ناس بكت لي
لا بد ينصف حالها من بكت له


زين المعاني غيرها ما حكت لي
ياللي يقول إن الهزايل حكت له


حاولتها حتى إنها ادكتكت لي
والشايب الوجعان وش دكد كت له


لا شفتها ياصاحبي شربكت لي
اعطيتها اللي ما بعد شر بكت له


طويتها بسياستي واضحكت لي
واللي يجيب سيساته مضحكت له


ياللي تقول ابغى من أقوالك تلي
أقول هذا الخط بمكانك تله


صكيت بيبان بها صكصكت لي
حتى قصور الشوق ما صكصكت له


إما تجيك اليوم والا أوشكت لي
عبّر معاني كلمته واوشكت له


يوم المعاني يا فتى شبّكت لي
قبلي كثير سيرته شبكت له


حبكتها يا صاحبي واحبكت لي
عساه يسمع واحد محبكت له

[سد الوادي]

يا الله يا معبود يا رحماني
تغفر لعبدٍ مذنب مستغفر

يا من بفضلك تنجلي لحزاني
والكرب بامرك ينكشف ويدبر

أنت الكريم الواحد الدياني
وأنت العزيز القادر المتكبر

يا رب غيرك ما دعينا ثاني
لك نبتهل لك ننحني ونكبر

سبحانك الله يا عظيم الشأني
يا من على كشف البلايا تقدر

يا رب تنجينا من ا لعصياني
واعفرلنا تقصيرنا والمنكر

وابدل لنا سيئاتنا با حساني
يا عالم ما نخفي وما نجهر

يا رب تهدي للصواب لساني
وارفع مقامي في نهار المحشر

ويا الله تنصرني على شيطاني
واجعل كنيني خير مما يظهر

يا رب ثقل بالحسن ميزانـــي
وعيوبنا يا الله يا رب استر

قال ابن لقفص باول القيفاني
يا كل سامع للقصيد استغفر

من قبل توضع في وسط لكفاني
نصيحتي لك لا تكن مستكبر

واعلم ترى الدنيا عطا ها فاني
في غير تقوا الله لا تستثمر

ولا تطيع النفس مهما كانــــــي
من طاع شيطانه ونفسه قصر

أردد أبياتي بزين ألحانــــــــــي
واعيد للي يستمع واكــــــــــرر

واقول تكفون اسمعوا يا أخواني
كل يحاول ينتبه ويفكــــــــــــر

فكر في الفردوس و ا لنيرانـــــــي
في غيرها يا هيه ليه تفكـــر

فكر في التعذيب والغفرانـــــــــــي
تذكر أحوالك وغيرك ذكـــــر

يوم يشيب لهوله ا لولدانــــــــي
والناس سكرا دون شرب المسكر

صلوا عدد من سبح ا لرحماني
على الذي بالخير بشر وأخبــر

على النبي المصطفى العدناني
شفيعنا يوم الوقوف الأكبــــــر

[سد الوادي]

بن لقفص و بن جدلان


بدع بن لقفص

يانديبي لبن جدلان شدالرحال
شاعرله في الجزلات باع طويل

بومحمدعريب الجدعم وخال
ربعه أكلب هل الطالات زبن الدخيل

بلغ أكمل سلامي له عدادالرمال
وآعدد من مشى فيها نهاروليل

شاعر بارزقافه على كل حال
مفرداته نظايرها بعلمي قليل

في فنون القوافي له مقام ومقال
لاتكلم تشوف الناس صوبه تميل

ياسعدوالله إنا لوضعي اخوي مال
وأصبح القاف مسموم وحاله عليل

صارمن ينتسب للشعرمن قيل قال
في سموالمعاني ما لقافه سبيل

لجل يظهرعلى الشاشة بلبس العقال
والجماهيربالتصفيق له والطبيل

ينتخيك القصيدوينتخيك الخيال
وانتخاك ابن لقفص هات رد جميل

عطني الحل تكفى يازعيم الرجال
وانت مثلك من أقواله نريد الدليل

رد بن جدلان :

مرحباعدماهبت هبوب الشمال
وعدماهل همال وما سال سيل

وعدماغنت الورقا بروس الطوال
فوق روس السدور و فوق روس النخيل

يا ابن لقفص تشوقنا علوم الرجال
وانت يامحمدالعمري كلامك جزيل

تشتكي من بعض شعرهزيل يقال
والقرايح سفن والشعرعابرسبيل

ودي اشاركك بالراي يابن الحلال
لكن ماني على ذوق الاوادم وكيل

والا ودك بعظهم تاخذه بالعقال
لين يطلع صحيح فواد ولاهبيل

والله الكامل اللي يكتفي بالكمال
ما اتا عبده من العلم الا قليل

[سد الوادي]

المصياف

يااللي نواالمصياف في باريس والافي جنيــف
تعال لاصيف في مصايفناجنوب المملكة

ليتك تشاهد روعةالمصياف والجو اللطــيــــف
ودك بها تجلس قليل وتبذل اللي تملكه

البردماهوحيل لكنه على الوضع الخفــيــف
تلقى النسيم بكل وادي امصيف تسلكه

وشلون تتجول على العالم وتبحث للمصيــــف
وأبها بها جو الهناء يجعل حياتك مملكة

اترك بلاد الغرب وارجع موطنك دار الـشريف
دارالأمان وماتلاقي في ربوعه شربكة

لوشافها من كان قلبه للسفردايم وليــــــف
عاف السفرحتى ولوحجز التذاكر شيكه

رح يم فيفاء تلتقي فيهامشاريف وريف
تلقى الذي ماكنت تتوقع بعمرك تدركه

تلقى الجمال اللي يريّح منقضى عمره كسيف
مما يشاهد لوعطوه أموال يرفض يتركه

ساعةفي السودة تخلي داخلك يرجف رجيف
من شدة إعجابك تحس بوسط جوفك معركة

فيها الجمال اللي في البلدان ماله من وصيف
خضرة ونظرة والثمر بيديك تقدرتمسكه

[سد الوادي]

يا للي تبي راحة البال

نصيحتي يا للي تبي راحة البال
اجعل كتاب الله لك أجمل سياحة

واعلم ترى وقتك ولو زان لك مال
لو يستوي ليله تكدر صباحه

واقبل نصيحة شاعر بالمثل قال
وأعطاك نصه بالنبط والفصاحة

أقول لا تلهث ورى جمع لموال
ولا تخلي للمطامع مساحة

هوّن على نفسك ولا تتعب الحال
واطلب من الله الرضاء والسماحة

ولا تهاون في حسينات لعمال
واحذر تفرط في عموم المباحة

ترى حياتك بين حل وتر حال
والعمرترمي بك هبائب رياحه

العمر مهما طال لابد رحال
فلا يغرك لو بسط لك جناحه

فلا تقلب في محيطات لشغال
ويموت قلبك قبل يدرك نجاحه

كافح وعش دنياك من دون تحتال
واجعل لروحك من عناك استراحة

واحذر تطاوع من سلك درب لضلال
اللي خسر جهده وضيّع كفاحه

طاوع شفوف النفس في كل لهوال
حتى رما نفسه بسطوة رماحه

وأصبح مصفد بالسلاسل ولغلال
في عالم يفقد وجود الصراحة

رماه غيّه في مشابيك لنذال
وأغراه من لا يستطيع السباحة

في وقت تاهوا في مراميه لبطال
وأصبح عدو الله يشهر سلاحه

غرر وراه أجيال يا شيخ وأجيال
واللي عصى قوله حصل له فلاحه

واليوم تسمع شي ما كان ينقال
عجل لعين ا لمستحي بالنياحة

الناس ضاعت بين نت وجوال
وبلاك بيري فيه نشر الوقاحة

نرجيك يا عالم مواعيد لاجال
تفزع لقلب يسألك بانشراحه

وفالختام أقول ما مشغل البال
في غير دين الله ما فيه راحة

[سد الوادي]

متزوج ثنتين بين المطاعـم
واحيان ببيوت الجماعة يزاحم
عائش بوقت قل فيه التراحـم
قولو معه يا الله تقلع حريمه

تظامنوا يا جعلهن للذهايــــب
لين أشعلن في وسط قلبي لهايب
بنات حواء خلن الرأس شايب
من طاوع النسوان شاف الهزيمه

قالوا لي العالم وش اللي جرالك
متزوج ثنتين جالس لحالك
الله يا مخلوق يلطف بحالك
ويعين من يمشي بنية سليمة

فقلت خلوني ظروفي بجــــوفي
ماني معلمكم بكل الظروفـــي
دنياي ما جتني بحسب الشفوفي
والشاعر أبياته تبيّن صميمــه

هذي تبي تمشي من أجل العيالي
وذيك قالت لي عمام وخوالي
وش تنصحوني يا عيال الحلالي
مشاكل النسوان فعلا جريمة

وأنا عليّ بس دفع الدراهــم
برسالة تطلب بليا تفاهــم
ون قلت لا قامت تصيح وتزاهـم
وتقول يا ضالم طباعك عقيمة

فقلت هذي سالفة من تساهل
في سيرة النسوان والا تجاهل
نصيحتي للي عن السر جاهل
خلك شديد وخل عندك عزيـمـة

بس اتركوهن جعلهن في حريقة
والحر لا بده يحاول طريقة
مادامها وصلت لقول الحقيقـــة
ماعاد نتعامل بطيب وشيمة

قالوا تزوج ثالثة مستقــــرة
تبغ السفر في خمسة أعوام مرة
وانس السفر من كل خيره وشره
غامر ولا ترضى لنفسك ظليمـة

فقلت هذي فكرة راودتني
لكن ظروف الوقت ما ساعدتني
والا ورب البيت كم عاودتني
بس الظروف اللي لشفي خصيمة

والله لو كانت فلوسي كثيــرة
لاختار من خيرة بنات العشيرة
عيني بصيرة بس يدي قصيرة
والناس ما فيهم قلوب رحيمــة

لكن والله لو تكرر عملهن
لا أرمي بهن واحط وحدة بدلهن
من دون ما أفكر لكلمة زعلهن
وأقول من خالف ينال القسيمـة

هذا هو انذاري وهذا قراري
أقولها يا ربعنا باختياري
في صيفنا القادم تبين المواري
والكل يعرف حاضره من قديمه

عبر القصيد أقول هذي النصيحة
من قبل ما تحصل عليهن فضيحـة
ترقبوا صرخة شعور جريحة
من شاعر يمشي بنوره وغيـمه

هذا جزاء من سافرت للسياحة
تبحث عن الراحة بكل الصراحة
ما فكرت في زوجها وارتياحه
تفكيرها في نفسها ذا اللئيمـة

وفي ختام السالفة يا جماعــة
اعطوا حريمي علمنا بعـد ساعة
إن البضاعة به بدلها بضاعة
ون السعادة ما تجي بالخصيمـــة

[سد الوادي]

مرحبا هيل باللي منظقه ما نملــه
يوم شفته تقول انه سهيل اليمانـي

بو رموش على دعج النواظر مضلة
أرتبش داخلي يوم ألكف الخد جانـــــي

والشعر لاسود اللي فوق متنيه فلـه
يشبه الليل لاسود يا عذاب الزمانــــــي

والمقام الذي من شاهده ضاع عقله
لو يشوفه ضعيف الدين صابه جنانـــــي

لا نحيف مخيف ولا سمين تملــه
في صفاته تحدا كل قاصي وداني

ليتني ما دخلت المركز اللي دخل لـه
ليت ربي من الفتنه وشره كفاني

سمع صوتي وكنت أجر لي صوت شلة
أثر سيد العذارى من جواري يرانـي

سجل الصوت في رادي جهازه وشلــه
قال يا هم لالي صوت شاعر رماني

ما تحاشا من اللحية ولا راقب أهلـه
بالثـقة خاض ميدان الجميع ونصاني

ثم جاء قال صوتك شل عقلي وتلـــه
لو تكرمت تعيده يا حسين المعانـي

قلت مثلي مثيلك يا ترى ما يضلــــه
بس شف لك بدالي يابن لجواد ثانـي

قال غيرك حشا لله ما نلتفت له
أنت وحدك بصوتك عامل بي جنانــي

الحوار استمر وبان جده وهزله
لين صوت المنادي يا محمد دعانـي

راح عني ودمعه من عيونه يهلـه
ثم قفا ودمعي من دموعه غشانـــي

طش رقمه وشافه عامل ثم شلـه
واعتقد كان بالترقيم شكله هقانــي

بعد يومين لاقيته وهو في محلـه
جالس ينتظر عمه وبعض الخوانـي

دون ماشعر لمحته تحت ذيك المضلة
أثر ريم الفلا في جلسته كان عانـــي

صوتت لي وقالت يا محمد لنا اللــــه
ما تذكرت شخص من قصيدك يعاني

قالت أسمك محمد قلت لا بس مثلـــه
قالت إلا أنت ياللي فيك ضاعت تهانــي

قصة واقعية طالت الليل كله
دارها ياسعد ياخوي سيد الغوانـــي

الغزال الذي في نجد ما شفت مثلــــه
في صفاته تحير يا شقيقي بيانـــــي

[سد الوادي]

رسالة للشاعر بن هضبان

تدانت حروف القافية واعلنت لذعان
لشيخ عريب شاعر حفظته لذهان

تميّز بنهجه وارتقى قمة التعبير
وصاغ المعاني واصبحت شهرته عنوان

تباهت به القيفان والفخر به يزداد
ومن صار في صفه في المعركة كسبان

ولو تسأل العالم عن الشاعر النحرير
بلا شك قالوا شاعر الجيل بن هضبان

ألا يا زعيم القاف يا بو زميع الشيخ
سلامي على شخصك وربعك بلا حسبان

وبعد السلام أهدي لك الشكر والتقدير
من أعماق قلب صادق الود والعرفان

وهذي رسالة نصها واضح مكشوف
تبي رأي شاعر له مكانه مع الشيخان

نصتك القوافي يا سليل الكرم والطيب
ونعمين بالحرّث وتشهد لهم لزمان

وتاريخكم يالحارثي ما يبي تبرير
شهوده فعوله واعتبر صيتكم برهان

ومن بعد هذا يا سعيد القصيد أشكال
وكل قصيده يثبت اسمه في الميدان

وأنا شفت من ينظم كلام فقد معناه
ختل قافياته وانثنى تايه حيران

وحاول يضاهي كل شاعر لكسب الصوت
وبالعكس عوّد نادم فاشل خسران

وكم واحد يظهر على كيس بعض الناس
وحصل لقب شاعر مخضرم وله ديوان

حصل له مراده وانثنى شاعر مشهور
يهمه يقال افلان ويقال ابوه افلان

ويا بو زميع الوضع يحتاج له تشخيص
ونبغاك تعطينا علاج لهذا الشأن

ومثلك لهذا الجرح يا عزوتي دكتور
يعالج قضية شرها شيّب الورعان

وبه شاعر يحبك قصيده بشكل غير
تعامل مع نظم القوافي بكل اتقان

تباعد عن الشهر ولا لحقه التشهير
سبك مفردات الشعر بالقاف والميزان

فهو شاعر جزل المعاني عداه اللوم
تطيعه حروف القاف يا شيخ مهما كان

وهذا حسب ما شفت في ساحة الشعار
ثلاثة نبي تشخيصهم منك يا شيهان

وذا موجز المكتوب والشرح والتفصيل
وعذرا إذا في قافنا يا فتى نقصان

وصلوا عدد من طاف بالبيت واللي زار
على الهادي المبعوث سيد ولد عدنان
 

[سد الوادي]

كانت الديرة ورود وكانت الديرة زهـور
وكان فيها العشب يا خالد يسر الناظـــري

كان صوت الرعد يرعد والبرد فوق الصخور
والمطر يمطر وكنا بالمطر مستبشـــرين

الغنم ترعى وترتع فالمحاير والزبـور
والسواقي كان فيها الغيل يجري كل حـين

كانوا البدوا ن لا طاح الحياء بعده نشـور
وين ما طاح المطر بالصبح صوبه راحلـين

والبعارين أقبلت بحمولها وقت السحـور
والمراعي تسعد الراعي بعد قحط السنين

ما حلا بيت الشعر والعيس من حوله تدور
والهبايب يوم تو مي عن يساره واليمـــين

لا تذكرت الربيع وزغردة ذيك الطيور
في شروق الشمس يوم ان الجماعة سارحين

أتذكر مامضى لي في قديمات الدهور
يوم كان الناس في نفعاتهم متعاونـــين

كان يعجبني شبوب النار من قبل الفطــور
في نهار الصوم وأهل البيت به متجمعـــين

كان يعجبني تجمّاع الرجال مع البثــــور
والجماعة كلهم في رأيـهم متوافقــــين

كان والدنايعلمنا على زين الأمـور
كان من طبعه كريم وقت عسر وقت لــــين

كان بيته للضيافة للورود وللصـدور
ما ذكرت إنه تضايق من ضيوف قادمـين

كان مقدام ســنافي كنت في شخـصه فخور
كان رمز للرجولة والقبيــلة عارفـين

طالبك يا الله ترحم والدي وانت الــــغفور
يا عظيم الشأن يا من عباده سـاجــدين

مستحيل أنسى زمان فيه وسعان الصدور
كيف ننسى جلسة فيها الرجال الطــيبين

مثل أبو عبد الله اللي كان له فالقــوم دور
مجلسه متعه وهرجه يشرح القلب الحزين

عمنا مصلح زعيم القوم في ضرب النحور
فارس الفرسان ما همه كلام الجاهلين

إما هذي اليوم عمي ضمن سكان القبـــــور
يا لله اغفر ذنب عمي يا مجيب السـائلين

كان غشام الحكيم اللي كلامه كان نـور
كان لا منه جلسه يسعد جميع الحاضـرين

كان في رايه مطاع ويقتنع كل الحـضور
ما حد في رأي أبو سلطان قال العلم شـــين

كان له صوله وجوله كان له راي وشـــور
ثم مات وجعل روحه في جنان الآمنـــــين

صورة الماضي بعيني واضحة عبر المـرور
وين ما وجهت وجهي لفني حس الحـنين

لاذكرت أيام راحت قامت أعصابي تفـور
وانهمل دمعي وقمت ازيد في جر الــونين
 

[سد الوادي]

أعوذ بالله منك يا شيطاني
واستغفره من جملة العصياني
واقول للي يستمع قيفاني
عشر الوصايا للجميع اهديها

أول وصية طاعة المعبودي
واكثر من التسبيح والسجودي
واحذر تكن في نعمته جحودي
صلاتك احذر لا تفرط فيها

ثاني وصية لا تخالف شرعه
محمد ا لمر سول لك فاتبعه
من خالفه لازم يعدل وضعه
من قبل نار لاهب صاليها

ثالث وصية والدينك طعهم
واياك تنهرهم وخلك معهم
عم يريدون انتبه تنمعهم
أفضالهم لا يمتكن توفيها

رابع وصية قم بحشمة جارك
واياك لا تاذيه لو باشعارك
بزيارته قم لو بعد ما زارك
ون جاك زلة منه لا تطريها

خامس وصية لا تبيح أسرارك
لناس حتى لا تشيع أخبارك
خله دواما عالي مقدارك
خصايصك للغير لا تبديها

سادس وصية لا تصاحب جاهل
اللي بطاعة ربنا متساهل
اللي يصاحب عاصي متجاهل
شر الثمار القاسدة يجنيها

سابع وصية زوجتك قدرها
إن أحسنت في فعلها فاشكرها
ون قصرت في حاجة فاعذرها
وانصح وربك قادر يهديها

ترى التعدد ما يعد إهانة
لنه شريعة ربنا سبحانه
والعدل يا رجّال ساس أركانه
والنفس لو حاولت ما ترضيها

ثامن وصية قم بنصح أولادك
فسادهم يرتاح له حسادك
وجّه وربك يستجيب جهادك
والعاطفة فالتربية تنهيها

تاسع وصية لا يغرك خيرك
واحذر بمالك لا تنقص غيرك
أنا ترى يا صاحبي حذيرك
خل الخلايق ربها واليها

عاشر وصية للنساء وصية
كوني لربك طائعة تقية
وفي حقوق الزوج يا أخية
الحشمة أجمل حلية البسيها

الناظم العمري كتب قيفانه
يبغى يشارك بالقصيد اخوانه
متعوّذ بالله من شيطانه
واقوالنا لله نبتغيها

أحب شعري واعتني بحروفه
جزل المعاني في جميع أوصوفه
لهجة لكل المجتمع معروفة
في صيغته بذلت كل جهودي
 

[سد الوادي]

تقول

القلب ما هو بمرتاحي
دامي بحبهم مبلية

جعل ا لرجا جيل للماحي
حطوا بي أمعراض نفسية

عز الله ما فيهم الصاحي
كل واحدٍ فيه جنية

واللي تبي القلب مرتاحي
ما تطري العرس يا بنية

رديت وقلت:ـ

يا جعل برق إلى لاحي
يوم السماء غيمها فيه

يبرق على وجه لتراحي
ذيك العجوز ا لشميطية

يمحي أثرها ونرتاحي
هي كلها أخلاقها سيّة

في وجهها الحقد وضاحي
يا جعلها دوم مشقية

يا جدة العود مضوا حي
نفسك فقط باقية حية

عصر ك مع من مضى ر احي
أكيد ما عاد لك نية

ما عاد من شلتك صاحي
وقتك رحل يا هلالية

من بعد ما سنها طااحي
قامت تسب الر منسية

الشوق ولى و لفر احي
زين إن مثلك بقت حية

أيام ريح النداء فاحي
وأنتي فتاة سنا فيه

واليوم عصر الهواء با حي
قفى زمان ا لز كر تيه

يا طير يا للي لها نا حي
قل للعجوز اصبري أشو يه

الموت يأتيك صبّاحي
أنتي تجاوز تي ا لميّّه

زاح الفرح والكدر ز ا حي
يا الله تصلح لها النية

[سد الوادي]

ياخوك بعض الناس ما عنده احساس
الله يعين أرض عليها تشيلــه

أنشهد إن الناس يا خالد أجناس
فيهم سنافيّ وفيهم هبيـــلــــة

فيهم شجاع سمعته ترفع الرأس
وقت الشدايد ذاك يسوى قبيلة

كنه حفيد الزير سالم وجساس
سيفه على كتفه ذراعه طويــلة

كريم سبلا يذبح الرأس لرأس
ماهو عن الضيفان نفسه بخيــلة

نفسه رفيعة ما وضعها للدناس
ولا رماها في دروب الرذيلــــــة

ممشاك ياخي صف هذاك نوماس
درعك سنادك طير شلوا زميلـــه

واما الردي ماله الناس مجلاس
نفسه في المجلس تراها ثقيلــــة

هذاك ما قربه إلا تراء بأس
حتى ولو كانت هروجه جميلـــة

ما توزن أنواع المعادن مع الماس
الماسس مافي السوق ياخي مثيلـــه

الماس له جودة وقيمة ومقياس
وأنا عليه عهد ما أرضى بديلـــــه

للمر كأس وللحلا يافتى كأس
والعقل عندك عده أكبر دليلــــــه

فكر وميّز بين طيب وبلاس
واحذر ضعيف النفس لا تنتمي له

صاحب عريب الأصل وابحث عن الساس
تراء الأصالة مثلما هي أصيلــــــة

ابحث عن الطيب تراء العرق دساس
وابعد عن الفاشل عسى الله يزيلـــه

لا يخدعك من له جنود وحراس
ترى الخدم والمال ياخي وسيلــــة

[سد الوادي]

أنا أبدا بذكر الله المستعاني رقم القصيدة ( )

أنا أبدا بذكر الله المستعاني
إله بفضله جمعت المعاني
ورتبتها يوم ديني دعاني
ومن يذكرالله ترى البيض فاله

إله جميع الملا يرتجونه
يخافون بطشه يسألون عونه
وفي كل حاجا تهم يطلبونه
ولا خاب عبدٍ رجاه ا و شكاله

فله رافعين أكف الضراعة
وله خاشعين بذل وطاعة
وله ذاكرين على كل ساعة
إلهي كريمٍ عظيمٍ جلاله

فسبحانه المطلع بالسراير
إله رزق كل عبدٍ وطائر
لمن تاب يغفر جميع الكبائر
جعل جنة الخلد طيب النزاله

ومن بعد ذا هاك من بعض قافي
فهذا الزمن شفت فيه اختلافي
فيا كل حرٌ لبيبٍ سنا في
تعلّم تراها تضُر الجهالة

ترى العلم نور النفوس التقية
وذا الجهل قاد النفوس الشقية
إلى الهاوية يا لها من رزية
وكل حسابه على ما سعى له

فيوم القيامة تبين الحقائق
وتظهر سجلاتنا والوثائق
حسينا تها تنكشف والبوائق
فيا كل عاصي تجهز لحاله

فهذا كتابه خذاه بيمينه
على صدقه اللي مضى في سنينه
وهذا ك قصّر تهاون بدينه
ينال الجزاء والكتاب بشماله

ويا كل عاقل ترى العمر مرة
ولا عاد يمديك تعديل شره
ترى الحر يبحث لشيء يسره
وعمرك إذا راح ما جاء بداله

تفكرت فيما مضى من سنيني
ولا من ذكرته يزيد الونيني
وعز الله إني مثيل السجيني
وذا مثلي الله يلطف بحاله

وشفت إن مالي يكون العبادة
وزين العمل هو طريق السعادة
عسى الله يختم لنا بالشهادة
فلا بد لشخص يحظر زواله

تذكرت عمري وما قد مضى لي
ويوم إني أمسي بقبري لحالي
وكل العمل يتضح لي قبالي
وذاك الملَك يوم يبدي سؤاله

تذكرت عمرٍ قضيته بغفله
هو راح يا خوي جده وهزله
ولا عاد يرجع دقيقه وجله
خلاص انتهى الأمر قصرت حباله

وتأتي ذنوبي عليه تراكم
ويا كم تماديت بالذنب يا كم
وفي ذلك الوقت صامت وباكم
ونا كنت عن كل ما ريت داله

تذكرت يوم أني أبات وحدي
ولا فيه غير العمل هو و لحد ي
وتظهر لي أعمال قلبي ويدي
حرامه عذاب حساب حلا له

فلابد لي من حضور المنية
إذا غابت الصبح جات العشية
ولا عاد يمكن كتاب الوصية
جميع العمل ينكشف با اكتماله

فيا كل شاعر نظمت القصايد
تخير من الشعر زين الفوائد
ترى الشعر صيد وراعيه صائد
فلا تقنص إلا من أعلى جزالة

فهذي هي أبيات مني وصيه
إلى كل شهم ونفسه زكية
ولك مني أجمل وأكمل تحية
ولاهي مجرد كتابة رسالة

تحافظ على الفرض لا حل حينه
ولا تحمل الحقد هو والضغينة
ترى النفس باللي عملته رهينة
ترى كل شيء فعلته تناله

ولا تندرج في طريق الضلالي
تراني حذ يرك تمعن مقالي
تراها دمار تهين ا لرجالي
ومن طب فيها خسر ما مضى له

ولا تغضب الوالدين احترمهم
فلا خير فيمن يقلل قيّمهم
ويا حظ منهو ينفذ طلبهم
ينال الجزاء عاجل في عياله

ولا تشهد الزور مهما تكَلف
فهذا هو أصل الجهل والتخلف
فدين الله أعطاك شيء مشرف
هو الحق والزور والظلم شاله

وحذراك لا تتجه بالنميمة
تراها لمن يرتكبها جريمة
ولا تنتهجها نفوس حشيمة
فلا طبها غير ناس حثالة

ويا كل جار تهاون بجاره
ترى حق جارك تزود وقاره
وعينك فلا تنطلق صوب عاره
تراها صفات الردى والفسالة

وأنا بانشد اللي عن الحق ساهي
إلى كم وتبقى بعيد ولاهي
تجنب دروب الخطر والمناهي
أنا أحذرك من دروب الرذالة

ولا تتجه في طريق المخدر
ترى شرع ربي عن الشر حذّر
فلا تأخذ اللي لعقلك يغير
إذا ما حصل ما يغيّر دلاله

وحذراك تبدي بسدك لشامت
ولو كان عن سد شرواك صامت
فلا بد ما ينشره لو تمادت
عليه الليالي ولو في عياله

صحيح إن راع الضرر ما يباتي
يعاني من ا لبهذلة والشتاتي
وانا شفتها يا عرب في حياتي
حزينٍ عجز عن سبب ما جراله

يفكر لوحده ولا له وسيلة
حزينٍ نهاره وسهران ليله
ولا عاد في اليد يا ناس حيله
تكدر مزاجه وزاد انشغاله

أناشفت في الناس ياخي عجايب
وأنا صرت من هول ما ريت شايب
في القلب شبت سعير اللهايب
وأنا أشكي على من رحم من لجاله

ففيهم خبيث الطبايع تعافه
إذا شفت زوله تقل يا حسافة
فقربك لمثله يسبب كلا فه
وبعده يزيد الجمالة جمالة

إذا كنت في حاجته ما يسرك
ولو ما تحر صّت منّه يضرك
ولا يفرح إلا لضيمك وشرك
عديم المروءة خباثٍ فعاله

فلاهو ب كفوا نهار الشدايد
ولا هو في الوزن ياخوك زايد
وممشاك في صف مثله نقا يد
ردي الطبائع قصيرة حباله

تشوفه يروج حشيش ومسكر
وتلقاه في كل عار ومنكر
ولاهو من اللي بربه يفكر
رمته الشياطين في خس حاله

فهذاك تكفى تجنب دروبه
وقل توبة من مسايره توبة
خبيث النوايا طفش منه ثوبه
وخله ويكفيك ربي قتاله

وفيهم لطيف لبيب تحبه
محياه يكشف لك أسرار قلبه
فلا فيه عذر لشخص يسبه
تجمع صفات ا لشبب و ا لشكا له

صدوق وصادق وعلمه وكادي
ولا هو ب ذا يشغلك با لعنادي
فهذاك سيفك نهار ألشدادي
رفيق السعد يبسط اللي لفاله

كريم إذا جاه ضيفه تسللا
ولا هو عن الموجبات يتخلى
ضياء نور وجهه تشوفه تجلا
عطاه الله الوسع يا خي بباله

دوام حريص ويحفظ صلاته
ومن ينصحه يستمع من وصاته
عساها دوام سعادة حياته
عفيف جعل شيمته رأس ماله

فذاحسْب فهمي لوصف الرجالي
ولا ني بذم الر جاجيل سالي
ولكن ذا مقصدي واحتمالي
وكل حسب ظنه أعطى مقاله

وبعض النساء كبها من حليلة
تراء زوجها غاضب كل ليلة
وهي ما تحاول تهدي غليله
ولكنها شغلته وانشغاله

فهي دائم في جدلها عنيدة
ولازم يحظر لها ما تريده
ولوما حظر حطته في مكيدة
وحصل من الكيد شر النكاله

فهذي لك الله لو هي هدية
فلا هي لراع السعادة خوية
ولاهي سندفي الظروف الشقية
ولا انصح بها ذا يريد ا لجمالة

ومن بعد ما تم هذا فهيا
بنا لين نا صل حدود الثريا
وننظر لمن هو بسيفه تهيا
يبي طعن هذا الوطن وانتشاله

سفيه يفجر يبي هدم دوله
وهذي لك الله ما هي بطوله
تراهامن أرذل صفات الرجولة
ولا خير فيمن مشى بالنذالة

فعا يلهم أفكار ناس حقيرة
وصاروا في الشعب نقطة خطيرة
مشوا في طريقه بليا بصيرة
وهم خالفوا عن طريق العدالة

فهذي بلادٍك وربي حفظها
وقمت أنت تبغا تشتت بعضها
وبالكيد يا خيبتك تعترضها
تمعن وفكر وش اللي تناله

فهيا بنا نستمع للكوارث
فهذي حروبٍ وهذي حوادث
وتلقى المصايب بلاها توارث
إذا راح جرح خلف له بداله

توالت علينا عيون الأعادي
وصرنا نراها بعين الو كادي
ضحايا الكوارث علينا تنادي
تقول أنقذوا دينكم يا رجاله

حروب هدفها دمار العقيدة
تجر ت عليها نفوس حقيدة
تهاجم على الدين تبغا تكيده
وتبغى تبيده وتقطع وصاله

فيا رب سلط عليهم عذابك
ويا رب شدد عليهم عقابك
فهم حاربوا من يعلم كتابك
وهم ينشرون الوبا والرذالة

فشعب العراق انتهى من كيانه
وكله سبب من مشى بالخيانة
عديم الشهامة ضعيف الديانة
تركها تسوقه جنود العمالة

مواطن فلسطين زاد اضطهاده
جنود العدو تطرده من بلاده
نشوف العدو زائد في عناده
وظلم العدو ما يطاق احتماله

سبب ماحصل من جميع البلايا
ذنوب عِِِِظام وجملة خطايا
وربك عليم بكل النوايا
علم سر عبده ويعلم مآله

فيا كم ويا كم ذنوبٍ جنينا
ويا كم لعبنا ويا كم عصينا
ويا ليتنا يا لبيب انتهينا
وتبنا إلى الله لفظ ا لجلا له

فحن ما علمنا لماذا خُلقنا
ولا حن شكرنا كريم رزقنا
ولا حن بذكره حقيقي نطقنا
فهو ملتجى كل منهو دعا له

نشوف المعاصي دهت مجتمعنا
ونمشي وكنا بها ما سمعنا
ولكننا حولها ما اجتمعنا
قلوب على الذنب تسعى بتاله

فهذاك يسكر وهذا يهرب
وهذا يفجر وهذا يخرب
وهذا لتشويه دينه يسبب
بفكره وحقده فيا خيبتا له

ويا كم بلاد دهتها المصائب
بفعل المعاصي تذوق النكائب
ففعل المعاصي لهذا سبائب
تسبب دمار البلد والبطالة

وربي نهانا بمحكم كتابه
عن الجور والظلم وعلن عذابه
لمن يرتكبها جهنم عقابه
فسبحان رب البشر حيث قاله

فيامسلمين اسمعوا ذا النصيحة
تراها دواء للقلوب الجريحة
وترك العدو يلتهمنا فيضحة
ولا هو ب حق شرفنا يناله

فلا بد نمسك بحبل الشريعة
ونترك سلوك الجفاء و ا لقطيعه
رسول الهدى لازمن إنانطيعه
نبيٍّ الهدى بلغ أكمل رسال

فهذي هي الرحم تشكي القطيعة
فيا كل عاقل ونفسه رفيعه
ترى قطعها حرمته الشريعة
إلهي جعل وصلها من وصاله

وهذي هي الحكمة اللقفصية
جعلت اسمها الوردة النرجسية
تهيضتها جانب العاذرية
تعدا صداها ضواحي تباله

ففيها فوائد لمن كان عاقل
وفيها نصائح إلى كل غافل
وتوجيه وافي لمن كان جاهل
يخلي دروب الردى والجهالة

فهي كالذهب عند منهو يعده
تهيضتها من صميم المودة
تعابير شاعر كتبها بشدة
ويعطي مصاريفها من رياله

وفي منتهى حكمتي والكلامي
صلاتي على المصطفى والسلامي
شفيع أمته في نهارا لزحا مي
عددنبت نجد العريض أو رماله

[سد الوادي]

قالوا علاج الضغط في راحة البال
والبعد عن شي يسمونه أملاح

واحذر شحوم الضأن يانسل لبطال
وتشوف بعد اسبوع بالحيل ترتاح

وابعد عن التفكير يتحسن الحال
والحُب خله كان به ضامرك طاح

واحذر تخلي للهواجيس منوال
ياصاحبي سيف الهواجيس ذباح

ابعد عن الشعبي ولو قال من قال
تراء علاج الضغط رقية وجراح

اللي يقول ان الدواء عنددجال
لا تأخذ الوصفة بدون أية أيضاح

أيامنا فيها غرابيل واهوال
يابن الكثيري سد من يشتكي باح

اصبر ولو كان البلا يافتى طال
والصبر بعده قاسي الهم ينزاح

مسيرها تتغير أحوال بحوال
والبهذ لة تصبح زغاريد وافراح

هذي نصيحة من تمثل بلقوال
يبغاك تتهنا بدنياك ياصاح
 

[سد الوادي]

نهار الثلاثاء ثاني أسبوع من شوال
لا زلت أ ذكر التاريخ باليوم والساعة

وصلني كتاب يا عرب يشبه الزلزال
بدمعة فتاة ذاقت المر با أنواعه

بكت واشتكت من ظلم ناس عليها طال
وصاحت وقالت وينكم يا هل الطاعة

أنا عايشه في مجتمع كل أبوه أنذال
عليّه يشيلون المشاعيب فزاعة

ولا لي صديق غير منهو وسيع البال
فهو ذا حقيقة يفهم القصد وأوضاعه

بليت ابعشير هِمته بس رح وتعال
فهو ما يقدر صاحبٍ زادت أوجاعه

ثلاثة عشر عام وأنا في عنا ذا الحال
ولا عدلت وضعي مع زوجي أطباعه

فلوماني أخشى يا جماعة على الأطفال
لخليّه ما ني فيه يا ناس طمّاعة

ويغنيني اللي عالمٍ دمعي الهمّال
ولو عشت في برً تطاردني إسباعة

لي أفضل ولا ابقى في مذلة وقيل وقال
وهم ٍ وغم يجعل النفس ملتاعة

فلو كل من له حيلة يا عرب يحتال
مزجت الحلى بالمر ثم أطوي إشراعه

ولكني أخشى تكتمل فرحة العذال
وتصبح علومي بين لنذال منشاعة

تراء الصبر حده ما بقي منه لي مثقال
فيا غبن من يشري ويا سعْد من باعه

فقلت اصبري وتحملي تختفي لهوال
ترى الصبر بعد الصبر للهم قطأعة

تعقبين يالدنيا بلاويك متنشال
فتاة حزينة ضمها الهم باأضلاعه

وتكفون يا لجواد تكفون يالبطال
ترى مثل هذي وقفة صفها طاعة

تطالب بحالتها سعيدة بليا مال
ولا هي لشيء فاتها تطلب إرجاعه

ولو هي شكت ما صابها هزت العُقّْال
ولو كان في قمة جبل يا عرب زاعه

فهذي هي القصة حقيقي ما هي تمثال
بغيت أنشر الموضوع واحقق إبداعه

[سد الوادي]

أنا أبخص بحالي

لا تعتذر عني وأنا أبخص بحالي
الحر يفهم وش هدف عذر غيره

أنا ترى عقلي بعز الكمالي
أشير راع الشور قبل استشيره

تحسبني أفدغ يا ضعيف الخصالي
الحر يا مهبول خصمه ضميره

لا يخدعك ضحكي وطرح السؤالي
ترى مواصيل ابن لقفص عسيرة

شكلك جويهل في صفات الرجالي
وشكل المعاني فيك لسا صغيرة

غرك جماهير بصوتك تلالي
وأنا أعرفك تمشي بنفس حقيرة

والمشكلة تظهر بثوب الجمالي
غطاك ثوبك يا خبيث السريرة

والله لو تظهر خباث الفعالي
فيما اعتقد ما يعترف بك عشيرة

لا لا تقول إنك كريم السبالي
وأنا أعرف الجمال واعرف بعيره

أنا أعرف إنك ما تساوي ريالي
فعائلك خلت يدينك قصيرة

مثلك ورب البيت قتله حلالي
يا من رمى معروف غيره ببيره

تخسى وتقطع يا كذوب المقالي
يا من تردى في جمايل عشيره

يدري بك العربان شرق وشمالي
صارت علومك عار في كل ديرة

خلاص عن لجواد شد الرحالي
وابعد ولا تبقى في أرض الجزيرة

خائن ولا لك في وطنا مجالي
شرواك تصلح فالبلاد الشريرة

واقطع عن أوطان الوفاء لتصالي
واقلع وجعلك ما تشوف الستيرة

فرقاك عن هذا الوطن راس مالي
ومصاحبة شرواك عيب و عيرة

[سد الوادي]

يا الله يامن له صلاتي وصومي
يا واحد بامره تزول الغمومي
تشفي مريض عاجزن لا يقومي
زاد البلا به الله إنك تعينه

جيته وانا ماكنت أفكره طايح
حتى لقيت الوضع كله جرايح
والناس عنده بين صايح ونايح
واللي تماسك غرق الدمع عينه

سألت دكتوره وش اللي جراله
قال الحقيقة يعلم الله حاله
إما فحوصاته فوا عزتا له
المشكلة في وسط كبده مكينة

أمره صعيب يا محمد علاجه
والناس ما يمكن يسوون حاجة
لن المرض متمكن في سياجه
واللي مريض بس تسمع ونينه

وقفت من هول الخبر في مكاني
والدمع من عيني بسرعة غشاني
والصمت خيم بي وسكت لساني
من حالته يا ناس روحي حزينة

قلت الكلام اللي سمعته حقيقة
بالله يا عربان ويش الطريقة
قلبي توالت به هموم وضيقة
واللي يعرفون السبب عاذرينه

تكفون ماتدرون وش كان عمي
قد كان لا جا مجلس جال همي
والله لو أدري ينفعه كل دمي
لفزع بروحي واعتبرها ثمينه

هذاك ما كل الرجاجيل زية
كانت علومه بين ربعه وفيّه
فيه الكرم والطيب والمرجليه
والناس غيري كلهم خابرينه

كانت صفاته عالية يا جماعة
كان الوفاء والمرجله والشجاعة
والله سبحانه عطاه القناعة
من قبل هذا كان قايم بدينه

كانت سواليفه تزين المجالس
واللي جلس في مجلس العم يأنس
إنسان في جبر الخواطر ممارس
ماهو مثيل اللي يشيل الضغينة

أعجز لو أبغا أكتب بقايا صفاته
لنه كسب حب البشر في حياته
ماظنتي غيره يواكب سواته
راع الوافا تشهد لفعله سنينه

ما واحد ياخي شكا من خصامه
كانت طباعه بين ربعه علامة
يا الله يا مولاه ترفع مقامه
واشفه فلا غيرك قدير يعينه

ياللي قريت النص تكفى تساهم
في دعوة للي به الضيم داهم
واقول واطلب كل عاقل وفاهم
يرفع لربي يا جاعه يدينه

[سد الوادي]

يقول الذي هذاالزمان أضحكه وأبكاه
تمثل بقيفان جزال معانيها

فهذي ليالينا لها كل حين جاه
وعز الله إنا ما عر فنا مغازيها

فياكم وياكم غيرنا قال يا ويلاه
تسوقه ظروفه ماعرف سر تاليها

فهذا مريض ماحدن عارف بلواه
جفاه الكراء والروح ذاقت بلاويها

شكا واشتكى والناس ماحققوا شكواه
حياته بدا يكره طوال البقى فيها

لقاني وهو متعومس الحال في ممشاه
عيونه تشوف الموت ياخي مخاويها

سألته وش العلة وماهو سبب دعواه
وجابت دموعٍ في خدوده مواريها

مسك يّدي اليمنى وقال الحقيقة هاه
بلاية خطير و علتي مقدر أبديها

ومن زود حزني طاح دمعي على مخباه
وحزة نظر في دمعتي قام يرثيها

نظر في دموعي قال ياناس ذا وش جاه
جروحي تعذبني وهو ليش يبكيها

أنا جيت لجل أرقيه واذكره بالله
وابيّن له إن الناس هذي مماشيها

ومن عهد بونا آدم وهذا العمر وأتلاه
مصير الفتى دنياه لازم يخليها

نظر لي وسلهم قال ذا شيء ما ننساه
وهذي حياتي مرها بعد حاليها

أخيرا توادع قال لي في أمان الله
عسى أرواحنا في جنةٍ بذن واليها
 

[سد الوادي]

يا رب تحفظ من عرفناه بالطيب
جانا بطيبه ثم غادر بطيبه

الصاحب اللي ما بشخصه عذاريب
جعل السعادة دايم من نصيبة

نفسه عزيزه في جميع المواجيب
مثله حشا لله ما نلتقي به

هذاك مثل الريم فوق المراقيب
يصعب على القناص ياخي يصيبه

غادر وماله علم عن خافي الغيب
مستلسم لله والله حسيبه

كنه قطع قلبي من أقصى المحاديب
نهار جاب اجازته وسط جيبه

دمّه خفيف لو حملناه في الجيب
ماهو مغفل مجلسه نبتلي به

المشكلة ماعاد حتى مكاتيب
بيني وبينه والمسافة قريبة

لو مر قمنا له بكل التراحيب
وارز رايات الفرح واحتفي به

ياشيب رأسي لا تذكرت ياشيب
فرقاه طبعا في حياتي صعيبة

لو يستمع لي قلت خذ رأي تجريب
والغ القرار اللي صدر وش تبي به

واصل على صبرك وجِدّ المطاليب
عل المورد مطلبك يعتني به

جعل المشرَّف بالوجع والواهيب
اللي رفض مطلوب سيدي يجيبه

لولا الحيا لا هاجمة بالمشاعيب
واسير عن راع القضية طليبة

العذر كانك شفت فيني معاييب
استر خلل مغليك لا بان عيبه

ياالله فمان الله ياغلى لصاحيب
متى على الله حضرتك نلتقي به

[سد الوادي]

الدنيا بلاوي
يا محمد ترا الدنيا بلاوي
كم عليها من العالم جريح

جرحها لا وقع ماله مداوي
كم جريح من أوجاعه يصيح

كم صويب مثيل الذيب عاوي
في سراديبها يسبح سبيح
صابر والحشى يشويه شاوي
والقصائد عن أحواله تبيح

لو شكاها على الصيد الخلاوي
كان خاواه بالطرق المليح

والمخاليق ما هم بالتساوي
فرق بين الشقي والمستريح

والزمن عاش به هاوي وغاوي
قلتها لك على الوجه الصحيح

والله أعلم بحظك ويش ناوي
هو نوا نهظته والا شحيح

والذي للتعب ما هوب قاوي
حيلته لا ضعف عزمه يطيح

لو رفع للمخاليق الشكاوي
ما يفيدوه لو دمه يسيح

ينتظر فزعة الحر الندا وي
الذي جلسته هبات ريح

ما رقب في مقاييس العطاوي
فزعته للنشاما ما تبيح

سرعته كنها برق سماوي
ما توقف عن الدرب الفليح

في ختام المعاني والحكاوي
منك يا صاحب الفضل استبيح

[سد الوادي]

رسالة إلى الشاعر الكبير / رشيد الزلامي

ابتدي بسم عالم خافيات الصــدور
العزيز الكريم المستعان الوكيــــــل

واحدٍ نرتجي رحمته يوم النشـــور
جل شأنه عظيم الشأن ذخر الدخيـل

بعد ها يا هجوسي عززي بالظهـــور
وانخي الشاعر اللي مال شخصه بديـل

أكتب أبيات ما فيها شكـــــــــــــــوك وزور
وأرسل أجمل حكمها للعريب الأصيــــــــــل

وابعث أجمل سلامي للعزيز الوقــــــــــــور
شاعر له في الجزلات باع طويــــــــــــــــل

شاعر ما يغوص إلا بعمق البحــــــــــــــور
في فنون المعاني يصنع المستحيـــــــــــــل

هو رشيد الزلامي هو طويل الشـبــــــــــور
هو زعيم القوافي هو لغيره دليــــــــــــــــل

هاض فكري وقامت تستهيـض الشعــــــور
والقصائد بدت تظهر بشكل جميـــــــــــــــل

حين قلت انهضي واستبشـرت بالحضــــور
عرفت إن الهدف منها لشخص جليـــــــــل

جاوبتني بسرعة واعلنت بالســــــــــــرور
واقبلت مثل عذرا من دلعها تميـــــــــــــــل

قالت آمر و تلقى من يشيد القصـــــــــــور
خادمينك ومن يقصر نعده هزيـــــــــــــــــل

لو تبينا على شأنك نشق الصخـــــــــــــور
والزلامي ثنانا في حقوقه قـليــــــــــــــــــل

قلت لا بس هات اللي بريح العطـــــــــــور
لن سمعة رشيد الشهم تشبه سهيـــــــــــل

تعجز القافيات ولا تطول السطـــــــــــــور
في ثناء شاعر ماله بنهجه مثيــــــــــــــــل

يا رشيد أعتبر نفسي بمدحك فخـــــــــــور
عذب قافي بمدحك يشبه السلسبيـــــــــــــل

يا رشيد أبغي أخذ منك يا شيخ شـــــــــور
في زميل إذا عدلت وضعه يميـــــــــــــــــل

أنت لك فالتجارب يالزلامي مــــــــــــــرور
من سنين الكويت وعبر ذاك الرعيــــــــــل

المطوع بدأ يأتيه يعض الفتـــــــــــــــــور
عقب ذاك الحماس اليوم حيله ثقيــــــــــــل

رغم ما قد قرينا عن قديم العصــــــــــــور
مثل حسان بن ثابت وعلمي يطـيـــــــــــــل

ودي أعرف علومك يا شبيه النمــــــــــور
وانتظر ردك اللي فيه طب العليــــــــــــــــل

هل لنظم القوافي يا بن لجـــــــــــــواد دور
في هبوط النوافل ذاك هات الدليــــــــــــــل

صار حسي قصيد وصار شعري جســـــور
والسلالم تودي للكلام الجزيـــــــــــــــــــــل

ابن لقفص لشورك يالزلامي يــــــــــــدور
جاك قافه مصمم يا لحكيم النبيـــــــــــــــــل

ون حصل في كلامي يالزلامي قصــــــــور
استر العيب واخفه بين يوم وليـــــــــــــــل

ثم صلوا عدد من للمشاعر يـــــــــــــــزور
عالنبي الذي نتبعه جيل وجيــــــــــــــــــــل
 

[سد الوادي]

القلب عيا
وشلون يا لغالي قطعت اتصالك
ما كان ظني فيك يا بعد حالي
القلب عيا لا يوا لف بدالك
أنت الوحيد اللي على القلب غالي
أبغاء أسمعك وأقول لك كيف حالك
ثم أخبرك عن كل ما قد جرا لي
قد كنت تحسب وصلنا رأس مالك
واليوم فكرك ذاك جاه انحلالي
يا ليتنا ندري وش اللي طرا لك
يا صاحبي من بعد ذاك الو صالي
حدد مصيرك طيب الله فالك
واترك كلام الناس يا بن ا لحلالي
إن كان غيري جاك عني حكا لك
فعلم ترى اللي جاء حكا لك حكا لي
ون كان جوك يا لغلا ما صفا لك
أنا أعذرك وألوم سود الليالي
وأقول لك مادام ذكري ببالك
خذ راحتك واحذر يطول ا لمطا لي
باصبر ولو لجلك لقيت المهالك
ون ضاق صدري قلت خلك شمالي
وأعيش في ذكراك وارقب وصالك
وارسم بقايا صورتك في خيالي
واحفظك في شريان دمي لحالك
وأقول هذا يا زمن رأس مالي

[سد الوادي]

ضاق بالي

يا سعد وش هو علاج القلب لا زاد انشغاله
هات حل(ن) كافي يشفي فؤادي من لهيبه
ضاق بالي من هموم الوقت والتفكير شاله
والدواء موجود والدكتور عيا لا يجيبه
من سمع ونات قلبي يا بعد عمري رثا له
كيف لا واللي كواه وعذبه صدة حبيبه
الوليف اللي تنكر بعد ما خله صفا له
غير أسلوبه وخان عهودنا ربي حسيبه
صد عن عيني وعيني ما تبي شخص بداله
وأنتهى عن عالمي واصبحت عقبه في غليبة
تدري إن الوضع متعب والعناء طالت حباله
والبلاء لو تشرحه للناس حطوا لك مصيبة
والمعنى لو شكى معذور مما قد جرا له
هذي أحوال الزمن يا خوي والدنيا عجيبة
ساعد المجروح واللي ساعده يكسب جمالة
وأعطه الحل الذي يجعل له آمال قريبة
ون رفضت وقلت هذا يا بشر مالي وماله
فعتبر ظني بمثلك صار خسران وخيبة
خل جرحه وسط جوفه لو بكا مما بحاله
كان ما عندك علاجه يا سعد لا تزدري به
وانتبه تبدي بسره للملا واستر مقاله
حاول إنك تجغله في وسط بير ما دري به
والمعين الله رب ما ندم من هو شكا له
الكريم الوالي اللي عالم قلبي وغيبه

[سد الوادي]

العشير الوفي
العشير اللي يفاديك ويحافظ عليك
إن زعلت أرضاك ون جعت هرجه يشبعك
لو تباطأ جيّتك ما أهتنى حتى يجيك
لو يشوفك في نحور المعادي يتبعك
صادق في عشرته دون ذاك ودون ذيك
مكسبه في دنيته كلها يبقى معك
ما معك في داخله للغلاء غيرك شريك
أنت وحدك في فؤاده مد يم مضجعك
طول وقته لا وعدته بوصلك يحتريك
والبلاء والموت يأتيه حين يودعك
الوفاء طبعه وبأكمل حياته يشتريك
في سبيل الحب واللود وده ينفعك
ما تسمّع كل من هو بحقده قال فيك
لو عطوه اموال كل البشر ما يخدعك
مثل هذا ما سبق حبه إلا والديك
وأنت معذور ولو قلت هذا مطمعك
انتبه تخرب غلاته وتدمرها يديك
دامته في كل شي تريده يسمعك
اكسبه واحرص على صحبته دامه يبيك
وانتبه ممن هرج بالخفاء لا يقنعك
ون حكا لك واحد قال هذا يزدريك
قله الله يا عديم المروة يقلعك
العشير الكفو من عاشرة يصبح مليك
و العشير ا للاش مهما خدمته يوجعك

[سد الوادي]

بدع الشاعر / مبارك العرجاني
الا ياهجوس الشعر دكي علي بشويـــــش
وداوي جريح زاد همه وغربــــــــــاله
صبرنا مع العالم وزدنا الصبر تطنــيـــش
وجريح الزمن عيّا دواه يتهيالـــــــــــه
أبي سكبة أبيات ن تعجّز هل التحشـــيش
تسلط على المشتاق وتهيض الدالــــــه
تنقّض جروح اللي زمانه نقش تنقيـــــش
مقاس العباير نبرة الصوت بحبالـــــــه
ليامن ذكر وقت مضى له بعصر الطــيش
تقول ان همومه جات تستأق بقبالـــــه
تحسّب علي وقال وش لك على التنــبيش
وقام إيتعبّر ويتوجد على حالـــــــــــــه
ذكر مامضى يومه كسى للجناح الريـــش
ولا يعجزه شئ وماطاب له نالـــــــــــه
ملي جهل لأقصاد شغله على التكييــــــش
توقع يموت وماسمع قول عزا لــــــــه
كريم ن شجاع والطناخه لها تعشيـــــــش
غني بلاه الله بالفقر في مالـــــــــــــــه
وتعرّف على ناس لها درس بالتلطيـــــش
أدق الوصوف لها ليا قيل محتالــــــــه
وذأ اليوم ياعزّاه ويادوب بس يعيــــــــش
زمان خذا النقوه وبقى له احثالـــــــــه
وحتى صغار القوم بدوا له التهمــــــــيش
يدوج على اقدامه ولا فيه من شالـــــه
عقب تجرته ودّاه حظه على التقريــــــش
لو انه توفى كان من حاله اشوا لــــــه
وأبيها تسوي مثل مايعمل البخشيــــــــش
تعرّف بي ويسبقني الذكر بأثقالـــــــــه
وأبيها ليا مرت على الخامدين تشــــــيش
وكل حذف غترته وأيديه فـ أعقالــــــه
ومن طيبها غنى بها راعي في بيــــــــش
ضعيف حدر واديه والزمل يبرى لــــه
وإلا ياهجوسي وأصبري جعلني ماابكيش
عليش الصبر وتافه الشعر في زبالــه


رد الشاعر / محمد بن لقفص
هلا بك عدد من هو تقدا بنسل قريــــــــش
وعدد من مشى في نجد صحراه ورماله
أنا يا مبارك للقصيد انسجم وأهيـــــــــــش
ويعجبني الطاروق نصه ومــوالـــــــــــه
ومن زود وجدك زاد وجدي وعفت العيش
ومثلي حنين الوجد يا خوك يحلا لـــــــه
ويا ما قضينا يا مبارك بصف الجــــــــيش
وسرنا مع العربان رجلي وخيـالــــــــــة
ويا كم لقينا من هدو(ن) ومن تشويـــــش
وذقنا التعب يا أخي على جملة أشكالــه
وفتش سجلي يا عريب النسب تفتيــــــش
وتلقى براهين ابن لقفص وما قالــــــــه
وألا يا مبارك كل هالوجد قلي ليــــــــــش
وأنا أقول لك عن سر وجدي وعن حاله
طرا لي سنين عودتني على ا لتـــــغبيش
وخلت هيوض القلب ياخوك شغالـــــــة
وذكرى مضت بالفكر عفشتها تعفيــــش
وخليتها تبقى مع الوقت تمثالــــــــــــــة
وخربت لعبتها وقفلتها بالشيــــــــــــــش
وقررت ترك الوجد يا خوي وأهوالــــه
وصرت أتقلب بين جو السعد وأشــــيش
ودرب الشقاء خليت شأنه لعمالــــــــــه
وسويت مثل اللي فعل ساري ابن معبش
تركها وهي تطرد لذكره وتسعى لــــــه
وصبرك على هم الزمن ينعشك تنعيـش
وحاول تحكم باب لحزان باقفالــــــــــه
وكانك تبي شوري وتسمع بلا تبليــــش
تجاهل خطأ غيرك ولا تفعل أفعالــــــه
وخلك من اللي همه الشتم والتحريـــش
ترى اللاش يالعجمي تعبنا من أعماله

[سد الوادي]

ألملم حروفي
أركت عليّ الظروف وضاقت أخلاقي
وأعيش في حال يا مشكاي يرثا له
إ يو الله اني على ذاك العهد باقي
الوجد نفسه ونفس الحالة الحالة
ما غير ألملم حروفي واجمع أوراقي
كني صويب علاجه ما تهياله
لا نيب عاشق ولا لغيد مشتاقي
حالي عجزت أفهمه وافسر أهواله
تاهت شعوري وهمي يسكن أعماقي
كم لي مخاويه في حله وترحاله
ابغا فراقه ولاهو راضي افراقي
عايش معه في تعاساته وغرباله
حير طبيبي وحير رقية الراقي
مرت سنة له وهو في نفس مواله
يا حسرتي كان همي ناوي احراقي
يا أخي علي خوك همه مشعل باله
تكفى وأنا أخوك كن للخير سباقي
وقفتك في جانبي يا خوي فعالة
يسرح بي الهاجس اللي حول لافاقي
واسج ما بين مسراحه ومقياله
حتى لذيذ الكرا للعين ما لاقي
واللي مثيلي طعامه كيف يهناله
قالوا نظام العمل سبب لي اضياقي
واقول يا ناس همي مبطي حاله
يا الله يا عالم ليلي ومشراقي
يا خالق الخلق يا للي ما أشكي إلا له
تجعل لعبدك من أسر الهم لطلاقي
ولا مات تجعل في الفردوس منز اله

[سد الوادي]

ابتهال
رجيت الذي من يرتجي فيه ما يندم
إله له أدعي وابتهل وأرفع يديه
سميع بصير بالذي نكتمه يعلم
عليه أتوكل واعتمد واعقد والنية
له أركع له أسجد طائع له ومستسلم
بكل الخضوع أصرف جميع العبودية
فلا لي سواه ألوذ وأعوذ وأسلم
عليه أتوكل في رواحي وفالجية
له أشكي هموم بالحشى سمها خيم
وزادت جروح بي من العام مخفية
بوسط الضحى والجو في ناظري غيم
كأني أسير للجيوش الصليبية
بلتني ظروفي والمخا ليق ما ترحم
وخلت بقلبي كية فوقها كية
وذاك السرور أقفا ونور الطريق أظلم
عليها الله أكبر دنيتي وش عبت فيه
سبب علتي من كان فيه أعتزي وازهم
رماني بنار(ن) خلت النفس معمية
ترك منهجي واقفا مع الفاسد المجرم
وركز برمحه وأوقعه بين عينيه
وجاب الكفن فالحال من نوعه المبرم
دفني وروحي بعد بين البشر حية
نفوس عليها داعي الشر يتحكم
ومأمورة صارت بحكمه ومنهية
لو أطيع نفسي في رفيق الندم لقدم
على شي محدن قبل فعلي فعل زيه
واخلي رفيق العز في صحبتي يكرم
وراع الرداء يتبع نفوس(ن) يهودية
خذ العلم يا سلطان من داخل مهتم
وخل المواجع والمواضيع سرية
على منظر المخلوق يا خوي لا تحكم
ترى الصدر قبر وغاية العبد مغبية
هني الذي في دنيته ما يهمه هم
قضى العمر في عيش رغيدٍ وحرية
ولو مخاف الله وأخشا العدا تشتم
لحدد مصيري بين صبح (ن) وعصرية
ولكن من يؤمن بحكم القدر يحلم
ويكظم جروحه دامت الشمس والفية

[سد الوادي]

الوفاء نبض المحبة
الوفاء نبض المحبة وشريان الثقة
والتساهل فيه عده مصيبة فادحة
والحبيب اللي تحبه وقلبك يعشقه
قبل ما تخسر وداده دخيلك صارحه
قله إن الشخص مهما حلا لي منطقه
واختلف عند الوفا مستحيل اصالحه
ون رفض لا يسمعك قله الله يرزقه
وقله إن اليوم ما هو مثيل البارحة
التهاون بالمواعيد ساس التفرقة
والوفاء بالوعد يبني علاقة ناجحة
والطريق اللي يضايقك حاول تغلقه
واجعل الدنيا بعينك دواما واضحة
في سبيل العطف غصن الوفا لاتحرقه
خلها تشطا ثماره ولو هي مالحة
وصلوا علمي لمن هو بذيك المنطقة
واخبروه إن الصراحة تجارة رابحة
واخبروه إن الوفاء من يريده يلحقه
والفرص ما هي دواما يجدها سانحة
كان طا ع الشور وأخذه وربي وفقه
واخذ من بين الهروج العلو م الصالحة
بشروه إن الليالي بعينه مشرقة
ون ربي ريحه من وجيه كالحة

[سد الوادي]

نقص المال وضعف الصحة
ما يذلك بين ربعك ولا يكسر عصاك
غير نقص المال والا ضعا فة صحتك
صحتك والمال لو طاحت الكل أزدراك
غير هذا يا أبيض الوجه وش في نيتك ؟
إن بلاك الله بفقر تناسوك أقرباك
ون بلاك بضيم ما أحدن درا عن علتك
أنت في عصرن على قد ما تعطي عطاك
مثل ما مد يت تلقى مقابل مدتك
لو تشوف الناس لا رحت وش تحكي وراك
تمدحك لا جيت ون غبت عنها ذمتك
لو حصل منّك خطية تواصوا في خطاك
ون فزعت لهم بسرعة تناسوا فزعتك
قدر ما ضحيت لعيونهم باعوا غلاك
ينكروا عطواك ون طحت شاعوا عثر
الفلوس اللي بجيبك تمثل مستواك
والكثير يقول قرشك يحدد قيمتك
هذي الدنيا وذا سلمها والله يقاك
احمد الله دامها للملا ما حدتك
إن بغيت أعطيك علمٍ وتخبر من وراك
مد يدك للذي ما يخيّب دعوتك
اجتهد في ما يخليك ما ترجي سواك
وابتعد عن حاجة ما توفر شيمتك
عز نفسك واحترس دون هذا دون ذاك
لن بعض الناس لو صحت شوه سمعتك
واجعل التقوى شعارك وواصل في دعاك
وابتهل لله واجعل لوجهه توبتك
في سوا رب المخاليق لا تجعل رجاك
واعلم إن الناس لو ما تفيدك ضرتك

[سد الوادي]

خاطرة بحرية

بو علي لا جاء البحر هاضت أشعاره
كن ميعاده مع الجن عالشاطي
وأنت يا للي تطلبه خافي أسراره
السريرة عندنا عمقها واطي
خلها تبقى وليام دوارة
واترك آلام الزمن حرها ساطي
هذي احواله وذا موجز أخباره
لا ب مجنون ولا هوب متعاطي
شاعر يقضي مع الحس مشواره
عن شفوف النفس وشلون يحتاطي
في بحور القافية تكثر أسفاره
مرة يسرع ومرات متباطي
وابن لقفص لو كشف مقصد أشعاره
الذي ما بين تفريط وإفراطي
صارت العالم من الوضع محتارة
ودها تدري عن الصح والخاطي

دعج النواظر

مرحبا هيل باللي منظقه ما نملــه
يوم شفته تقول انه سهيل اليمانـي
بو رموش على دعج النواظر مضلة
أرتبش داخلي يوم أبيض الخد جانـــــي
والشعر لاسود اللي فوق متنيه فلـه
يشبه الليل لاسود يا عذاب الزمانــــــي
والمقام الذي من شاهده ضاع عقله
لو يشوفه ضعيف الدين صابه جنانـــــي
لا نحيف مخيف ولا سمين تملــه
في صفاته تحدا كل قاصي وداني
ليتني ما دخلت المركز اللي دخل لـه
ليت ربي من الفتنه وشره كفاني
سمع صوتي وكنت أجر لي صوت شلة
أثر سيد العذارى من جواري يرانـي
سجل الصوت في رادي جهازه وشلــه
قال يا هم لالي صوت شاعر رماني
ما تحاشا من العالم ولا راقب أهلـه
بالثـقة خاض ميدان الجميع ونصاني
ثم جاء قال صوتك شل عقلي وتلـــه
لو تكرم تعيده يا حسين المعانـي
قلت مثلي مثيلك يا ترى ما يضلــــه
روح شف لك بدالي يابن لجواد ثانـي
قال غيرك حشا لله ما نلتفت له
أنت وحدك بصوتك عامل بي جنانــي
الحوار استمر وبان جده وهزله
لين صوت المنادي بالمكبر دعانـي
راح عني ودمعه فوق خديه هلـه
ثم قفا ودمعي من دموعه غشانـــي
طش رقمه وشافه عامل ثم شلـه
واعتقد كان بالترقيم شكله هقانــي
بعد يومين لاقيته وهو في محلـه
جالس ينتظر عمه وبعض الخوانـي
دون ماشعر لمحته تحت ذيك المضلة
أثر ريم الفلا في جلسته كان عانـــي
صوتت لي وقالت يا محمد لنا اللــــه
ما تذكرت شخص من قصيدك يعاني
قالت أسمك محمد قلت لا بس مثلـــه
قالت إلا أنت ياللي فيك ضاعت تهانــي
قصة واقعية طالت الليل كله
دارها ياسعد ياخوي سيد الغوانـــي
الغزال الذي في نجد ما شفت مثلــــه
في صفاته تحير يا شقيقي بيانـــــي

[سد الوادي]

عطني غلا

عطني غلا عطني وفاء عطني إحساس
وأعطيك يا لغالي حلالي وروحي
يا سلوة الخاطر ويا معدن المآس
يا غاية المطلوب بلسم جروحي
بوح المشاعر بالمجاريح حساس
والواعي اللي بالمخاليق يوحي
دام الوفاء موجود لا تقطع اليأس
واحذر بسرك للمعادي تبوحي
احذر تقول إن الوفاء وضعه أنحاس
لا زال عندي في تمام الوضوحي
مشاعر الشاعر على حد لمواس
والبوح بالمضمون ما هو شحوحي
حد الوفاء فائق على كل مقياس
وأنا الوفاء طبعي وغاية طموحي
مشيّت فكري في سهولك ولطعاس
وأعاملك حسب العوّج والسموحي
الطيب بين الناس عز (ن) ونوماس
والغدر خلا دم قلبي يفوحي
واللي يحب الخير لا يظلم الناس
لو كان روحه من وفاها تروحي


بعد الغلاء

بعد الغلاء والوفاء والحب والعشرة
طيحت ذيك المراتب يا بعد حالي
الصاحب اللي وفاء لك في جميع أمره
ما كان فعلك معه يطري على البالي
بكرة تندم وتكوي قلبك الحسرة
فيما فعلته معي يا سمح لقبالي
قد قلت يا لحبيب أربعمائة مرة
اصبر وخل امرنا وامرك على الوالي
طاوعت بي كل من شجع على الفكرة
وهمشت جهدي وحطمت أكبر أمالي
غلطان يا صاحبي تحكم على النظرة
من دون تركيز يجعل خاطرك سالي
حطيت في قلبي المشتاق لك جمرة
وخليتني بين تعذيب(ن) وغربالي
ما دام من صارحك بالحب ذا قدره
عز الله إنك شريت ارخيص بالغالي
اللي يبيع الوفاء بالله وش عذره
ما غير تفريح عذاله وعذالي
واللي بصدقه جعل لك بيت في صدره
يحميك لو كنت عائش با لخلا الخالي
لكنها حكمة المعبود والدبرة
مالي سوى الصبر لو شليت لثقالي
والحمد لله على خيره . على شره
مؤمن بما ربي المعبود هيا لي

[سد الوادي]

اهداء إلى قبيلتي المحبوبة ( قبيلة الشق ) وذلك بمناسبة نعيين الشيخ علي بن محسن شيخ للقبيلة )
يا الله يا الله يا معبود يا والـــــــــــي
يا واحد ما توكلنا على غــــــــــــــيره
يا خالق الخلق يا كتّاب لآجالـــــــــي
يا من جميع البرية تحت تدبـــــــــيره
سبحانك الله في حلي وترحالــــــــــي
لك كل سجدة وتهليله وتكبـــــــــــيرة
بأمرك يطيب اللقاء وتزين لحوالـــي
والشمل يلتم بين القرب والجيـــــــرة
في ضل حكام دولة شانها عالــــــــي
آل السعود أسسوا للمجد تسطيــــــره
بين الدول قدرهم في ذكرهم غالــــي
حكم الشريعة حسب نصه وتفســـيره
من بعدها أبدأ بقافي وانظم أقوالــــي
لبني عمرو درع جنبي في معاســيره
شام ويمن والتهم لاول مع التالــــــي
يأتي لهم قافي اللي بان تبريــــــــــره
أعمهم بالتحايا عبر مرسالــــــــــــــي
وأخص ربع ابن محسن طيب السيرة
قوم غدا ذكرهم مضرب للمثالـــــــي
حرابهم لا نوى يبشر بتدميــــــــــــره
قبيلة الشق رمز بين لجيالــــــــــــــي
تاريخها فخر فالديرة وفا لسيـــــــــرة
وكل القبائل لهم تقدير واجلالـــــــــي
واللي يذم القبائل لا كثر خيــــــــــــره
بحضور ربعي جميل القول يحلا لــي
والقاف لي زان في حسه وتعبــــــيره
وأخص شيخ على الطالات لا زالـــي
متربع مجلسه باوسط جماهــــــــيره
شيخ على الطيب له قدر ومنز الي
من بين ربعه رفيع الصيت والســيرة
ذاك ابن محسن محمد طيب ا لفالي
يرجح بحلمه و منطوقه وتفكـــــــيره
سلّم زمام الريادة لابنه الغالي
علي رفيع المزايا في معايـــــــــــيره
خير الخلف يا علي يا سمح لقبالي
فيك القصيد أنضمه واجيد تـــصويره
في صفحة المجد لك قدر ومنزالي
يشرح لك الكل عن حبه وتـــــــقديره
احساس ربعك نقلته لك بموالي
في قالب الشعر بإحساسه وتـــــأثيرة
والمعذرة يا علي يا شيخ لبطالي
في ما كتبناه لو لاقيت تقصــــــــــيره
وصلاة ربي عدد ما هل همالي
على النبي الذي نسعد بتبشــــــــــيره

[سد الوادي]

جوهرة جيلة
الحب يا صاحبي لا صار من قلبك
يجعل حبيبك بعينك جوهرة جيله
لو فيه عاهة وشفته واقف قربك
كنك ملكت البلد عشبه مع سيله
ون كان حبك تجاري خاف من ربك
واقفل طريق الهوا واقطع مواصيله
وأنا اللي أغليك يا مخلوق واحبك
يا مالك القلب لا تكثر بهاذيله
بُعدك عذابي وطبي يا لغلا قربك
يا ويل قلب تولع فيك يا ويله
حاول تراجع حساباتك على حسبك
وأقدم بحبل الثقة لو ما معك حيلة
واحذر من إبليس والتفكير تلعبك
ترى الزمن ما عرفت أكمل تفاصيله
واصل وجعل السماحة يا لغلا دربك
واترك زميلك ولو كثرت مواويله
وأقول يا صاحبي ذنبك على جنبك
والعمر يطويك بين اليوم والليلة


ألا يا حمامة

ألا يا حمامة جاوبي صوتي المبحوح
وداوي فؤاد (ن) ولعت فيه نيرانه
بحكم الوفاء والطيب والمنظر المملوح
وحس القصيد اللي تغنى بقيفانه
فلا تتركينه تايه (ن) حائر مجروح
وعندك علاجه ريحي نبض وجدانه
ألا يا حمامة وين تبغين عاد أروح
وقلبي تولع فيك والروح شفقانة
دخيلك تخلي باب قلبك لنا مفتوح
وطبع المرحب يشرح صدور ضيفانه
ترى الوقت بالتدريح يا عزوتي بيروح
ويقفي ولا ذقنا حليبه ورمانه
على كل حال المعذرة يا لطيف الروح
وساعد محبك لا تخليه باحزانه
ولو طحت لجلك مقدراقول لك مسموح
وكم واحد غيري شكا جور خلانه
وعين الشقاء عانت شديد السهر والنوح
وبوح المشاعر مقدر أفسر أشجانه
أقول الهموم تزوح وتقول كيف أزوح
وصارت بقلبي يا هوا البال سكانة
لك الحس يا فاتن نثرته بكل وضوح
ومن صدق بوحه قال لك قرة أعيانه

[سد الوادي]

اعتذر ثم اعتذر ثم اعتذر
ا عتذر ثم اعتذر ثم اعتذر
كان جاء مني كلام(ن) زعلك
لو تكرم يا لغلاء غض النظر
لا تقلي يا ولد وش دخلك
الخطأ موجود في طبع البشر
واعتقد هذا الخبر ما يجهلك
كان في من قدرك ما تعتبر
يا خسارة كيف ظنك يخذلك
عن صديقك ليه وليت الدبر
وأنت في قلبه رفيع(ن) منزلك
اغفر الزلة ويسلم من غفر
والتغاضي عن سواك يجملك
يا صديقي لا ضرار ولا ضرر
وأنتبه لا تستمع من عذلك
لا تطيع النفس وأقوال البشر
والغضب لو تتبعه ما طوّلك
ون عصيت الرأي فالصد استمر
بس رأيك يا لغلا لا يخذلك
مثل ما قالوا عسى دربك خضر
واصل المشوار والله أمهلك
خذ من التاريخ يا لغالي عبر
واحتفظ فيها بداخل منزلك


أعرفه

يسألوني عن دروب الحب وأقول اعذرونــي
أعرفه لكن مـا طبيت في غبة بحــــــــــــــــوره
بس حسب اللي سمعت إنه قريب للجنونـــي
واقرب أمثاله خبر قيس الملوح في سطــــوره
قصة مشهوره تاريخها عبر السنــــــــونــي
تثبت إنه من هواء ليلى قد أختلت شعـــــــوره
واشتهر مجنون ليلى بالجنون وباللحـــونـي
واصبح أسمه في دواوين العرب للي يـــــزوره
سيرة العشاق تشرح حالهم لا تحرجــــونـــي
وانصح اللي جاهل فالحب لا يعلن عـبـــــــــــوره
يا علي كثرت هروج الناس من حولي ودونـي
يسألوني عن خبر شي نهايته الخطــــــــورة
قالوا إن الحب يسكن داخل القلب الحنونــي
وأنت قلبك مرهف واكيد له فالـــــحـــب دوره
قلت تكفون اتركوني يا مخاليق اتركوني
سر بن لقفص عميق وما حد(ن) ياصل جــذوره
لو بغيت أشرح لكم عن سيرتي ما تفهموني
بس خلوا سيرة اللي حط صوت بدون صـــورة
لو بغيت أشرح ظروفي كل ربعي حاربونـــي
بس ماله داعي أحكي ماضي ولت عصــــــــــوره
عن تفاهات أسئلتكم لو سمحتوا تنقذوني
ريحوني من سواليف الهواء وانسوا شــــروره

[سد الوادي]

يا هيه وشفيك تأمرني وتنهانــي
ماني صبيك ولا نيب أصغر عيالــــــك
خلك بشأنك وأنا باروح في شانــي
الله يرضى عليك تروح في حــالك
مادامتك من بدايتها تحدانــــــي
لا والله إلا من اليوم أقطع إوصالـك
لا عاد تذكر محمد ليت تنساني
ياليت ما عاد لي طاري على بالك
اللي مثيلك تراهم ماهم أقراني
وأنا عليّ الحرام إن أترك أشكالـك
يكفيني اللي من أول ساعة جانــي
يوم أنت تبغاء تحداني بجــوالــك
تاريخي أبيض مع ربعي وجيراني
والا أنت كل العيوب السبع تسعــــــالك
صدقت من قال عنك إنسان بطراني
واليوم شف وش كلام الناس سوا لك
سرعة كشفتك وبيّن وجهك الثانـي
واصبحت واضح ولو ما تظهر أفعالــــك
عندي على صدق قولي كل برهانـي
واكبر دليل قريته من ولد خالك
يقول حاول تجنب سيرة فلانـي
تراه ما هوب كفو يصحب أمثالك
أنا عرفته ومنه الوالي أنجاني
واخشى يضرك بكيده حين يصفالـــــك
أبعد عن اللي يرد الطيب نكراي
مهما تسوي معه ما قدر أعمالــك
وش بعد هذا أنتظر يا كل خوانـي
ما عاد غير إني أجرجرك بعقــالـك
خلاص رح وانس حتى اسمي وعنــواــي
لا طيب الله يا وجه النكد فالـــك

الجريح

قصة فتاة في صراع البهاذيــــــــــــــــل
تبغاني أجعل حادثتها روايــــــــة
تقول يا مخلوق في دنيتي ميــــــــــــــل
وأبغاك تنشر قصتي للوقايــــــــــة
أسمع معاناتي بكل التفاصيــــــــــــــل
واجعل لجرحي في قصيدك دعايــة
قالوا جريحة قلت يا ناس بالحيــــــــل
والجرح يسري لاهبه في حشايـــــه
قالوا لي أصبر قلت ما عاد بي حيــــــل
حيلي تدهور وامتحني عنايـــــــه
من جور وضعي والحكي جاني الويـــــل
هذا هرج عندي وهذا قفايـــــــــــه
يا ما بكت عيني من القال والقيـــــــــل
أحترت في دنياي كيف السوايـــــة
والويل لا منه دنا تالي الليـــــــــــــــل
تكثر تفاكيري وتضلم سمايــــــــــه
مالي وسيلة غير جر المواويـــــــــــــــل
كل الدكاتر عذّروا عن دوايــــــــــــــــــــه
وما غير أمسح دمعتي بالمناديـــــــــــــل
والخوف يكثر لا نظرت المرايـــــــة
قسوة هلي سر الخطر والبهاذيـــــــــــل
خلتني أسوق الثمن في النهايــــــــة
الله عليـــهم كم سعوا بالغرابيــــــــــــل
في محنتي محدن تعاطف معايــــــه
صدقت من هو غشني بالتحاييـــــــــــل
الخاين اللي ما احتفظ بالوصايـــــه
الغادر اللي غشني يا رجاجيـــــــــــــل
وقال عرسك يا مهـا كل غايـــــــــة
كلامه أول كالعسل غالـي الكيــــــــــل
ولما قضى شفه تركـني حكايـــــــــه
واليوم يا شين الجناء والمحاصيــــــــــل
بعد الشرف طـيـّح مراتب غلايــــــه
يا الله يا منشي مزون المخاييـــــــــــــل
في عفـتي يارب تجبر عزايـــــــــــه
واجعل لنا من كل كرب تساهيــــــــــل
رحماك يا الله لا تخيـب رجايــــــه

[سد الوادي]

لا تظاهر

لا تظاهر بكثر المال لا تفتخـــــر
أنت حالك مثيل العود بعد اللحى
غرك المال والصحة وصمت البشر
لين ضليت تلعب فالدجا والضحى
تظلم الناس يا مجرم ولا تعتبر
استغليت من هو من حياه أستحى
بعد هذا وش اللي يالغبي تنتظر
ما دريت إنها لازم تـدور الـرحى
خاف ربك ولا تأمن وقوع الخطر
واعتبر بالذي من عمق نومه صحى
لو بلغ ملكك الفاني عنان القمر
في ثواني وقالوا ملك ذاك أمحــــى
ما تذكر ملوك الأرض ما تفتكر
كم سمعنا ملك عن مملكته انتحى
فيه مظلوم من ظلمك طواه السهر
وانت في غرفتك تقرى نوادر جحا
ما تلاحظ خطاك اللي بلاه انتشر
ما بفى الا تجي تلعب على أهل اللحى
سود الله و جهك يا محب الضرر
لا تخاف العقاب ولا بوجهك سحى
.......................
1) ألا يا رفيق الدرب ما تذكر الغاليـــــن
وهم يفزعوا لرضاك حافين لقدامــــــي
2) تذكر معي عام ألف واربعمائة واثنيـن
وحنا شباب في بدايات لعوامـــــــــــي
3) تذكر زمنها وانظر أحوالنا ذلحيـــــن
ثلاثين عام وانطوت كنها أيامـــــــــي
4) تذكر وحنا في محيطاتنا شخصيــــــن
نلاعب طيور الجو في شوقنا الحامــــي
5) قضينا سنين واعتبر كنها يوميـــــــن
ولا زالت أفلام الصوّر ذيك قدامـــــــي
6) وعمر الفتى يقضيه ما بين زين وشين
ولو يستعيد اللي مضى جته لئلامــــي
7) ومسكين ياللي تذكر اللي مضى مسكين
تزايد همومه ون دنا الليل ما نامـــــي
8) إلى من طرالي ما مضى قلت وينه ويـن
وقمت أتوجد وجد واعضعض ابهامــي
9) وسالت دموعي يا محمد على الخديـن
ولا نمت تنقلني لها بعض لحلامـــي
?

الشـــــــات

يا هيه يا للي مدمنين على الشــــــات
إلى متى وأنتوا على الشات لاهيـــــــــــن
ما تتقون الله رب السمـــــــــــــــوات
أفعالكم ما ترضي العقل والديـــــــــــــــن
أكبر دليل إهمالكم فالصلــــــــــــوات
وأنتوا طوال الوقت عالشات عاصيــــــن
أوقاتكم تقضونها فالملــــــــــــــــذات
والحال نفس الحال شين على شيــــــــــن
نكاتكم يا للأسف مستعــــــــــــــارات
هذيك بسم أشرف وذا بسم نصريــــــــــن
كذب ونصب والنهاية متاهـــــــــــات
سايرتم أذناب اليهود الملاعيـــــــــــــــــن
يا كل والد في وسط غرفته بــــــــات
ما تدري إعيالك وراك اش مسويــــــــــن
بنتك لها فالنت روحة وجيــــــــــــات
وابنك مع منهم بالافساد ماشيــــــــــــــــن
احرص عليهم من فساد القنــــــــوات
واحذر من الشات الذي فيه غاديـــــــــــن
أولادنا باعناقنا هم أمانـــــــــــــــــات
ولو ما حفظناهم يباتوا مساجيــــــــــــــــن
حنا خلقنا ربنا للعبـــــــــــــــــــــادات
يا للي على فعل المعاصي مقيميــــــــــــن
أعما لنا بين إحسنات وسيـــــــــــــات
والفائزين اللي لربي مطيعيـــــــــــــــــــن

[سد الوادي]

بدع ناكر الاختلاط :

يا فهد وشفيك متغيرعلينـــــــــــــــا
لك ثلاث أيام مرت ما تجينـــــا
أنت شكلك يا زميلي ما تبينـــــــــــا
والقلوب نضاف والنية مطيــة
الوظيفة يا بن عمي عذبتنـــــــــــــا
والمديرة بالأوامر عـقـــــدتـنا
لو بغينا نصف ساعة ماعطتنــــــــا
والقلوب نضاف والنية مطـيـة
طيب أمس الظهر شفتك بــــالإدارة
يوم مرينا مع الرئيس زيــارة
مكتبك مغلق وطفــــيـت الإنـــــارة
والقلوب نضاف والنية مطيـــة
كنت أنا وأحمد وسلمان وسميــــرة
داخل المكتب مع هند ومنـيرة
طبعا المكتب وسط غرفة صغيــــرة
والقلوب نضاف والنية مطيــة
كيف تجتمعون ياخي بالعـــــــذارى
تغضبون الله في وسط النهارى
منكم أفكار البشر صارت حيــــارى
والقلوب نضاف والنية مطيــة
أنت وش تقصد تاكد من كلامــك
قلنا بالله وش غاية مرامــــــك
للأسف قللت بالحيل احترامــــــــــك
والقلوب نضاف والنية مطيــة
تختلط وايا الصبايا دون عـــــــــفة
كاسيات عاريات وسط غرفــه
والحياء منزوع من شرعه وعرفه
والقلوب نضاف والنية مطيــة
اتق المعبود وش هذا الكلامـــــــي
أنت ما تعرف حلال من حرامي
تعمل المحظور في شهر الصيامي
والقلوب نضاف والنية مطيــة
أنت شكلك بعد في عصر التخلــــف
يا مطوع غير نفسك لا تكلــف
ابتعد بالله عن هذا التصــــــــــرف
القلوب نضاف والنية مطيــــة
أنت جاهل في تعاليم الشريعــــــة
والفتاوا الشاردة عندك ذريعة
وأنت تأخذها بخطوات سريعــــــة
والقلوب نضاف والنية مطية
عالعموم اسمع وخذ هذي النصيحة
فعلنا هذا ترا ما هو فضيحـــة
عندنا فتوى من العالم تبيحــــــــــه
والقلوب نضاف والنية مطيــة
المصيبة كلما قلنا نصيحــــــــــــة
جات من مثلك عبارات جريحة
تصرخون بكل موضات وصيحــة
والقلوب نضاف والنية مطيــة
أنت ماتعرف كلامي ياعزيــــــــزي
لوبغيت أهرج معك بالإنجليزي
انتظم في مدرسة مستر غويــــزي
والقلوب نضاف والنية مطيــة
المهم اسمع نصائح تربويـــــــــة
لك وبلغها على الناس البقيــــة
واعتبرها يا فهد مني هديـــــــــة
والقلوب نصاف والنية مطيــــة
أنت قل لي وش عملنا من جريـمة
ما حصل غيبة ولا قلنا نميمـة
العمل يجمع رجاله مع حريمـــــــه
والقلوب نضاف والنية مطيــة
اختلاطك بالنسا أمر محـــــــــرم
واعتقد كل بحكم الشرع يعلــــم
في أمور الدين يا مسلم تعلـــــم
والقلوب نضاف والنية مطيــــة
والختام أقول يا من كان جاهـل
في مسائل لاختلاط احذر تساهل
لا تحجج بالقضية لا تجــــــاهل
والقلوب نضاف والنية مطــــية

[سد الوادي]

فمان الله
لفرقا طيبين الصيت يا جزل القصيد تعــــــــال
وشاركني ببوح صادق نهديه للغاليــــــــن
تعرفنا على ناس (ن)وفاهم عالي المنـــــــزال
ويبقى ذكرهم فالذاكرة ما دامنا حييــــــــــــن
عزاز نفوس ما هم مثل من يغليك لجل المــال
كرامتهم هدفهم وين ماهم ياعلي ماشيـــــــن
قضينا حول خمس سنين والتقدير عال العـــال
وهم وافين في ما بينن ا واحنا بعد وافيـــــن
على وضح النقا كانت علاقتنا بكل اجـــــــــلال
ونخوتنا جعلناها قياس بيننا يا اثنيـــــــــــــن
تبادلنا الوفاء وأصبح غلانا وافي المكيـــــــــال
قناعة واضحة متلازمة في داخل القلبيــــــن
فلا هو طامع فيني ولاني للغلا محتـــــــــــــــال
سليمين النوايا ما دخلنا عالم الغاويـــــــــــن
غلاته ثابته في داخلي تأثيرها فعــــــــــــــــــال
وقدره فوق رأسي يا لغلا لو يزعل الباقيـــن
صديق صادق في صحبته وافي بكل اخصـــــال
ذكي واعي راقي سليل الطيب عقل وديــــــن
مثقف محترف في منطقه لا قال قلنا طــــــــــال
يمون ولو طلب مهما طلب ما قلت له بعديـن
ترك له بصمة في داخلي تيارهـــــــــــــا لا زال
ولا زال اسم سيد الغيد عندي بين قلب وعين
مناة الروح يا صيد الخلا يا وردة الشـــــــــلال
بديت البيت باسمك وارتسم بالحرف والحرفين
تقف في وصف خلي مفردات الشعر يا عقــــال
وتحتار المشاعر في وصوف معرب الجديــن
عرفته بالكرم والطيب والشيمة ووسع البـــــال
حماه الله من كل الشرور ونقمة الغاديـــــــــن
وذلحين افترقنا صار في حال وأنا في حـــــــال
ولكن الغلا والطيب تبقى لين يوم الــــــــــدين
على شخصه سلامي عد من ينطق بحرف الذال
ومن يقرأ كتاب الله والواعين والاهيـــــــــــن
أخيرا في أمان الله يا من بالحشى نـــــــــــــزال
وسامحنا إذا كانه حصل منا خطأ يا زيـــــــن



ألا واهني اللي إذا جن ليله نام
ما هو مثل حالي لقبل الليل ما انامي
تمر الليالي بي وتمضي بنا ليام
وأنا بين تفكيرٍ وهو جاس و ا وهامي
ظروفي رمتني واعلنت للهناء لعدام
عليها الله أكبر دمرت واحة أحلامي
توقعتها خلفي ولاقيتها قدام
حسيبي عليها وين ما رحت قدامي
ومن شاف حالي قال يا ناس ما يلام
وفي ذمتي لو صاح ما هوب ملامي
هواجيس في قلبي لها ما يقارب عام
وتأثيرها في داخلي كنه أعوامي
حداني زماني واشكي أمره على العلام
وهو جل شأنه با لمخاليق علامي
أنا لو رحلت الهند والسند وارض الشام
أجد قبلي الحظ الشقى ناصب اخيامي
سبب علتي يا لائمي والظروف أحكام
جروح خفية حرها بالحشى حامي
صلاتي عدد من زار بيته وحج وصام
وعد الورق واعداد مخطوط لقلامي
على المصطفى خير البشر صفوة الأنام
رسول الله اللي بيّن أحكام لسلامي

[سد الوادي]

سم رب البيت جلت قدرته=
العظيم اللي تعالت عزته
واحد عمت عباده رحمته=
الذي بامره تسير الكائنات
يا لبيب العقل حاول تستمع =
والخطاب ا وجهه للمجتمع
المآسي في وسطنا تجتمع=
والخلايق في تعايشهم شتات
واحد فيهم حياته عاشها=
ما عرف صكاتها وهواشها
دنيته له باسطات فراشها=
في حنان وعاش في عز السبات

وواحد ذاق الحياة بمرها=
خيرها فاته وصابه شرها
المآسي كل أبوها مرها=
عاش عمره بين هاك وبين هات
ودي أحكي عن ظروف مطلقة=
وارملة واللي تعيش معلقة
كلهن ظروفهن محلقة=
في سراب وما نسيت العانسات
كم سمعت مطلقه يرثى لها=
تشتكي يا ناس قسوة حالها
والظروف الكايدة تسعى لها=
كنها طافت جميع الموبقات
أسهرت جاراتها صيحااتها=
واحرقت لكباد من وناتها
كم لها تزداد في زفراتها=
قفلت قدامها كل الجهات
لو نشدناها عن أسباب الطلاق=
قالت الرجال وضعه ما يطاق
كل يوم في شجار وفي شقاق=
واختلاف في مسائل تافهات
لا بغيت أفهمه لجل اقنعه
كش فيني ثم سكر مسمعه
كلها دنياه صارت معمعة
ون دناه الليل في المقهى يبات
بس بعض الناس عنده قاعدة
إن كل مطلقة هي فاسدة
ويلكم يا اهل النفوس الحاقدة
تقذفون المحصنات الغافلات
قاعدة خابت وخاب أصحابها
والرذيلة لا رحم من جابها
كل عذرى تفتخر بحجابها
ليس كل مطلقة من هالصفات
بعضهن تسوى سرية كاملة
في شرفها في حياها شاملة
بيدها المصحف وهي له حاملة
هي من اللي قيل عنهن قانتات
والبعض لا والله إلا خايبة
عن شرفها عن حياها غايبة
طال ماهي عن خطاها تايبة
اعتذر لو قلت ضمن الفاشلات
وارملة وش ذنبها وش جرمها
بعد فارسها تزايد همها
والنفوس الخايبات تذمها
ليه صارت في عداد الخائنات
ليه ما تقرب وتخطب يافتى
لا متى يحملن أساهن لا متى
ويش بعد الصيف عيرك يا شتى
ساعدوا من هي تعيش الكايدات
ثم لا ننسى ظروف معلقة
كنها في وسط غرفة مغلقة
عائشة في وسط نار محرقة
ما درت وش حالها بين البنات
كم رديْ علق فتاة طيبة
لن نفسه يا جماعة خيّبة
ما لقى شخص صريح عيّبه
لجل يتجاوب بدون معاكسات

والعوانس مشكلتهن مشكلة
كل بيت فيه بنت مركلة
ما لقت رجال تصبح ملك له
الشباب أغلبهم أدمن مسكرات
ودي أساهم بشي من معي
لست أنا ذيك الأديب الألمعي
بس لشكوى توطت مسمعي
واتجاوب لظروف القاسيات
يا رجال اش عذرنا في عرضنا
لا تناسينا مآسي بعضنا
ديننا ما هو فقط في فرضنا
ديننا وصى بستر الصالحات
واجب منا نقف في صفها
كل عذرى يا سنافي عفها
حسب شرع الله شفوفك طفها
لا تخلون العذارى تايهات
التعدد حل يا كل أجودي
والعدالة من تركها معتدي
والبطل بامر المره ما يقتدي
النشامى يصنعون المعجزات

هذي القصة وهذا نصها
للبنات الأربع ابغى أخصها
في ثناياها قصص واقصها
وقفة للطيبات الغاليات
عارف إني ما وفيت المطلبي
واعتذر للي صديق واجنبي
فالختام أقول صلوا عالنبي
يا حضور ويا جميع الحاضرات

[سد الوادي]

بدع / محمد العمري
سلامي تحياتي مع الشكر والتقدير
لمن جاد في نظم القوا في وسو اها
سبح في محيطات الحكم واحسن التعبير
وصاغ المعاني وانتقاها وقو اها
ورتب مقالاته مع الصوت والتصوير
وبالصوت قال أحلى القصايدوحلا ها
فهو ضمن شعار التميّز بلا تخيير
صعاب المعاني بو محمد تحداها
فهذا علي القحطاني الشاعر النحر ير
تساوت له أبكار القصايد ورباها
ألا يا علي ما كل من طار سمي طير
ولا كل من يمشي مع الخيل بارا ها
ولا كل من فكر تمعّن في التفكير
ولا كل من يبغى المسرات يلقاها
ولا كل من يمشي ويسعى ورى التطوير
تطور كما يقصد شقا نفسه أعماها
ولا كل من شال القلم جمّل التسطير
ولا كل من شال المراسيل وداها
فهذي حياة ما لقي من عشقها خير
ولا فاز من جاوب نِداها وما شاها
فهي ساعة تمشي معك في تمام السير
وعام تخلي طالب العيش يشنا ها
فيا كم لي أشير العبر يا علي وأدير
ولكنها ما جاتني حسب ما أبغاها
مسا كين بعض الناس ينقصهم التبصير
ولكن ذا عقله فطين تناسا ها
رمت بالرجاجيل المناعير وسط ألبير
وصكت نوافذها على من تمناها
تجر ت وضرت واستمرت في التدمير
وهي في بدايتها تحلوا لمن جاها
تبي تقتل العالم مع موضة التحرير
وتفني مقاصدهم وهي سر مبد اها
فيا كم بها من واحد عاش في تكدير
تردت حياته من تورط وخا واها
تذكر خبر مجنون ليلى وغيره غير
فهذي قصصهم عندنا اليوم نقرأها
وانا طالب عذرك إذا كان به تقصير
فهذي قليلة في صفاتك وحلياها
ختام القصيدة يا صلاتي على البشير
محمد نبي الله رسالته وفاها
?
رد الشاعر / المعروف علي بن محمدالقحطاني
طلبنا مكور صبحها والمساء تكوير
معيد البشر بارواحها بعد ما افناها
هلا مرحبا ماردد المسلم التكبير
تمنى صلاة المسجديني فصلاها
دعاه الندى وجت على غاية التيسر
شعر بالسعاده عقبما الروح عناها
يصخر له اقساها عظيم الرجاء تصخير
له اعمال في الدنيا وفي الخلد مجناها
هلا بالبيوت اللي لها غاية التأثير
ويازين منطقها ويازين مبناها
لشيخٍ جليل يزيد توقيرها توقير
حسين المعاني والقوافي تحراها
كتبها بصوره واضحه ماتبي تفسير
طبعها وعنونها بمظروف واهداها
حروفٍ تريح خاطر اللي شكى التضجير
قطف شهدها واهدألصدقانه احلاها
تجنب نظام مدمرين الشعر تدمير
مكحل بيوت الشعر بالغي واعماها
ضعاف النفوس بجهلها تاكل الخنزير
ولا عرف يمنعها ولا دين ينهاها
صعاليك ماتخجل عباراتها تنفير
على الشعر بلوى ياعسى الله يبلاها
تدور على الشهره وحازت على التشهير
بذمٍ وشتمٍ ساير الناس تقفاها
ويالشاعر العمري جوابي بلا تاخير
حقوق الرجال الطيبه نكرم لحاها
وفي الواجبه مانبدي العذر والتبرير
لو ان القصيد احيان تتعكر اجواها
فلابد مانوفي وفا النشمي الجبير
على الطيب نفسه طول الايام يحداها
على شان لايلحقه لومٍ ولا تصغير
ترى الناس تتكلم على الناس بهواها
ولانوفي الواجب هل الشح والتقصير
ونوفي رجالٍ عادة الطيب مرباها
ويالعنبوا رجلٍ يقول الكرم تبذير
يحرف صفات الجود عن سير مجراها
لانه خلق من تربة ترفض التشجير
ولاتغتني نفسٍ اذا الله ما اغناها
ونختم بذكر المصطفى زاكي التذكير
شفيع امته من حر في يوم يصلاها

[سد الوادي]

الشايب :
أتوجد وجد من شوفه غـــــــــــــــد ى
من شباب اليوم يا مال الـــردى
قل من تلقاه يسمع لنـــــــــــــــــــــــدى
ليلهم يوم وصار اليوم ليــــــــل
الشباب :
روح يا شيبة ترى عمرك قضـــــــى
لا تذكر كل ما منك مضـــــــى
أنت قل يا الله عفوك والرضــــــــــى
واسأل الغفران من قبل الرحيـل
الشايب :
ويا وجودي وجد مطعون الحــشــــا
من شباب اليوم ما شفته مشــى
نائم يومه إلى بعد العشـــــــــــــــــاء
لو تشوفه من عنا حاله يميــــل
الشباب :
أنت في عصر الحضارة والتـــرف
راح وقتك ذاك عنا واختــلــف
وأنت شكلك بالنعم ما تعتـــــــــرف
العن الشيطان يا لشيخ الهبـيـل
الشبايب :
عصرنا كانت علومه طيـــــــــبــة
ما ربت فيه النفوس الخـيـــبـة
الفتى ما فيه شيء عيّــــــــــــــــبه
ننكر المنكر ونقنع بالقلـيـــــــل
الشباب :
عصرنا عصر السعادة والرخـــاء
والتكاتف والتراحم والإخـــــــا
بيننا صحبة مع بذل وسخـــــــــــا
ما تلاقي بيننا شخص بخيـــــل
الشايب :
بينكم كل المشاكل شفتهــــــــــــــا
والحياة أنشهد إني عفتهــــــــــا
فيكم أبيات الرثاء ألفتهـــــــــــــــا
والبلد بوجودكم حمله ثقيــــــــل
الشباب :
استمع يا جد من قلب نصــــــوح
أسألك من قبل ما روحك تروح
ليش منا داخلك كله جـــــــــروح
ما توقعتك من أحفادك عليـــــل

الشايب :
آه كم مثلي من أمثالك جريــــــح
من ملابسكم ملايين تصيــــــح
والشعور اللي على متنك تطيــح
يا عسى مثلك بدولتنا قليـــــــل
الشباب :
لا تعيّرني بتطويل الشعــــــــــور
الشعر موجود في كل العصـور
والنبي المصطفى ربا شعـــــــور
واعتبر هذا لنا نعم الدليـــــــــل
الشايب :
النبي المصطفى أطهر بشــــــــر
تقتدي به بس في طول الشعـــر
وأنت من عامين عن فرض الفجر
مستحيل اقنع بقولك مستحيـــــل
الشباب :
طيب أبغى أعرف سوابق عهدكم
وأنت في سني وش اللي عندكـم
ما تعرفتوا على اللي مثلكــــــــم
بينكم يا جد ما يوجد زميــــــل ؟
الشايب :
بيننا كان احترام ومقــــــــــــدرة
والتواضع كلنا نستثمــــــــــــــره
في مجالسنا وجوه مسفــــــــــرة
قوتهم شحم مع بن وهيـــــــــــــل
الشباب :
أكلنا يا جد يغشاه ا لحــــــــــلى
وأكلكم ما ينظروا في المــــــــــلا
الشحم يا جد هو ساس البــــلاء
وأنت من قل ا لحلى حسمك نحيل
الشايب :
أنت قوتك يا وليدي ما أعرفــه
جابه الهندي وبيده لفلفـــــــــــــــه
راتبك بين المطاعم تصرفـــــه
صرت للكنتاكي أكبر من عميـــل
الشباب :
في ختام السالفة والشربكـــــــة
يا وجوه الخير هذي معركـــــــــة
ابتعد يا بالله والهرج أتركــــه
وأترك الشايب عسى عمره طويل
والنصيحة عبر هذي الملحمــة
قلتها من باب حب ومرحمـــــــــة
يا عظيم الشأن منك المكرمـــة
ترحم أحوال البشر وأنت الجليـــل

[سد الوادي]

رسالة وفاء وعرفان للشيخ الجليل عايض بن مزهر

يا نديبي ود خطي لزينين الفعـــــــال
الرجال اللي لهم فالوفاء باع طويـــــل
خص بن مزهر عريب النسب عم وخال
شيخ علم ورأس قوم ومزبان الدخيــــل
قرم قحطان الطنايا عريبين الخصـــال
فعلهم وقت الشدايد يفوق المستحيــــل
يوم جيته في لزومي ورحبي وقــــــــال
جل همك والمصاعيب بذن الله تزيــــل
استرحت وقلت ياحي لي سبع الرجـال
عايض اللي وقفته داوت القلب العليــل
اجتهد لي في لزومي وواصل لتصــــــال
وانجز الموضوع ما بين يوم وليــــــــــل
والقوافي للبطل بين حلن وارتــــحــــال
جزلها يجري وماصاحب المعناهزيـــــل
نظمنا في مدح لبطال يكساه الجمــــــال
مثل عذرا من فرحها بزفتها تميــــــــل
ما كتبته من خواطر ولا نسج الخيــــال
واقعاً ملموس والحق للمقدي دليــــــــل
وادري إن الشيخ عايض بوزنه كالجبـال
والقصيد اللي كتبناه في مدحه قليـــــــل
بس نستاذن شموخه اذا بان اختــــلال
في وقوفه صفنا وقفة الحر الأصيــــــــــل
فالختام أقول شكرا عدد حب الرمــــال
والحقيقة مقدر أوفيك يالشيخ الجليـــــل

..........................

العشير اللي يبيعك ويتجاهل عطاك
أشهد إن البعد عن عشرته خير كثير
ابتعد عن سيرة إنسان ما يشكر وفاك
وانتبه تتعب شعورك لمعدوم الضمير
من تجاهل في حقوقك وسارع في شقاك
اتركه وش يجبرك في مخاواة الحقير
واحد ما يرتضي لك سواء درب الهلاك
والله إنه ما يفيدك ولا هو لك عشير
الصديق الصادق اللي يساهم في رضاك
عامله بالطيب حتى ولو بذله قصير
يكفي إنه يعتني فيك ويقدر غلاك
والليالي تكشف أسرارها شر وخير
الذي يذكر جميلك ويتناسا خطاك
ذاك فعلا رأس مالك وهو نعم الخشير
بادله طيبه وحاول تحطه في سماك
ون تعنا لجل عينيك فافرش له حرير
من وفاء لك في حيانك وبالغ في ثناك
ليه تتناسى جميله وهو قدره كبير
كان تذكر عيب هذا وتجهل حق ذاك
فانت عقلك في مقاييس صدقانك صغير

.............................

يكدر مزاجي والهنا يكسره تكسير
لظا حر جرح فالحشا مبطي وقعه
ويسري بي الهاجوس والهم والتفكير
وتصبح بجوفي كل لوجاع مجتمعة
وكم لي وأنا أجامل واشير العبر وادير
ولغز المواجع مقدر أخوض في شرعه
وجرح الزمن ما ظن يحتاج له تفسير
ولا عرفوا الجمهور طرحه ولا جمعه
ولولا الملامة لارفع الصوت يابن حمير
واخلي ترانيم المواويل مرتفعة
ولكن ما أبغا يكثر الشتم والتشهير
ولا ودي أرخص قيمة الدين والسمعة
وانا سر تفكيري دفنته بوسط البير
ولو ينكشف لاموني الناس بالسرعة
وللصيت عندي يا فتى غاية التقدير
ومن خاب صيته تنتقص قيمته ربعه
ويصبح بحالة تافهة ما تفيد الغير
ولا أحد يلوم العين لو هلت الدمعة
ويا الله يا من بيدك الحل والتدبير
تخفف على من يرتجي منك الفزعة
رجيناك تجعل في نهاية تعبنا خير
ونتبع من أحيا حجتك وانكر البدعة

[سد الوادي]

يا عين لا تبكين ما فيه داعي
تبكين ما دام المواجع قديمة
تصبري لو كان صبرك صناعي
والوقت عيشي بين شمسه وغيمه
حتى ولو كنتي بحوض الصراعي
خلي لدموعك ظروف العظيمة
وش لك بنوح ما وراه انتفاعي
ترى العواقب يا عيوني وخيمة
لا يخدعك زيف الصوّر والخداعي
واستنجدي باهل العقول السليمة
كم صرت بين الناس غافل وواعي
وأجاهد أوضاعي ولو هي ظليمة
كم حاولت حولي تحوم السباعي
وأقفت وهي تمشي بحالة سقيمة
رغم المآسي ما لويت الذراعي
ولا أعترفت لداخلي بالهزيمة
ولا نويت أطوي لحلمي شراعي
والصد عن وصف الحقائق جريمة
مادام وقتي بان فيه ا لشعاعي
أمشي بنوره وابتعد عن عتيمه

.........................

يا الله يا عالم أسرار القلـــــــــــــــــــوب
يا واحد مالنا رب ســــــــــــــــــــــواه
نرجوك يا رب غفران الذنـــــــــــــــوب
واجعل لنا منك يا رب النجــــــــــــــاة
يا من لك المذنب العاصي يتـــــــــــــوب
من كل ذنب في الدنيا جنـــــــــــــــــاه
يا من برحمتْك تنزاح الكــــــــــــــــروب
يا منزل الغيث من عالي سمــــــــــــاه
يا الله يا خالقي ستر العيــــــــــــــــــــوب
يا عالم الخافي اللي ما نـــــــــــــــــراه
سهل لعبدك ملمات ا لصعـــــــــــــــــوب
لا من شكا من صعوبات الحيـــــــــا ة
لا صار في صوب وأفكاره بصــــــــوب
يطويه همه وناره في حشـــــــــــــــاه
واكتب له النور في كل الــــــــــــــدروب
واغفر خطاياه يا سامع دعـــــــــــــــاه
وانجه من النار وأنواع الهــــــــــــــــوب
واجعل جنانك في العقبى جــــــــــزاه
صلاة ربي عدد هب الهبــــــــــــــــــوب
على محمد ومن يتبع هـــــــــــــــــــداه

.......................

يا حاكم أركان الحشا كيف لأوضاع
والهم قلي كيف نطوي شراعـــــــــه
يا ويل عين فيك ترقب إلى ا لســــاع
يا من شراء فرقاي والوصل باعـــــه
ربطّني بالوقت والوقت قطـــــــــــاع
ولاتحقق لي من الوقت ساعـــــــــــة
حطيت في قلبي لواهيب واوجــــــاع
واعلنت لي كل الجفا والقطاعـــــــــة
وريتني لضرار من كل لنــــــــــواع
رميت بي في بر توحش سباعـــــــه
خليتني مثل الذي ناظره ضــــــــــاع
اللي لوت سود الليالي ذراعــــــــــــه
قالوا لي العربان ما ضاع من طــــاع
واللي لقيته من جميلي ضياعـــــــــــه
أكيد تدري داخلي فيك طمــــــــــــــاع
رغم اعترافك ما يهمك وداعــــــــــــه
واكيد تعرف داخلي منك ملتـــــــــــاع
حتى بدأ يوحيه بعض الجماعـــــــــــة
سواتك اللي صوبت بين لضــــــــلا ع
والجرح من فرقاك زاد اتســــــــــاعـه
إن كنت شفت النور في دنيتك شــــــاع
وسع خيالك وانطلق في شعـــــــــــــاعه
واذكر محاسن صاحبك زين لطبـــــاع
اللي بما سويت ماله قناعــــــــــــــــــــه
اقطع سلوك الوصل واعلن بالاســراع
وابحث عن اللي من طباعك طباعـــــــه
واعلن فراقك روحة دون مرجـــــــاع
واحرق صورنا واعتبرها شجاعـــــــة

[سد الوادي]

يا نسيم الصباح أرجوك خذ ها لرسالــــــــة
وأعطها للذي متمكن(ن) في كيانـــــــــــــــــــــي
صاحب بين كل الخلق ما أرضا بدالــــــــــه
لو يجوني جميع الناس قاصي ودانــــــــــــــــــــي
العشير العطوف اللي سحرني دلالـــــــــــــه
في غلاته تفوق عن جميع الغوانــــــــــــــــــــــي
أعطه أخر علومي واسأله كيف حالـــــــــــه
واكتم السر لا يدري به إنسان ثانـــــــــــــــــــــي
قله البعد حده والزمن ما صفالـــــــــــــــــــه
واخبره عن وصولي وش هو اللي حدانــــــــــــي
كان خلي مع دنياه سالي ودالـــــــــــــــــــــه
فاشهد إني عقب فرقاه همي دهانــــــــــــــــــــــي
قله إنه بوسط القلب باقي لحالــــــــــــــــــــه
ما تغير غلاته لو يطول ا لزمانــــــــــــــــــــــــي
ودي إنك عن الهجران تكفا تسالــــــــــــــــه
مر له مدة والعلم ما عاد جانــــــــــــــــــــــــــــي
كان من ينقل النمات عني حكالــــــــــــــــــه
والله إنه ببهتان الظليمة رمانـــــــــــــــــــــــــــــي
ثم قله وش اللي من طرفنا جرالـــــــــــــــــه
واسأله وين ذاك الود وين ا لحنانــــــــــــــــــــــي
إن تنكر عن المضمون واخفى مقالــــــــــــه
فعلم إنه تندم واختبط في البيانـــــــــــــــــــــــــــي
ون تفاعل وقدم حجته واعتزالـــــــــــــــــــه
فعتبر عشرته هانت وقلبه نسا نـــــــــــــــــــــــي
أدري إن الجفاء ما كان يطري ببالـــــــــــــه
فيه ناس لهم فالصد دور وشـــــــانــــــــــــــــــــي
غيروا غالي كان الوفاء رأس مالـــــــــــــــه
واختلف عن مسيره صاحبي في ثوانـــــــــــــــــي

........................

القناعة

يا فهد لا شفت لك واحد حاله بخير
استعذ من نزغة إبليس واحذر تحسده
اقتنع باللي كتب لك ولا تبقا حسير
والحسد من داخل الجوف حاول تبعده
القناعة خلها لك مثيل أغلا عشير
في فؤادك والحسد من محانيك أطرده
خذ بشور انسان في دنيته شاف الكثير
هاجسه في خدمة الغير ياخي جنده
احمد الله دام رجلك على الرمضا تسير
واشكره ياخي على كل نعمة واحمده
مد عينك للأفق وانظر الوضع المرير
شوف ناس بالفقر والعذاب مهددة
فيه شيخ حائر من عنا حاله ضرير
يشتكي فقره وحوله عجوز مقعدة
وفيه بين الناس من يشبه الطير الكسير
ولعت في داخل القلب نار موقدة
فيه من هو يشكر الله ويقنع باليسير
من دوامه لين بيته وهمه مسجده
ما شغل باله بصفقة عمر والا عمير
وان لقاء متغاني قال يارب أسعده
يا فهد في جانب البحر وش حجم الغدير
فرق شاسع بس من يستطيع يحدده
كم سمعنا من عداوة ومن سوء المصير
والحسد بين المخاليق سبب مفسدة
والحسد ما يتصف به سوا الشخص الحقير
وابن لقفص وده الناس تعرف مقصده

........................


مشيت فالدنيا مع الزين والشين
والعمر قضيّته بنوره وظلماه
لقيت معظمهم وحوش وثعابين
واللي تمناه الفتى كيف يلقاه
والقلب كنك طاعنه بالسكاكين
همه من أهوال التفاكير غطاه
عشت الزمن كله على العسر واللين
والحال ذاق الويل من حر ماجاه
والشوك دسته بعد ذيك الرياحين
والمر من بعد أعذب الحلو ذقناه
الناس عن ما جاه ما هم بدارين
لكن على ر ب المخاليق شكواه
كم عاش في دنيا الورا من محا زين
اللي سمعنا عنه وافلان شفناه
واللي يلومون ا لمشقا مجا نين
ما لام حاله من عرف سر بلواه
واللي يعيشون المآسي ملايين
والناس كل حسب ما ربه أعطاه
أحدٍ حياته عاشها بين نا رين
مبطي وجوفه لاهب النار يصلاه
وأحدٍ حياته بين روض البساتين
مشت له الدنيا على ما تمناه
والناس تتفاوت في العقل والدين
ذا طاع شيطانه وذا طاع مولاه
والموقف اللي يزعج النفس والعين
إن الصديق اللي نود ه فقدناه
واليوم ما يحتاج نعطي براهين
أحوال مستورة قصور مبناه

[سد الوادي]

اخوك بعض الناس ما عنده إحساس
الله يعين أرض عليها تشيله
أنشهد إن الناس يا خالد أجناس
فيهم سنا فيّ وفيهم هبيلة
فيهم شجاع سمعته ترفع الرأس
وقت الشدايد ذاك يسوى قبيلة
كنه حفيد الزير سالم وجسا س
سيفه على كتفه ذراعه طويلة
كريم سبلا يذبح الرأس لرأس
ماهو عن الضيفان نفسه بخيلة
نفسه رفيعة ما وضعها للد ناس
ولا رماها في دروب الرذيلة
ممشاك ياخي صف هذا ك نوما س
درعك سنادك طير شلوا زميله
واما ا لردي ماله الناس مجلا س
نفسه في المجلس تراها ثقيلة
هذا ك ما من قربه إلا تراء بأس
حتى ولو كانت هروجه جميلة
ما توزن أنواع المعادن مع الماس
الماس مافي السوق ياخي مثيله
الماس له جودة وقيمة ومقياس
وأنا عليه عهد ما أرضى بديله
للمر كأس وللحلى يا فتى كأس
والعقل عندك عده أكبر دليله
فكر وميّز بين طيب وبلا س
واحذر ضعيف النفس لا تنتمي له
صاحب عريب الأصل وابحث عن الساس
تراء الأصالة مثلما هي أصيلة
ابحث عن الطيب تراء العرق دساس
وابعد عن الفاشل عسى الله يزيله
لا يخدعك من له جنود وحراس
ترى الخدم والمال ياخي وسيلة

.........................


التجارب علمتني على الشيء الكثير
واكتشفت إن الشدايد مقاييس الرجال
اكتشفت إن الزمن ما يعيش به الفقير
والفوارق بين بعض البشر جاه ومال
والمظاهر حطمت قيمة الشيخ الكبير
وأصبح اللي ما معه مال ما يسوى ريال
الزمن بالفعل يا مسندي وضعه خطير
والحقيقة واضحة ما تحمّل للجدال
من يفكر في حياة البشر فكره يحير
واللهايب تشتعل في محانيه اشتعال
والليالي في تقاليبها شر وخير
لاستوت من جال بان الخلل من كل جال
لو خلق ربي للإنسان جنحان يطير
كان طار وعن فضى لأرض يعلن لارتحال
دنيتك يا لأدمي حبلها دائم قصير
كم تلاطم بالبشر عن يمين وعن شمال
انتبه منها وخلك على حالك بصير
لا تغرك يالسنافي ويرميك الخيال
هكذا كان التجول وذا بعض المسير
عل من يسمع كلامي يجاوب للمقال


......................
نصيحتي يا للي تبي راحة البال
اجعل كتاب الله لك أجمل سياحة
واعلم ترى وقتك ولو زان لك مال
لو يستوي ليله تكدر صباحه
واقبل نصيحة شاعر بالمثل قال
وأعطاك نصه بالنبط والفصاحة
أقول لا تلهث ورى جمع لموال
ولا تخلي للمطامع مساحة
هوّن على نفسك ولا تتعب الحال
واطلب من الله الرضاء والسماحة
ولا تهاون في حسينات لعمال
واحذر تفرط في عموم المباحة
ترى حياتك بين حل وتر حال
والعمر ترمي بك هبائب رياحه
العمر مهما طال لابد رحال
فلا يغرك لو بسط لك جناحه
فلا تقلب في محيطات لشغال
ويموت قلبك قبل يدرك نجاحه
كافح وعش دنياك من دون تحتال
واجعل لروحك من عناك استراحة
واحذر تطاوع من سلك درب لضلال
اللي خسر جهده وضيّع كفاحه
طاوع شفوف النفس في كل لهوال
حتى رما نفسه بسطوة رماحه
وأصبح مصفد بالسلاسل ولغلال
في عالم يفقد وجود الصراحة
رماه غيّه في مشابيك لنذال
وأغراه من لا يستطيع السباحة
في وقت تاهوا في مراميه لبطال
وأصبح عدو الله يشهر سلاحه
غرر وراه أجيال يا شيخ وأجيال
واللي عصى قوله حصل له فلاحه
واليوم تسمع شي ما كان ينقال
عجل لعين ا لمستحي بالنياحة
الناس ضاعت بين نت وجوال
وبلاك بيري فيه نشر الوقاحة
نرجيك يا عالم مواعيد لاجال
تفزع لقلب يسألك بانشراحه
وفالختام أقول ما مشغل البال
في غير دين الله ما فيه راحة

[سد الوادي]

.. ساري الليل ..
يا ساري الليل ياللي ناوي تتجــــــــه
صوب الديار الجنوبية ديار الغـــــــــلا
بالموتر اللي معادي ملتك منتجــــــــه
في سرعته لا مشى يسبق طيور الفـلا
الكزس اللي على لطعاس ما عرّجــــه
اللون بحري جديد الصنع يا ما حــــلا
في جدول أعمال يومك ذالكتاب ادرجه
واعطه لشخص عزيز بالفؤاد اختــــلا
الغالي اللي غلاته فيني مبرمجــــــــــة
من صغر سني وهو متميّز بالغــــــــلا
لا زال قدره بقلبي داخلي يمزجـــــــــه
طبعي وطبعه سواء في مرها والحــلا
اللي على نفس نهجي واضع ٍ منهجـه
من طيب نفسه يمون وله جعلت الـولا
دمه ودمي سوا بالنوع والأنسجـــــــة
واحساسه اللي مع حسي درج واعتلا
وصفه حروفي تحيّر نصها يدمجــــــه
واقول وشلون قلبي عن عشيره ســـلا
عجل بخط من أعماق الحشى مخرجـه
قله محمد عقب فرقاك جاه البــــــــــلا
ون كان جيته وهو نايم فلا تزعجـــــه
حاول تراعي ظروفه لو سكن بالخـــلا
واحذر اذا شفت عنده ناس لا تحرجـه
تراه ما يرغبك تدعيه بين المــــــــــلا
ون كان شفت الركايب عنده مسـرجة
فاعلم ترى الوضع متغير فلا تجهـــلا
عوّد علينا بخطك والكلام انسجـــــــــه
في جدول أعمالك القادم لصيد الخـــلا

?
يا الله يا رب على خير البشر وحيه نزل
يا سامع الشكوى ويا من بسمه أبدأ وابتدي
يا من تفرد بالعبودية وبالرزق اكتــفل
فيك الأمل فيك الرجاء لك يا كريم ارفع يدي
يا واحد ماله شريك ولا نديد ولا مثل
مالي سواك أعوذ به من حر نار توقــدي
أنت العظيم أنت الرحيم أنت المعز أنت المذل
أنت الذي لك كل من طاعك ركوع سجــد ي
أنت القريب أنت المجيب أنت المغيث أنت الامل
إليك يا رب الملا تسعى الجموع و تحشدي
ما في صفاتك شك ما فيها شجار ولا جدل
ما فيه مسلم مؤمن باكمل صفاتك يجحدي
من يلتجي بك ما خسر من يرتجي غيرك فشل
تعطي وتمنع وأنت فضلك للخلايق يشهـد ي
سبحانك أنت اللي لك المسلم يصوم ولك يصلِِ
تعلم بنيات البشر من مشرك وموحـدي
تسمع دبيب النمل في الظلماء بصخرة في جبـل
بامرك تسير الكائنات الراسيات ا لجمدي
تغفر ذنوب المذنب التائب وتعفي ما حصل
من حكمتك من حسن عدلك ما تحب المعـتدي
أنت الذي أكرمتنا وأنت الذي لك نبتهل
أرسلت فينا خير خلقك حظ من به يقتدي
محمد المبعوث خير الخلق خاتم للرسل
أنشهد إنه بلغ المكتوب والوحي الندي
عليه صلينا وسلمنا عدد وبل همل
يبقى على طول المدى ذكره مد يم سرمـدي
أبيات في ذات الإله المعتلي عز وجل
خصصتها للي له أركع وانحني في مسجـدي
كتبتها في يوم جمعة قبل يومي يرتحل
عسى تصادف ساعة وأنا بهاْ رافعْ يدي
أستغفرك لا صار في قولي زلل والا خلـل
والحمد لك والشكر لك في يقظتي في مرقـدي
وفي ختام القافية يا الله في حسن العمل
واحسن لنا في الخاتمة واجعل ثوابك مقصدي

[سد الوادي]

شر من حر الصحاري مخاواة البليد
لا تجد منه مصالح ولا هو ريحك
صحبته قشرا ولازم يحقق ما يريد
ون قسا وقتك وقصرت يدينك يفضحك
أشهد إنه ما يفيدك ولا هو مستفيد
نيته شينه ولو تقتدي به طيّحك
مذهبه بين المخاليق يالنشمي فريد
يشتمك لا غبت ون جاك عود يمدحك
صحبته بلوة وعند الجدل طبعه عنيد
لو لقا فيك أي هفوة لغيرك شرشر حك
أنصحك عن مثل هذا الغبي خلك بعيد
وانتبه ترفض نصيحة صديق ينصحك
مثل هذا يوم فرقاه عده يوم عيد
واعتبر كنك سجين (ن) وربي سرحك
أنت في دنيا غريبة عجايبها تزيد
لو تداوي جرحك اليوم بكرة تجرحك
كم مشى فيها شقيّ وكم فيها سعيد
والذي فيها بكى مرة يا ما ضحك
كل يوم تبتدي لك بطاروق جديد
مرة ترفع مقامك ومرة تطرحك
انتبه منها وخلك على الشدة شديد
لو تدنق عند من تستخفه يذبحك
فكرة الشاعر تراها تمدك بالجديد
والصديق الصادق اللي بنصحه يمنحك
النصيحة قلتها لك على نهج القصيد
وابن لقفص يا عزيز الجناب يرشحك
كان ما تسمع ولا تقبل القول المفيد
خذ برأيك واقتنع ف يه والله يصلحك
?
إذا ضحكنا قيل عنا مجانين
وإذا بكينا ضحكوا الشامتينا
صرنا نعاني في جميع الميادين
هذا يراقبنا وذا يزدرينا
ناس على هدم المبادي سبوقين
غير الشتايم منّهم وش لقينا
إذا اعتذرنا قالوا انا بخيلين
وإذا عطينا ما دروا وش عطينا
بالأمس كانوا يحملونا علي العين
أيام كانت تحتضنهم يدينا
واليوم صار الوضع شين على شين
من بعد نقص المال محد يبينا
ما يدروا ان الوقت يابوك يومين
يوم لنا يمشي ويوم علينا
في عصرك أختلت جميع الموازين
واحنا بغادين العلوم ابتلينا
واليوم نبغى الحل يا كل غالين
ما دامنا عن وضعنا ما درينا

[ابوفهد العمري]

صح لسانه والله يعطيك العافية على الطرح الجميل .
اتمنى لو يتم ترتيب القصيد بطريقة افضل سواء من قبلك او من قبل الشاعر .

[سد الوادي]

حياك الله
ابو فهد

وانا حاولت ولكن ما ادري الخلل من عندي ولا من الجهاز

ولك تحيتي

[ابو فيصل العمري]

طرح مميز
وجهد تشكر عليه يا سد الوادي
وبن لقفص شاعر كبير ويستاهل البيرق
يعطيك العافيه يا سد الوادي

[بن ظافر]

تسلم بيض الله وجهك وجمل الله حالك يا الغالي

حفظ الله الشاعر الغالي من كل مكروه

[الصيـــ ( ضــــاري ) ــاد]

ديوان رائع لشاعر رائع
قامة شعريه تستق المتابعه والتقدير والتكريم اللائق
صح لسانه بعدد حروفه التي نظمها


وشكراً سد الوادي لهذا الإهتمام
سأكون هنا كثيراً .... وشكراً كثيراً لك أستاذي


و تقديري

[سد الوادي]

ابو فيصل

حياك الله وشكر لك حضورك وتواجدك

ولك تحيتي

[سد الوادي]

بن ظافر

سلمك ربي وبيض وجهك
وشكر لك حضورك وتواجدك

ولك تحيتي

[سد الوادي]

الصياد ضاري

حياك ربي وسلمك
وشكر لك حضورك وتشريفك

ولك تحيتي

[dr_zakaria]

طرح مميز
وجهد تشكر عليه يا ابو حسن
وبن لقفص شاعر كبير ويستاهل البيرق
يعطيك العافيه يا سد الوادي
انا سمعت شيلة تذكر يقول الناظم العمري هل هي للشاعر بن لقفص العمري ودنا نسمع الكلمات تحيتي لكم ودمتم سالمين